Հա

Համայնք

29/11/2021 - 09:30

Ատրպատականի հայոց թեմի առաջնորդը մեկնեց Անթիլիաս

Երկուշաբթի, 29 նոյեմբերի 2021 թ.-ի վաղ առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը մեկնեց Անթիլիաս, Լիբանան, որտեղ Մեծի Տանն Կիլիկիոյ Կաթողիկոսութեան Մայրավանքում 1-4 դեկտեմբեր 2021 թ.-ին մասնակցելու է, Ն.Ս.Օ.Տ.Տ. Արամ Ա կաթողիկոսի բարձր նախագահութեամբ տեղի ունենալիք Ազգային Կենտրոնական Վարչութեան Կրօնական եւ Աշխարհական ժողովների միացեալ նիստերին:

«alikonline.ir» - Երկուշաբթի, 29 նոյեմբերի 2021 թ.-ի վաղ առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը մեկնեց Անթիլիաս, Լիբանան, որտեղ Մեծի Տանն Կիլիկիոյ Կաթողիկոսութեան Մայրավանքում 1-4 դեկտեմբեր 2021 թ.-ին մասնակցելու է, Ն.Ս.Օ.Տ.Տ. Արամ Ա կաթողիկոսի բարձր նախագահութեամբ տեղի ունենալիք Ազգային Կենտրոնական Վարչութեան Կրօնական եւ Աշխարհական ժողովների միացեալ նիստերին: Տեղեկացնում է Ատրպատականի ազգային առաջնորդարանը:

Ատրպատականի հայոց թեմի առաջնորդը, ե՛ւ իբրեւ անդամ յիշեալ ժողովին, ե՛ւ իբրեւ թեմակալ իր մասնակցութիւնն է բերելու յիշեալ նիստերին, որոնք ընդգրկելու են կրօնական, միջկրօնական, միջեկեղեցական, տարածաշրջանային, ազգային-հասարակական, կանոնագրային, կալւածային, տնտեսական եւ օրակարգի այլ նիւթեր:

Սրբազան Հայրը յատուկ հանդիպում է ունենալու Վեհափառ Հայրապետի հետ, Նորին Սրբութեան հաղորդելու թեմի Պատգամաւորական ժողովից եւ Թեմական խորհըրդի նիստերից բխած մի շարք մասնաւոր նիւթեր, ունենալու համար Վեհափառ Հայրապետի տեսակէտը եւ լսելու նրա հայրական յորդորները:

Յայտնենք նաեւ, որ նոյն օրերին Անթիլիասում տեղի են ունենալու մի շարք միջոցառումներ, ինչպէս «Կիլիկիա» վերանորոգեալ թանգարանի եւ Անթիլիասի Մատենադարանի վերադասաւորումից յետոյ կայանալիք վերաբացման հանդիսութիւնները, Բիքֆայայի վանքում բացումը եպիսկոպոսաց նորակառոյց շէնքի եւ մի շարք այլ մշակութային ձեռնարկներ, որոնց իր մասնակցութիւնն է բերելու Սրբազան Հայրը: Չորսօրեայ ժողովներից եւ միջոցառումներից անմիջապէս յետոյ, Ատրպատականի հայոց թեմի առաջնորդը վերադառնալու է Թաւրիզ:

 

Յարակից լուրեր

  • Սրբապատկերի օծում Ուրմիայի Ս. Ստեփանոս եկեղեցում
    Սրբապատկերի օծում Ուրմիայի Ս. Ստեփանոս եկեղեցում

    Ուրբաթ, 14 յունւարի 2022 թ.-ին, կէսօրից յետոյ ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը սրբապատկերի օծում կատարեց Ուրմիայի Ս. Ստեփանոս ծխական եկեղեցում, յընթացս երեկոյեան ժամերգութեան:

  • Ս. Ծննդեան եւ Աստւածայայտութեան տօնը Ռահւա գիւղի Ս. Աստւածածին հնադարեայ եկեղեցում
    Ս. Ծննդեան եւ Աստւածայայտութեան տօնը Ռահւա գիւղի Ս. Աստւածածին հնադարեայ եկեղեցում

    Ուրբաթ, 14 յունւարի 2022-ին սուրբ պատարագով, ջրօրհնէքով եւ ժողովրդական հաւաքով նշւեց Սուրբծննդեան եւ Աստւածայայտնութեան տօնը Ռահւա գիւղի հնադարեայ Սուրբ Աստւածածին եկեղեցում: Առաւօտեան ժամը 10.30-ին, գիւղ ժամանեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը, եւ գիւղի աւանդութեան համաձայն աղ ու հացով ընդունւեց եկեղեցու մուտքին, Հոգաբարձութեան եւ Խնամակալ մարմնի անդամների կողմից:

  • Ս. Ծննդեան եւ Աստւածայայտնութեան տօնը Ատրպատականի հայոց թեմում
    Ս. Ծննդեան եւ Աստւածայայտնութեան տօնը Ատրպատականի հայոց թեմում

    Համայն աշխարհի մարդկութեան դիմագրաւած ներկայ առողջական, հասարակական ու մանաւանդ հայ ազգի առջեւ ծառացած դժւարին պայմաններում Սուրբծննդեան տօնի խորհուրդը վերլուծելով, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր պատգամը ուղղեց թեմի ժողովրդին, աշխարհի խաղաղութեան եւ համայն մարդկութեան առողջութեան համար աղօթք բարձրացնելով առ Աստւած: 

  • Ծնւեց, ուրեմն փրկելու է…
    Ծնւեց, ուրեմն փրկելու է…

    Աստծու փրկագործական ծրագիրը մարդկային սովորական մտքի ծրագրի նման չէ, որը անկայուն է եւ միշտ փոփոխութիւնների ենթակայ, մարդու յեղյեղուկ նկարագրի պատճառով: Յատուկ նպատակով ծնւած եւ մարդացեալ Աստւածը անպայման փրկելու էր իր իսկ ստեղծած մարդկութիւնը: Փրկչի ծննդեան թւականից մինչ այսօր քիչ չեն եղել պատերազմներ, աւերածութիւններ, կոտորածներ, հիւանդութիւններ, նոյնիսկ համաճարակներ, որոնց ժայթքող լաւան իր հրաշունչ որովայնի մէջ էր կլանել եւ ածխացրել բիւրաւորներին:

  • «Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ». Գրիգոր արք. Չիֆթճեան
    «Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ». Գրիգոր արք. Չիֆթճեան

    Կիրակի, 2 յունւարի 2022 թ.-ի երեկոյեան ժամը 4.30-ին, Ուրմիայի քրիստոնեայ համայնքներին ի պատիւ կազմակերպւած Ս. Ծննդեան ընդունելութեան մասնակցեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը: Հանդիսութիւնը տեղի ունեցաւ նեստորական ասորիների «Ս. Մարիամ» եկեղեցու հանդիսասրահում

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։