Հա

Համայնք

19/10/2021 - 12:30

Ատրպատականի հայոց թեմի առաջնորդը պարգեւատրում կատարեց Ուրմիայի հայոց ազգային «Մասիհա» դպրոցում

Երկուշաբթի 18 հոկտեմբեր 2021-ին, Ատրպատականի հայոց թեմի առաջնորդ գերշ. Տ. Գրիգոր Ս. արք. Չիֆթճեան մեկնեց Ուրմիա, հայոց ազգային «Մասիհա» դպրոցում նախագահելու Թարգմանչաց Տօնի առիթով խորհրդանշական ծրագրի, որի ընթացքին, Մշակոյթի ամսւայ առիթով պարգեւատրեց տեղի հայոց դպրոցի երկու նւիրեալների: 

«alikonline.ir» - Երկուշաբթի 18 հոկտեմբեր 2021-ին, Ատրպատականի հայոց թեմի առաջնորդ գերշ. Տ. Գրիգոր Ս. արք. Չիֆթճեան մեկնեց Ուրմիա, հայոց ազգային «Մասիհա» դպրոցում նախագահելու Թարգմանչաց Տօնի առիթով խորհրդանշական ծրագրի, որի ընթացքին, Մշակոյթի ամսւայ առիթով պարգեւատրեց տեղի հայոց դպրոցի երկու նւիրեալների: Տեղեկացնում է Ատրպատականի ազգային առաջնորդարանը:

Կէսօրւայ ժամը 12-ին, Սրբազան Հայրը, ընկերակցութեամբ Ուրմիայի շրջանի պատգամաւորների՝ Բ. ատենապետ Սաքօ Մեջլումեանի, Բ. ատենադպիր Սարինէ Մեջլումեանի, Հ.Օ.Մ.-ի Ուրմիայի մասնաճիւղի նախագահ եւ Ս. Թադէի վանքի պատգամաւոր Սեդա Մեջլումեանի, Գործակալական խորհրդի ատենապետ Վանիկ Յակոբեանսի եւ նոյն խորհրդի անդամների, մուտք գործեց հայոց դպրոց եւ դիմաւորւեց տեսչուհի Ադրինէ Մեջլումեանի եւ ուսուցչական կազմի կողմից:

Սրբազան Հօր յատուկ հրաւէրով, սոյն ծրագրին ներկայ գտնւեցին Ատրպատականի հայոց թեմի ազգային բարերարներից՝ տէր եւ տիկին Էդիկ եւ Սանդրա Մեջլումեանները: Սրբազան Հայրը դպրոցի մուտքի «աղ ու հաց»-ի օրհնութիւն կատարեց եւ ապա ներկաները ուղղւեցին դպրոցի բակում յարդարւած սեղանների մօտ: Դպրոցի տեսչուհի Ադրինէ Մեջլումեանը բարի գալստեան խօսք ուղղեց, Սրբազան Հօր, միաժամանակ լայն զեկոյց տալով տարեշրջանի կրթական-ուսումնական կեանքի մասին:

Տեսչուհին անդրադառնալով աշխարհացունց կորոնաժահրի համավարակի պայմաններում դպրոցական կեանքի դժւարութիւններին, տեղեկացրեց առցանց միջոցների կիրառման մասին, որոնք կարելի կանոնաւորութեամբ շարունակւում են ուսուցչակազմի կողմից. «Ինչքան էլ փորձենք սոյն միջոցի կանոնաւոր կիրառումը, այն չի լրացնելու աշակերտութեան ֆիզիկական ներկայութիւնը դպրոցի նւիրական յարկի տակ»,- ասաց տեսչուհին: Ապա, նա իր եւ դպրոցի ուսուցչակազմի անունից սրտանց ողջունեց Սրբազան Հօր եւ ազգային իշխանութեան ներկայութիւնը հայոց դպրոցում, յատկապէս Թարգմանչաց տօնի եւ Մշակոյթի ամսւայ առիթով:

Սրբազան Հայրն իր պատգամը ուղղելով Ուրմիայի հայոց դպրոցի մեծ ընտանիքին, բարձրօրէն գնահատեց այն նւիրեալ աշխատանքը, որը կատարւում է սոյն կրթօջախում, նւիրեալ անձնաւորութիւնների անձնազոհութեան շնորհիւ. «Սփիւռքում հայ դպրոց պահպանելը, հայոց լեզուն կենդանի պահելը, հայ մատղաշ սերնդին հայեցի դաստիարակութիւն ջամբելը հերոսական արարքների համազօր աշխատանքներ են: Այս առումով, ձեզանից իւրաքանչիւրը հերոս է մեր ակնոցով դիտած»:

Ապա, Սրբազան Հայրը յայտնեց, որ յատկապէս եկել է դպրոց, սոյն կրթօջախի երկու նւիրեալների գնահատելու. «Մեր բարձր գնահատանքն ենք յայտնում Ուրմիայի հայոց դպրոցի տեսչուհի Ադրինէ Մեջլումեան-Գրիգորեանին, որ աւելի քան մէկ տասնամեակից ի վեր ամենօրեայ դրութեամբ ներկայութիւն է դպրոցում, պատասխանատւութեան բարձր գիտակցութեամբ ու ձեռնհասօրէն վարելով տեսչութեան պաշտօնը: Երկրորդ, բարձրօրէն գնահատում ենք հայոց լեզւի երկարամեայ ուսուցչուհի Լինէթ Մեջլումեանին, որ հայ մանուկների շրթներին միշտ ծաղկուն է պահում հայոց լեզուն, եւ նրանց կոփում է հայոց պատմութեան հերոսական դրւագներով», ասաց Սրբազանը, ընթերցելով իր ստորագրած Գնահատական Գիրերը, իբրեւ վկայութիւն երկու նւիրեալների կատարած զոհողութեանց: Ապա, գնահատանքի արժանացած երկու մեծարեալները Սրբազան Հօր ձեռից ստացան իրենց գնահատագրերը, իբրեւ յուշարար իրենց կատարած վաստակաշատ աշխատանքի:

Խորհրդանշական ձեռնարկի աւարտին, դպրոցի տեսչութիւնը հիւրասիրութեամբ պատւեց ներկաներին, որոնք առիթ ունեցան անձամբ եւս շնորհաւորելու գնահատանքի արժանացած անձերին, իրենց բարեմաղթութիւնները հաղորդելով նրանց:

Յայտնենք, որ հակառակ երկրում տիրող համավարակի զգուշաւոր պայմաններին, Ուրմիահայ գաղութի կեանքում ազգային-եկեղեցական կեանքը շարունակւում է, ամէն կիրակի օրերին մատուցւած ս. պատարագով եւ տարբեր առիթների խորհրդակատարութիւններով:

 

Image Gallery

View the embedded image gallery online at:
https://alikonline.ir/news/community/azerbaijan-provinces/item/71545-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId9bfd7d7f79

Յարակից լուրեր

  • Ս. Ծննդեան եւ Աստւածայայտնութեան տօնը Ատրպատականի հայոց թեմում
    Ս. Ծննդեան եւ Աստւածայայտնութեան տօնը Ատրպատականի հայոց թեմում

    Համայն աշխարհի մարդկութեան դիմագրաւած ներկայ առողջական, հասարակական ու մանաւանդ հայ ազգի առջեւ ծառացած դժւարին պայմաններում Սուրբծննդեան տօնի խորհուրդը վերլուծելով, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր պատգամը ուղղեց թեմի ժողովրդին, աշխարհի խաղաղութեան եւ համայն մարդկութեան առողջութեան համար աղօթք բարձրացնելով առ Աստւած: 

  • «Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ». Գրիգոր արք. Չիֆթճեան
    «Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ». Գրիգոր արք. Չիֆթճեան

    Կիրակի, 2 յունւարի 2022 թ.-ի երեկոյեան ժամը 4.30-ին, Ուրմիայի քրիստոնեայ համայնքներին ի պատիւ կազմակերպւած Ս. Ծննդեան ընդունելութեան մասնակցեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը: Հանդիսութիւնը տեղի ունեցաւ նեստորական ասորիների «Ս. Մարիամ» եկեղեցու հանդիսասրահում

  • 2022 Նոր տարւայ առաջին պատարագը Ատրպատականի հայոց թեմում
    2022 Նոր տարւայ առաջին պատարագը Ատրպատականի հայոց թեմում

    Բացւող Նոր տարւայ սեմին, Ատրպատականի հայոց թեմի եկեղեցիներում՝ Թաւրիզում եւ Ուրմիայում մատուցւեց սուրբ եւ անմահ պատարագ, կիրակի, 2 յունւարի 2022 թ.-ին: 

  • 2022 Նոր տարին առողջութեան մաղթանքներով դիմաւորւեց Ատրպատականի հայոց թեմում
    2022 Նոր տարին առողջութեան մաղթանքներով դիմաւորւեց Ատրպատականի հայոց թեմում

    Ատրպատականի հայոց թեմի զաւակների տարիների աւանդութիւնն է, ամանորը դիմաւորել հաւաքապէս, ազգային առաջնորդարանի սրահում, համադամ կերակուրներով լեցուն սեղանների շուրջը համախմբւած: Նախորդ տարի, համավարակը չթողնեց, որ սոյն աւանդութիւնը շարունակւի, սակայն այս տարի, հիւանդութեան տարածումը համեմատաբար նախորդ տարւայ աւելի նւազած լինելով, համայնքը քաջութիւնը ունեցաւ վերստին համախմբւելու, Նոր տարւայ դիմաւորութիւն կատարելու համար:

  • Տկա՛ր ենք, անյոյս չե՛նք
    Տկա՛ր ենք, անյոյս չե՛նք

     

    Տարին աւարտւում է եւ նոր տարեշրջան է բացւում: Անցեալը չենք կարող մոռանալ, սակայն տկարութեան մէջ իսկ նւիրւելու ենք աշխատանքի, մեր տկարութիւնը զօրութեան փոխակերպելու համար: Նահատակների սուրբ արիւնը ինքնին բալասան է տկարութեամբ վիրաւոր մարդու բաց վէրքերին, որովհետեւ նրանց մայրերի արցունքախառն վրէժխնդրութիւնը թրծում է նոյնիսկ ամենատկարի կամքը, եւ բոցկլտացող աչքեր պարգեւում նրան: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։