Հա

Համայնք

04/01/2022 - 13:00

«Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ». Գրիգոր արք. Չիֆթճեան

Կիրակի, 2 յունւարի 2022 թ.-ի երեկոյեան ժամը 4.30-ին, Ուրմիայի քրիստոնեայ համայնքներին ի պատիւ կազմակերպւած Ս. Ծննդեան ընդունելութեան մասնակցեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը: Հանդիսութիւնը տեղի ունեցաւ նեստորական ասորիների «Ս. Մարիամ» եկեղեցու հանդիսասրահում

«alikonline.ir» - Կիրակի, 2 յունւարի 2022 թ.-ի երեկոյեան ժամը 4.30-ին, Ուրմիայի քրիստոնեայ համայնքներին ի պատիւ կազմակերպւած Ս. Ծննդեան ընդունելութեան մասնակցեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը: Հանդիսութիւնը տեղի ունեցաւ նեստորական ասորիների «Ս. Մարիամ» եկեղեցու հանդիսասրահում: Տեղեկացնում է Ատրպատականի ազգային առաջնորդարանը:

Թեմակալ առաջնորդին ընկերակցում էին թեմի պատգամաւորական ժողովի Ուրմիայի շրջանի պատգամաւորները, Թեմական խորհուրդը իր լրիւ կազմով, ինչպէս նաեւ Ուրմիայի Գործակալական խորհուրդը: Հանդիսութեան ներկայ գտնւեցին նաեւ ուրմիահայեր, գլխաւորութեամբ ազգային բարերար Էդիկ Մեջլումեանի:

Հանդիսութեան ներկաների շարքերում մեծ թիւ էին կազմում պետական ներկայացուցիչներ, ինչպէս նահանգապետ դոկտ. Մոդամադեանի ներկայացուցիչ՝ Ռեզա Իբրահիմի, Իսլամական Մշակոյթի տարածման եւ փոքրամասնութիւնների հիմնարկութեան ընդհ. տնօրէն՝ Ալիռեզա Նովրուզի, նոյն հիմնարկի գրասենեակի պատասխանատու Իսմայէլզադէ, Ուրմիայի քաղաքապետ՝ Հոսէյն Մեհդիզադէ, ԻԻՀ-ում ասորական համայնքի պատգամաւոր Շարլի, Նահատակների հիմնարկութեան տնօրէնը, ասորի կաթոլիկ եկեղեցու առաջնորդը իր օգնականներով, նեստորական համայնքի քահանայ՝ Իլիուշ Ազիզեանը, աւետարանական համայնքի վերապատւելին եւ այլ հրաւիրեալներ:

Հանդիսութեան ընթացքին բեմ հրաւիրւելով, օրւայ առիթով իր պատգամը յղեց Սրբազան Հայրը: Տօնական առիթը օգտագործելով, Սրբազան Հայրը բոլորի ուշադրութիւնը հրաւիրեց այն խաղաղ համակեցութեան եւ համագործակցութեան վրայ, որ փոքրամասնութիւնները ապրում են Իրանի Իսլամական Հանրապետութիւնում. «Փոխադարձ յարգանքը ակներեւ է քրիստոնէական եւ մուսուլման տօների դէպքում, երբ մենք որպէս քրիստոնեաներ յարգում ենք այս երկրի մուսուլմանական օրէնքները, ինչպէս նաեւ տօնական առիթներով մեր յարգանքը ընծայում մեր մուսուլման քոյրերին եւ եղբայրներին: Նոյն յարգանքը մենք ենք տեսնում նրանց կողմից: Այսօրւան այս հաւաքը, Քրիստոսի Ս. Ծննդեան առիթով, որը որպէս պատիւ ընծայւում է Ատրպատական նահանգի արեւմտեան շրջանի քրիստոնեայ համայնքներին, իր օրինակը վերցնում է երկրի բարձրագոյն իշխանութիւնից: Իրանը օրինակելի օրինակ է փոքրամասնութիւնների նկատմամբ յարգանքի եւ սիրոյ»,- ասաց Սրբազան Հայրը, յիշելով նաեւ հայ նահատակների հանդէպ պետութեան ցուցաբերած անխտրական յարգանքը:

Հանդիսութեան ընթացքին խօսք առին նաեւ նահանգապետի ներկայացուցիչը, փոքրամասնութիւնների ընդհ. տնօրէնը, Իրանի Իսլ. խորհրդարանում ասորական համայնքի պատգամաւորը, որը նաեւ խօսեց Թեհրանի եւ հիւսիսային իրանահայութեան պատգամաւոր Արա Շահվերդեանի անունից, ինչպէս նաեւ ասորի կաթոլիկ եւ նեստորական ասորի համայնքների հոգեւորականները:

