Հա

Համայնք

18/06/2022 - 13:30

Ուրմիայի Ս. Ստեփանոս եկեղեցու Կանանց Խնամակալ մարմնի անդամական ժողովը

Ուրբաթ, 17 յունիսի 2022 թ.-ի յետ միջօրէի ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը նախագահեց Ուրմիայի Ս. Ստեփանոս եկեղեցու Կանանց Խնամակալ մարմնի անդամական ընդհանուր ժողովին: 

«alikonline.ir» - Ուրբաթ, 17 յունիսի 2022 թ.-ի յետ միջօրէի ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը նախագահեց Ուրմիայի Ս. Ստեփանոս եկեղեցու Կանանց Խնամակալ մարմնի անդամական ընդհանուր ժողովին: Տեղեկացնում է Ատրպատականի ազգային առաջնորդարանը:

Եկեղեցու «Արամ Մանուկեան» սրահում, Սրբազան Հօր աղօթքով բացումը կատարւեց ժողովի, որին ներկայ գտնւեցին Պատգամաւորական ժողովի դիւանի Ուրմիայի անդամները՝ Սաքօ եւ Սարինէ Մեջլումեաններ, Թեմական խորհրդի ներկայացուցիչներ՝ Հենրիկ Աբրահամեան եւ Քաթրին Դիլանեան, արժ. Տ. Մարտիրոս քհնյ. Ղուկասեանը, Գործակալական խորհուրդը եւ Խնամակալ մարմնի բոլոր անդամուհիները:

Բացման խօսքը կատարելով, Պատգամաւորական ժողովի դիւանի Բ ատենադպրուհի Սարինէ Մեջլումեանը սրտանց ողջունեց Սրբազան Հօր ներկայութիւնը եւ նախագահութիւնը սոյն ժողովին, միշտ հաւատալով, որ «Աստծու Տան նկատմամբ նախանձախնդրութիւնը իւրաքանչիւր հաւատացեալ մարդու առաջին պարտականութիւնը պիտի լինի»,- ասաց նա:

Եկեղեցու կազմակերպական կեանքում Կանանց Խնամակալ մարմնի կենսական դերակատարութեան մասին բացատրական խօսքերով իր պատգամը սկսեց Սրբազան Հայրը, շեշտելով համայնքային կեանքում իւրաքանչիւր անհատի դերակատարութիւնը, ի նպաստ եկեղեցու պայծառութեան. «Վասն շինութեան եւ բարեկարգութեան սրբոյ եկեղեցւոյս, զտէր աղաչեսցուք մաղթանքը միշտ երգւում է եկեղեցում, սակայն այն տպաւորութիւնն է ստանում ժողովուրդը, որ հոգեւորականն է եկեղեցու բարեկարգիչը: Բոլորս միասին կրում ենք պատասխանատւութիւնը այս տան պայծառութեան»,- շեշտեց Սրբազան Հայրը, մէկ առ մէկ բացատրելով համայնական աշխատանքային փուլերը եւ յաջողութեան գաղտնիքը: Սրբազան Հայրը ուսուցողական ոճով բացատրեց հայ եկեղեցու կանոնները, խորանի յարդարանքի, զգեստաւորման, մոմավաճառութեան եւ այլ մանրամասնութիւններ: Վաղուց մոռացութեան տրւած բազմաթիւ օրէնքներ վերստին յիշւեցին, թարմացնելով բոլորի յիշողութիւնը եւ ամրապնդելով նախանձախնդրութիւնը մեր եկեղեցու նկատմամբ:

Թեմական խորհրդի անունից խօսք առաւ Հենրիկ Աբրահամեանը, եկեղեցու կեանքում միասնական ու համերշխ աշխատանքի տւած երջանկութեան զգացումը շեշտելով:

Խնամակալի ցարդ գործող վարչութեան անդամուհիները իրենց անցած շրջանի աշխատանքային զեկոյցը ներկայացրեցին, որին յաջորդեց քննարկում: Բացատրականներ տրւեցին վարչութեան անդամուհիների միջոցով, որ յաւելումներից յետոյ վաւերացրեց ներկայ ժողովականների կողմից:

Յառաջիկայ Խնամակալ մարմնի գործունէութեան ուղեգիծ ճշտւեց, աշխատանքային բաժանումը կատարելով մի քանի խմբերի միջեւ: Նկատի ունենալով բոլոր ընտանիքների բազմազբաղ դրութիւնը, երեք շաբաթեայ դրութեամբ աշխատանքային խմբերի ընտրութիւն կատարւեց, որոնք վաւերացւեցին Սրբազան Հօր միջոցով:

Եկեղեցու «Նարեկացի» երգչախմբի առաւել վերակազմակերպման համար եղան առաջարկութիւններ, ինչպէս նաեւ հաւատացեալների առաւել մասնակցութեան համար ծրագիրներ ներկայացւեցին Խնամակալ մարմնի անդամուհիներից:

