Հա

Համայնք

30/01/2020 - 09:00

Ատրպատականի հայոց թեմը շնորհաւորեց ՀՀ դեսպանութեանը Հայոց բանակի օրւայ առիթով

Երկուշաբթի, 27 յունւար 2020 թ.-ին, Թեհրանում նշւեց Հայաստանի Հանրապետութեան Բանակի հիմնադրութեան օրը, կազմակերպութեամբ Իրանի Իսլամական Հանրապետութեան մօտ Հայաստանի Հանրապետութեան դեսպանատան, գլխաւորութեամբ արտակարգ եւ լիազօր դեսպան՝ մեծարգոյ Արտաշէս Թումանեանի:

«alikonline.ir» - Երկուշաբթի, 27 յունւար 2020 թ.-ին, Թեհրանում նշւեց Հայաստանի Հանրապետութեան Բանակի հիմնադրութեան օրը, կազմակերպութեամբ Իրանի Իսլամական Հանրապետութեան մօտ Հայաստանի Հանրապետութեան դեսպանատան, գլխաւորութեամբ արտակարգ եւ լիազօր դեսպան՝ մեծարգոյ Արտաշէս Թումանեանի:

Այս հպարտառիթ օրւայ ուրախութիւնը կիսելով ՀՀ դեսպանատան անձնակազմի եւ համայն հայ ժողովրդի հետ, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական նամակով շնորհաւորանքի խօսք ուղղեց դեսպան Թումանեանին, թեմի Պատգամաւորական ժողովի, Թեմական խորհրդի եւ անձնապէս իր անունից, մանաւանդ խստաշունչ ձմռան բերմամբ անձամբ ներկայ լինել չկարողանալու պատճառով: Տեղեկացնում է Ատրպատականի ազգային առաջնորդարանը:

Սրբազան Հօր նամակում յատկապէս ասւում է. «Հայոց բանակի օրը, արդարեւ, Հայաստանի վերանկախացման տօնն է, որովհետեւ անկախութիւնը հովանաւորւում է հզօր եւ քաջարի բանակով: Մեր բանակը, մեր հայրենիքի անկախութեան անսասանութեան երաշխիքն է, նրա սահմանների ամուր պահապանը եւ համայն աշխարհում ապրող մեր ժողովրդի զաւակների յոյսը»:

Նոյն առիթով Սրբազան Հայրը շնորհաւորում է դեսպանատան զինւորական կցորդ՝ գնդ. Արթուր Ազնաւուրեանին եւ դեսպանատան ողջ անձնակազմին:

Յարակից լուրեր

  • Ցաւակցագիր Արամ Ա Վեհափառ Հայրապետին Ատրպատականի նախկին հոգեւոր առաջնորդի վախճանման առիթով
    Ցաւակցագիր Արամ Ա Վեհափառ Հայրապետին Ատրպատականի նախկին հոգեւոր առաջնորդի վախճանման առիթով

    18 մարտ 2020 թ.-ին, Անթիլիասի Մայրավանքի իր սենեակում ի Տէր հանգեաւ Մեծի Տանն Կիլիկիոյ կաթողիկոսութեան երէց միաբաններից՝ Տ. Տիրայր արք. Փանոսեանը, 83 տարեկան հասակում:

    Հոգելոյս Սրբազանը 1972 թւին, երանաշնորհ Տ.Տ. Խորէն Ա կաթողիկոսի կողմից նշանակւել էր Ատրպատականի հայոց թեմի կաթողիկոսական փոխանորդ, վարելով թեմակալի պաշտօն, մինչեւ 1979 թւականը, երբ դարձեալ Հայրապետական հրահանգով վերադարձել էր Անթիլիասի Մայրավանքը, Կաթողիկոսութեան Մատենադարանի պատասխանատու պաշտօնը ստանձնելու համար:

  • Ատրպատականի հայոց թեմի առաջնորդը շնորհաւորել է իրանահայութեան նորընտիր զոյգ պատգամաւորներին
    Ատրպատականի հայոց թեմի առաջնորդը շնորհաւորել է իրանահայութեան նորընտիր զոյգ պատգամաւորներին

    Երեքշաբթի, 25 փետրւար 2020 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, Իրանի Իսլամական խորհրդարանի 11-րդ նստաշրջանի ընտրութիւններում հիւսիսային եւ հարաւային իրանահայութեան քւէարկու ձայներով ընտրւած զոյգ պատգամաւորներ՝ Արա Շահվերդեանին եւ Ռոբերտ Բեգլարեանին ուղղած շնորհաւորական նամակներով իր եւ թեմի Պատգամաւորական ժողովի ու Թեմական խորհրդի, ինչպէս նաեւ թեմի կեանքում գործող միութիւնների, կազմակերպութիւնների եւ ժողովրդի բարեմաղթանքը հաղորդեց:

  • Սրբոց Վարդանանց տօնը՝ «Աւարայրի թեմ»-ում՝ Ատրպատականի հայոց թեմում
    Սրբոց Վարդանանց տօնը՝ «Աւարայրի թեմ»-ում՝ Ատրպատականի հայոց թեմում

    Հինգշաբթի, 20 փետրւար 2020 թ.-ին, Սրբոց Վարդանանց զօրավարաց ազգային-եկեղեցական յիշարժան տօնի խորհուրդը խոր ապրումներով եւ հաւատարմութեամբ նշւեց Ատրպատականի հայոց թեմում, որը Աւարայրի դաշտը իր մէջ ներառող թեմն է: Հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների հանդիսաւոր կատարումներ տեղի ունեցան:

  • Տեառնընդառաջի հանդիսաւոր նախատօնակ եւ հրավառութիւն Ատրպատականի հայոց թեմում
    Տեառնընդառաջի հանդիսաւոր նախատօնակ եւ հրավառութիւն Ատրպատականի հայոց թեմում

    Հայ եկեղեցու աւանդութեան համաձայն եւ հետեւելով դրա տօնացոյցի էջերի տւած պատւէրին, հինգշաբթի 13 փետրւար 2020 թ.-ի երեկոյեան ժամը 6-ին, Տեառնընդառաջի տէրունի յիշատակի առիթով, Ատրպատականի հայոց եկեղեցիներում՝ Թաւրիզում եւ Ուրմիայում, տեղի ունեցան հանդիսաւոր նախատօնակի ժամերգութիւններ եւ ապա հրավառութիւն:

  • Ատրպատականի հայոց թեմի առաջնորդ. «Վտանգն ու տագնապը վերանալու են այս երկրից մեր բոլորի հաւաքական աղօթքի զօրութեամբ»
    Ատրպատականի հայոց թեմի առաջնորդ. «Վտանգն ու տագնապը վերանալու են այս երկրից մեր բոլորի հաւաքական աղօթքի զօրութեամբ»

    Կիրակի, 2 փետրւար 2020 թ.-ին, Թաւրիզի Լիլաւա հայաշատ թաղամասի Ս. Սարգիս եկեղեցում մատուցւած ս. եւ անմահ պատարագի ընթացքին քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, իր խօսքի ընթացքում անդրադառնալով Իրանի Իսլամական յեղափոխութեան 41-րդ տարեդարձին: Տեղեկացնում է Ատրպատականի ազգային առաջնորդարանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։