Հա

Համայնք

26/02/2020 - 10:20

Ատրպատականի հայոց թեմի առաջնորդը շնորհաւորել է իրանահայութեան նորընտիր զոյգ պատգամաւորներին

Երեքշաբթի, 25 փետրւար 2020 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, Իրանի Իսլամական խորհրդարանի 11-րդ նստաշրջանի ընտրութիւններում հիւսիսային եւ հարաւային իրանահայութեան քւէարկու ձայներով ընտրւած զոյգ պատգամաւորներ՝ Արա Շահվերդեանին եւ Ռոբերտ Բեգլարեանին ուղղած շնորհաւորական նամակներով իր եւ թեմի Պատգամաւորական ժողովի ու Թեմական խորհրդի, ինչպէս նաեւ թեմի կեանքում գործող միութիւնների, կազմակերպութիւնների եւ ժողովրդի բարեմաղթանքը հաղորդեց:

«alikonline.ir» - Երեքշաբթի, 25 փետրւար 2020 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, Իրանի Իսլամական խորհրդարանի 11-րդ նստաշրջանի ընտրութիւններում հիւսիսային եւ հարաւային իրանահայութեան քւէարկու ձայներով ընտրւած զոյգ պատգամաւորներ՝ Արա Շահվերդեանին եւ Ռոբերտ Բեգլարեանին ուղղած շնորհաւորական նամակներով իր եւ թեմի Պատգամաւորական ժողովի ու Թեմական խորհրդի, ինչպէս նաեւ թեմի կեանքում գործող միութիւնների, կազմակերպութիւնների եւ ժողովրդի բարեմաղթանքը հաղորդեց: Տեղեկացնում է Ատրպատականի ազգային առաջնորդարանը:

Շնորհաւորական ու յաջողութեանց մաղթանքի հետ, իրանահայութեան ունեցած իրաւունքի եւ պարտաւորութիւնների շուրջ խորհրդածական տողերով, Սրբազան Հօր գրութիւնը բոլորի ուշադրութիւնը հրաւիրում է մի քանի մտածումների վրայ.

«Հասարակութեան կեանքը լաւագոյնս կառավարւում է Աստւածադիր օրէնքով՝ կրօնով, որի օրինակելի օրինակին հետեւելով աշխարհի օրէնսդիր մարմիններ, պետական եւ հասարակական, կարգաւորում են մարդկութեան քաղաքացիական կեանքը, ինչպէս նաեւ պետութեան ներքին ու արտաքին յարաբերութիւնները:

Բոլոր օրէնքների հաւասարակշռութիւնը որոշողը եւ այն հասարակաց յայտարարի վերածողը իրաւունքի եւ պարտաւորութեան իրար լրացնողն ըմբռնումն է, որի նկատմամբ թերի վերաբերմունքից ու երբեմն անձնական քմահաճոյքից բխած մօտեցումների հետեւանքով է կործանւում առողջ փոխյարաբերութիւնը: Մենք իբրեւ իրանահայեր պարտաւորութիւններ ունենք իրանական մեր հայրենիքի նկատմամբ եւ փոխադարձաբար իբրեւ լիիրաւ քաղաքացիները այս երկրի՝ համայնքային իրաւունքներ ունենք: Մենք չենք սպասում որ մեր իրաւունքները մեր պարտաւորութիւններից առաջ անցնեն, միաժամանակ չենք ընդունի, որ մեր արդար իրաւունքները անտեսւեն: Յատկացուցիչ-յատկացեալի համատեղութեամբ դիտելով այս երկուսին, համաքայլ ընթացք ենք մաղթում սոյն միացեալ գաղափարին եւ մտածողութեան»:

Վերջապէս, Սրբազան Հայրը յուսալից տողերով աղօթք է բարձրացնում հայազգի նորընտիր պատգամաւորների քաջառողջութեան եւ յաջողութեան համար, այն առհաւատչեայով, որ նրանք մեր եկեղեցու ու կրօնի ներկայացուցչի բարձր հանգամանքով եւ իրենց անսակարկ նւիրմամբ կը նպաստեն ընդհանրապէս Իրանի եւ յատկապէս իրանահայութեան վերելքին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։