Յայտնենք, որ երգչախմբի խմբավարութեան համար Գործակալութեան հրաւէրով պաշտօնի է կոչւել ուրմիահայ յայտնի երաժիշտ Սերժիկ Արմիրանեանը, որը շուտով ստանձնելու է իր կարեւոր առաքելութիւնը Ուրմիայի եկեղեցում, առաւել եւս պայծառացնելու համար եկեղեցական երգեցողութիւնը եւ կիրակնօրեայ պատարագները: Ժողովին ներկայ գտնւելով, խմբավարը իր պատկերացումը յայտնեց երգչախմբի վերակազմակերպման գծով, ազգային իշխանութեան օժանդակութիւնը հայցելով անդամագրութեան աշխատանքում:

Սրբազան Հօր «Պահպանիչ» աղօթքով վերջ գտաւ Խնամակալ մարմնի անդամական ընդհանուր ժողովը, հայ եկեղեցուն ծառայելու անդառնալի ուխտով:

 

Յարակից լուրեր

  • Թաւրիզի 8-րդ շրջանի քաղաքապետի այցը Ատրպատականի հայոց թեմի առաջնորդարան
    Թաւրիզի 8-րդ շրջանի քաղաքապետի այցը Ատրպատականի հայոց թեմի առաջնորդարան

    Շաբաթ, 28 յունւարի 2023թ.-ի երեկոյեան ժամը 4-ին, Թաւրիզի 8-րդ քաղաքամասի քաղաքապետ դոկտ. Ջանֆեշանն, աշխատանքային այցով ժամանեց Ատրպատականի հայոց թեմի ազգային առաջնորդարան: Յարգոյ քաղաքապետին ընկերակցում էր նրա ճարտարապետական եւ ընդհանուր բարեզարդման լրիւ կազմը: Հիւրերը ընդունւեցին Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի կողմից, «Էմիլ Յակոբեան» դահլիճում, ներկայութեամբ Թեմական խորհրդի անդամների:

  • Ատրպատականի հայոց թեմի առաջնորդի հանդիպումը հրիտակւած կալւածների ընդհ. տնօրէնի հետ
    Ատրպատականի հայոց թեմի առաջնորդի հանդիպումը հրիտակւած կալւածների ընդհ. տնօրէնի հետ

    Շաբաթ, 28 յունւարի 2023թ.-ի առաւօտեան ժամը 10-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեան, ընկերակցութեամբ Թեմական խորհրդի կազմին, պաշտօնական հանդիպում ունեցաւ Ատրպատականի արեւելեան նահանգի հրիտակւած կալւածների ընդհանուր տնօրէն՝ Սէյէդ Հոսէյնիի հետ, նրա Թաւրիզի կենտրոնատեղիում: Հանդիպմանը ներկայ գտնւեցին նաեւ Փոքրամասնութիւնների գրասենեակի պատասխանատուն եւ Հիմնարկութեան բարձրաստիճան պաշտօնատար անձինք:

  • Հ.Մ.Ա.Կ.-ի Թաւրիզի մասնաճիւղի հանդիպումը Ատրպատականի հայոց թեմի առաջնորդի եւ Թեմական խորհրդի հետ
    Հ.Մ.Ա.Կ.-ի Թաւրիզի մասնաճիւղի հանդիպումը Ատրպատականի հայոց թեմի առաջնորդի եւ Թեմական խորհրդի հետ

    Հինգշաբթի, 26 յունւարի 2023թ.-ի կէսօրից յետոյ ժամը 2.30-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր գրասենեակում ընդունեց Հ.Մ.Ա.Կ.-ի Թաւրիզի մասնաճիւղի վարչութեան դիւանին, գլխաւորութեամբ ատենապետ Նժդիկ Աբրահամեանի: Հանդիպմանը ներկայ գտնւեցին Թեմական խորհրդի անդամները` Գագիկ Ջորջեանը, Ալէն Սայեադեանը, Վարդան Կարապետեանը, Հենրիկ Աբրահամեանը եւ Քաթրին Դիլանեանը:

  • Թաւրիզահայ միութիւնների եւ կազմակերպութիւնների հանդիպումը` ազգային առաջնորդարանում
    Թաւրիզահայ միութիւնների եւ կազմակերպութիւնների հանդիպումը` ազգային առաջնորդարանում

    Հինգշաբթի, 26 յունւարի 2023թ.-ի կէսօրին, Թաւրիզում գործող բոլոր միութիւնների եւ կազմակերպութիւնների վարչութեանց ներկայացուցիչները ժողովական հանդիպում ունեցան ազգային առաջնորդարանի «Էմիլ Յակոբեան» դահլիճում, նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի: 

  • Ատրպատականի հայոց թեմի վշտակցութիւնը՝ ՀՀ զինծառայողների դժբախտ դէպքի առթիւ
    Ատրպատականի հայոց թեմի վշտակցութիւնը՝ ՀՀ զինծառայողների դժբախտ դէպքի առթիւ

    Ատրպատականի հայոց թեմի առաջնորդ Տ. Գրիգոր արք. Չիֆթճեանը վշտակցական ու զօրակցական տողերով նամակ է յղել ԻԻՀ-ում ՀՀ արտակարգ եւ լիազօր դեսպան պրոֆ. Արսէն Աւագեանին, ցաւակցելով Հայաստանի Հանրապետութեան զօրամասում բռնկւած հրդեհի տխուր իրադարձութեան առիթով, որի զոհ են դարձել 15 զինծառայողներ, իսկ 3 հոգի ծանր վիրաւորում են ստացել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։