Հա

Համայնք

04/02/2020 - 10:20

Ատրպատականի հայոց թեմի առաջնորդ. «Վտանգն ու տագնապը վերանալու են այս երկրից մեր բոլորի հաւաքական աղօթքի զօրութեամբ»

Կիրակի, 2 փետրւար 2020 թ.-ին, Թաւրիզի Լիլաւա հայաշատ թաղամասի Ս. Սարգիս եկեղեցում մատուցւած ս. եւ անմահ պատարագի ընթացքին քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, իր խօսքի ընթացքում անդրադառնալով Իրանի Իսլամական յեղափոխութեան 41-րդ տարեդարձին: Տեղեկացնում է Ատրպատականի ազգային առաջնորդարանը:

Յեղափոխութեան 41-րդ տարեդարձի առիթով

 

«Վտանգն ու տագնապը վերանալու են այս երկրից մեր բոլորի հաւաքական աղօթքի զօրութեամբ»

 

«alikonline.ir» - Կիրակի, 2 փետրւար 2020 թ.-ին, Թաւրիզի Լիլաւա հայաշատ թաղամասի Ս. Սարգիս եկեղեցում մատուցւած ս. եւ անմահ պատարագի ընթացքին քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, իր խօսքի ընթացքում անդրադառնալով Իրանի Իսլամական յեղափոխութեան 41-րդ տարեդարձին: Տեղեկացնում է Ատրպատականի ազգային առաջնորդարանը:

Հաւատացեալ ժողովրդին ուղղելով իր խօսքը, Սրբազան Հայրը օրւայ Աւետարանական հատւածից վերցնելով իր բնաբանը, ցոյց տւեց թէ Յիսուս ինչպիսի մեծ խոստումներ է տալիս իր յոյսը Աստծու վրայ դրած մարդուն, մինչեւ իսկ վերջին օրը նրան յարուցանելու պայմանով. «Աստծուն ապաւինող մարդկանց հաւատքի խոր արտայայտութիւնը՝ վստահութիւնն է, որ նաեւ փրկարար դերակատարութիւն է ունենում, երբ նեղութեան ու դժբախտութիւնների մէջ են գտնւում նրանք: Յարութիւն բառը իր վախճանաբանական իմաստից՝ այսինք ժամանակների աւարտին բոլորի յարութեան հրաշազան դէպքից բացի, առօրեայ կեանքում նեղութիւններից դուրս գալու իմաստը նաեւ ունի, երբ ամէն յոյս կորւում է, սակայն յանկարծ մի տեղից լոյս է ծագում փրկութեան, եւ անյոյս մէկ անձ վերադառնում է կեանքին: Նա յարութիւն է առնում իր տառապանքից եւ նոր հայեացքով նայում աշխարհին: Մի քանի շաբաթներ առաջ շատերի յոյսը կորւել է, երբ հարւած հասցւեց Իրանի գերագոյն դասակարգին, նահատակութեան պատճառ հանդիսանալով: Հակադարձ հարւածը չուշացւեց: Շատերի համար հակամարտութեան ահազանգը եւ պատերազմի փողը արդէն իսկ հնչած համարւեց: Սակայն… խաղաղութիւն տիրեց…: Նախախնամութիւնը միջամտեց եւ արիւնահեղութիւնը կանխւեց Արարչից, հազարաւոր ընտանիքների քայքայման եւ բիւրաւոր որբերի գոյառման աղէտի առաջքը առնւեց երկնքի դիտապետի նախախնամող միջամտութեամբ»,- ասաց Սրբազան Հայրը:

Շրջափակման հետեւանքով երկրում տիրող տնտեսական տագնապին տոկալու երկար տասնամեակների փորձառութիւնը Իրանցի ժողովրդի, որոնց շարքում նաեւ մեր ժողովրդի զաւակների, Սրբազան Հայրը համարեց երկնատուր շնորհք, որը հազւադէպ երեւոյթ է, նման տագնապալի կացութեան մատնւած երկրներում ապրող ժողովուրդների կեանքում. «Մեր անվերապահ յոյսը Աստծու վրայ ենք դրել, եւ վստահաբար նա վերացնելու է այս տագնապը եւ ամէն վտանգ, որը սպառնում է իրանական մեր հայրենիքին: Հազարամեակների վրայ տարածւած ներկայութիւն է հայ ժողովուրդը այս երկրում, վկայ Ատրպատականի հայոց թեմը իր հայութեամբ, որը տարբեր իշխանութիւնների օրօք ապրել է ու արարել այս աշխարհամասում, իր անջնջելի կնիքը դրոշմելով այս երկրի պատմութեան, մշակոյթին եւ առհասարակ քաղաքական ու հասարակական կեանքի վրայ»,- ասաց Սրբազան Հայրը, աղօթելով առ Աստւած, որ ուժ ու կորով պարգեւի երկրի գերագոյն կրօնապետին, իսկ իրենց միջազգային քաղաքականութեամբ եւ դիւանագիտութեամբ փայլուն բոլոր պետական գործիչներին՝ նորանոր յաջողութիւններ մաղթեց, ի խնդիր Իրանի ժողովրդի բարօրութեան:

 

ԱՏՐՊԱՏԱԿԱՆԻ ՀԱՅՈՑ ԹԵՄԻ ԱՌԱՋՆՈՐԴ՝

ԳՐԻԳՈՐ ԵՊՍ. ՉԻՖԹՃԵԱՆԸ

Յարակից լուրեր

  • Ատրպատականի հայոց թեմի առաջնորդը ցաւակցեց եւ զօրակցեց ԻԻՀ-ում Լիբանանի դեսպանին
    Ատրպատականի հայոց թեմի առաջնորդը ցաւակցեց եւ զօրակցեց ԻԻՀ-ում Լիբանանի դեսպանին

    6 օգոստոս 2020 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան ցաւակցական եւ զօրակցական նամակ յղեց ԻԻՀ-ում Լիբանանի արտակարգ եւ լիազօր դեսպան Հասան Մոհամմէդ Աբբասին, 4 օգոստոս 2020 թ.-ին, Բէյրութի նաւահանգիստում տեղի ունեցած աղէտալի պայթիւնի տխուր առիթով:

  • Ատրպատականից զօրակցութիւն՝ Ն.Ս.Օ.Տ.Տ. Արամ Ա կաթողիկոսին եւ լիբանանահայութեան
    Ատրպատականից զօրակցութիւն՝ Ն.Ս.Օ.Տ.Տ. Արամ Ա կաթողիկոսին եւ լիբանանահայութեան

    Ցաւով, ափսոսանքով ու զօրակցական զգացումներով հետեւեցինք երէկ, 4 օգոստոս 2020 թ.-ին, Բէյրութի նաւահանգիստում տեղի ունեցած ահաւոր պայթիւնի հետեւանքով ստեղծւած աղէտալի կացութեան, որից տուժւեց նաեւ մեր սիրելի լիբանանահայութիւնը, իր սրտում ունենալով մեր Ս. Աթոռը՝ Մեծի Տանն Կիլիկիոյ կաթողիկոսութիւնը:

  • Սալմաստի ազգագրութիւնը (Հատւած)
    Սալմաստի ազգագրութիւնը (Հատւած)

    Մէկ քանի ամիսներից ի վեր Ատրպատականի հայոց թեմի «Արտազ» պաշտօնական ամսագրում խմբագրում եւ հրատարակութեան ենք տալիս մեր թեմի արխիւատանը գտնւող այն գրութիւններից, որոնք թեմի պատմութեան եւ յատկապէս ազգագրութեան համար կարեւոր տւեալներ են պարունակում:

    Նման գրութիւններից են Թաւիրիզ նախկին Կենտրոնական դպրոցի աւարտական դասարանի աշակերտների գրութիւնները, որոնք ներկայացնում են իրենց եկած գաւառների ազգագրութիւնը: Երախտաշատ աշխատանք, որի յանձնարարողը եղել են բանիմաց ուսուցիչներ, տեղի վրայ կորստից փրկած լինելու համար այն, ինչ որ մեր գաւառների կեանքն էր, իր առօրեայով եւ հաւատալիքներով:

  • Մանկա-պատանեկան նկարչական ցուցահանդէսի բացում Ս. Թադէի վանքում
    Մանկա-պատանեկան նկարչական ցուցահանդէսի բացում Ս. Թադէի վանքում

    Կիրակի 26 յուլիս 2020-ի երեկոյեան ժամը 8-ին, Ս. Թադէի վանքում, դռնփակ պայմաններում, մանկա-պատանեկան նկարչական ցուցահանդէս տեղի ունեցաւ, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ կազմակերպութեամբ Իրանի Եկեղեցիների Պահպանութեան գրասենեակի տնօրէնութեան, որը առցանց միացումով ուղիղ սփռւեց, մասնակցութեամբ աւելի քան 100 ակնդիրների:

  • Տարեկան եռօրեայ ուխտագնացութեան օրերին Ս. Թադէոս Առաքեալի Աջի օրհնութիւն՝ Ս. Թադէի վանքից
    Տարեկան եռօրեայ ուխտագնացութեան օրերին Ս. Թադէոս Առաքեալի Աջի օրհնութիւն՝ Ս. Թադէի վանքից

    Շաբաթ 25 յուլիս 2020-ին, Ս. Թադէոս Առաքեալի եւ Ս. Սանդուխտ կոյսի տօնի առիթով, Ս. Թադէի վանքի Մայր խորանից, Ս. Թադէոս Առաքեալի Աջով օրհնութիւն բաշխւեց մեր ժողովրդի զաւակներին, որոնցից շատեր ցանկանալով ցանկանում էին այս տարի մասնակցել Ս. Թադէի վանքի տարեկան եռօրեայ ուխտագնացութեան:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։