Ծրագիր աւարտին բացման արարողութիւնը կատարւեց այն գծանկարին, որը Յիսուսի Յայտնութիւնն էր խորհրդանշւում, պատրաստւած մուսուլման նկարիչ Խաղանիի ձեռամբ: Նոյն նկարից կրկնօրինակներ նւիրաբերւեցին բոլոր բանախօսներին, ինչպէս Ատրպատականի հայոց թեմի առաջնորդին:

 

Յարակից լուրեր

  • Սրբապատկերի օծում Ուրմիայի Ս. Ստեփանոս եկեղեցում
    Սրբապատկերի օծում Ուրմիայի Ս. Ստեփանոս եկեղեցում

    Ուրբաթ, 14 յունւարի 2022 թ.-ին, կէսօրից յետոյ ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը սրբապատկերի օծում կատարեց Ուրմիայի Ս. Ստեփանոս ծխական եկեղեցում, յընթացս երեկոյեան ժամերգութեան:

  • Ս. Ծննդեան եւ Աստւածայայտութեան տօնը Ռահւա գիւղի Ս. Աստւածածին հնադարեայ եկեղեցում
    Ս. Ծննդեան եւ Աստւածայայտութեան տօնը Ռահւա գիւղի Ս. Աստւածածին հնադարեայ եկեղեցում

    Ուրբաթ, 14 յունւարի 2022-ին սուրբ պատարագով, ջրօրհնէքով եւ ժողովրդական հաւաքով նշւեց Սուրբծննդեան եւ Աստւածայայտնութեան տօնը Ռահւա գիւղի հնադարեայ Սուրբ Աստւածածին եկեղեցում: Առաւօտեան ժամը 10.30-ին, գիւղ ժամանեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը, եւ գիւղի աւանդութեան համաձայն աղ ու հացով ընդունւեց եկեղեցու մուտքին, Հոգաբարձութեան եւ Խնամակալ մարմնի անդամների կողմից:

  • Ս. Ծննդեան եւ Աստւածայայտնութեան տօնը Ատրպատականի հայոց թեմում
    Ս. Ծննդեան եւ Աստւածայայտնութեան տօնը Ատրպատականի հայոց թեմում

    Համայն աշխարհի մարդկութեան դիմագրաւած ներկայ առողջական, հասարակական ու մանաւանդ հայ ազգի առջեւ ծառացած դժւարին պայմաններում Սուրբծննդեան տօնի խորհուրդը վերլուծելով, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր պատգամը ուղղեց թեմի ժողովրդին, աշխարհի խաղաղութեան եւ համայն մարդկութեան առողջութեան համար աղօթք բարձրացնելով առ Աստւած: 

  • Ուրմիայի Հ.Օ.Մ.-ի «Նայիրի» մանկապարտէզի Ս. Ծննդեան «Աւետիս»-ը
    Ուրմիայի Հ.Օ.Մ.-ի «Նայիրի» մանկապարտէզի Ս. Ծննդեան «Աւետիս»-ը

    Չորեքշաբթի, 5 յունւարի 2022 թ.-ին, նախաձեռնութեամբ Հ.Օ.Մ.-ի Ուրմիայի «Նայիրի» մանկապարտէզի տեսչութեան, կազմւեց Ս. Ծննդեան «Աւետիս»-ը տարածող երգչախումբ, Փրկչի Ծննդեան Աւետիսը առցանց փոխանցելու համար ուրմիահայութեան: 

  • Ծնւեց, ուրեմն փրկելու է…
    Ծնւեց, ուրեմն փրկելու է…

    Աստծու փրկագործական ծրագիրը մարդկային սովորական մտքի ծրագրի նման չէ, որը անկայուն է եւ միշտ փոփոխութիւնների ենթակայ, մարդու յեղյեղուկ նկարագրի պատճառով: Յատուկ նպատակով ծնւած եւ մարդացեալ Աստւածը անպայման փրկելու էր իր իսկ ստեղծած մարդկութիւնը: Փրկչի ծննդեան թւականից մինչ այսօր քիչ չեն եղել պատերազմներ, աւերածութիւններ, կոտորածներ, հիւանդութիւններ, նոյնիսկ համաճարակներ, որոնց ժայթքող լաւան իր հրաշունչ որովայնի մէջ էր կլանել եւ ածխացրել բիւրաւորներին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։