Հա

Համայնք

19/12/2020 - 12:00

Ատրպատականի հայոց թեմի առաջնորդը ողջունում է՝ «Սուրբ Թադէոս առաքեալի վանքի եռօրեայ ուխտագնացութիւն»-ը Իւնեսքոյի կողմից գրանցւելու բացառիկ առիթը

Շուրջ մէկ տարի առաջ Իրանի մշակոյթի, ձեռարւեստի եւ զբօսաշրջիկութեան նախարարութեան, ինչպէս նաեւ Իրանի պատմական եկեղեցի պահպանման հիմնարկութեան ու Հայաստանի Իւնեսքոյի գրասենեակի կողմից կատարւած դիմումին ընդառաջելով, 17 դեկտեմբեր 2020-ին, Իւնեսքոն իր Մշակութային Ժառանգութեանց ցուցակում արձանագրեց նաեւ «Սուրբ Թադէոս առաքեալի վանքի տարեկան եռօրեայ ուխտագնացութիւն»-ը: 

«alikonline.ir» - Շուրջ մէկ տարի առաջ Իրանի մշակոյթի, ձեռարւեստի եւ զբօսաշրջիկութեան նախարարութեան, ինչպէս նաեւ Իրանի պատմական եկեղեցի պահպանման հիմնարկութեան ու Հայաստանի Իւնեսքոյի գրասենեակի կողմից կատարւած դիմումին ընդառաջելով, 17 դեկտեմբեր 2020-ին, Իւնեսքոն իր Մշակութային Ժառանգութեանց ցուցակում արձանագրեց նաեւ «Սուրբ Թադէոս առաքեալի վանքի տարեկան եռօրեայ ուխտագնացութիւն»-ը: Տեղեկացնում է Ատրպատականի ազգային առաջնորդարանը:

Միջազգային սոյն կարեւոր իրադարձութիւնը ողջունելով, Ատրպատականի հայոց թեմի առաջնորդ գերշ. Տ. Գրիգոր Ս. արք. Չիֆթճեան ողջունեց Սուրբ Թադէի վանքի առնչւած այս երկրորդ գրանցումը Իւնեսքոյի կողմից, այն նկատելով «Հաւատքի ամրագրում»: Սրբազան Հայրը յատկապէս ասաց.

«Հայ եկեղեցու հնագոյն թեմի ազգային ժողովականութեան եւ անձնապէս մեր անունից սրտանց ողջունում եմ Ս. Թադէոս առաքեալի վանքի տարեկան եռօրեայ ուխտագնացութեան գրանցումը Իւնեսքոյի Մշակութային ժառանհութիւննների ցուցակում: Հաւատքի ծննդավայրերը, հաւատքը պահպանելու ուժ ունեն իրենց մէջ: Այս առիթով բարձր ենք գնահատում Իւնեսքոյի միջազգային կազմակերպութեան դատակազմին Իրանի Իսլամական Հանրապետութեան մշակոյթի նախարարութեանը, Իրանի պատմական եկեղեցիների պահպանման պետական գրասենեակին եւ բոլոր այն անհատներին, որոնք օժանադակեցին միջազգային այս կարեւոր գործի իրականաց-ման»:

Ապա, Սրբազան Հայրը անդրադարձաւ Վանքի եռօրեայ ուխտագնացութեան բացառիկ եւ հազւադէպ երեւոյթին քրիստոնեայ աշխարհում, որը 1954 թւից մինչ այսօր պաշտօնապէս շարունակւում է Ատրպատականի հայոց թեմի ազգային իշխանութեան կողմից, բարձր հովանաւորութեամբ Ն.Ս.Օ.Տ.Տ. Արամ Ա. Կաթողիկոսին Մեծի Տանն Կիլիկիոյ եւ մասնակցութեամբ իրանահայ քոյր թեմերի. «Տեսնելով մեր ժողովրդի ծովածաւալ բազմութիւնը վանքի սրբազան միջավայրում եւ նրանց կապւածութիւնը մեր հոգեւոր ու մշակութային արժէքներին, բացայայտօրէն կարող ենք ասել, որ մարդու հաւատքը ամրագրւում է, որովհետեւ մարդ եւ Աստւած յարաբերութիւնը կազմում է կրօնի ոգին եւ ուժը այս կեանքում եւ յաւիտեաններում», եզրակացրեց Սրբազան Հայրը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։