Հա

Համայնք

You are here:Գլխաւոր էջ»Լուրեր»Համայնք»Ատրպատական»Ամանորի առիթով Հ.Օ.Մ.-ի Ուրմիայի մասնաճիւղի մարդասիրական այցը ծերանոցի պատսպարեալներին
بانک صادرات ایران
02/01/2023 - 12:10

Ամանորի առիթով Հ.Օ.Մ.-ի Ուրմիայի մասնաճիւղի մարդասիրական այցը ծերանոցի պատսպարեալներին

Ամանորի առիթով Հ.Օ.Մ.-ի Ուրմիայի մասնաճիւղի մարդասիրական այցը ծերանոցի պատսպարեալներին

Ուրբաթ, 30 դեկտեմբերի 2022 թ.-ին, նախքան հին տարւայ փակումը, Հ.Օ.Մ.-ի Ուրմիայի մասնաճիւղի վարչութիւնը մարդասիրական այցելութիւն կազմակերպեց, Ուրմիայի ասորի կաթողիկէ համայնքին պատկանող ծերանոցը, որտեղ մի քանի տասնեակ ծերունիներ, որոնցում նաեւ հայեր, բարձրագոյն աստիճանի խմանք են ստանում: 

«alikonline.ir» - Ուրբաթ, 30 դեկտեմբերի 2022 թ.-ին, նախքան հին տարւայ փակումը, Հ.Օ.Մ.-ի Ուրմիայի մասնաճիւղի վարչութիւնը մարդասիրական այցելութիւն կազմակերպեց, Ուրմիայի ասորի կաթողիկէ համայնքին պատկանող ծերանոցը, որտեղ մի քանի տասնեակ ծերունիներ, որոնցում նաեւ հայեր, բարձրագոյն աստիճանի խմանք են ստանում: Տեղեկացնում է Ատրպատականի ազգային առաջնորդարանը:

Գլխաւորութեամբ Միութեան ատենապետուհի Սեդա Մեջլումեանի, ինչպէս նաեւ Գործակալական խորհրդի նախագահ Վանիկ Յակոբեանսի, Հ.Օ.Մ.-ի հովանու ներքեւ գործող «Նայիրի» մանկապարտէզի երեխաները եւ ուսուցչական կազմի անդամներ ժամանացին ծերանոց եւ մեծ սիրով ընդունւեցին հաստատութեան նորանշանակ պատասխանատու՝ բժշկուհի Ժակլինի կողմից:

Ամանորի յատուկ մթնոլորտ էր տիրում արդէն հաստատութեան ընդունարանում, որտեղ այնքան գեղեցկօրէն էր յարդարւել տօնածառը եւ մսուրը, որը Յիսուսի սուրբծննդեան հսկայ մի քարայրի մէջ էր դրւել:

Սոյն այցելութեան իրենց ներկայութեամբ քաջալեր հանդիսացան Հ.Օ.Մ.-ի վարչութեան տիկինների ամուսինները, Գործակալական խորհրդի անդամները, եւ հիւրեր:

Հ.Օ.Մ.-ի վարչութեան փափագին ընդառաջելով, ուրմիահայ արւեստագէտ Սերժիկ Ամիրանեանսը իր երգեհոնով մասնակցեց սոյն մարդասիրական անձին եւ սիրայօժար նւագեց Ամանորի երգերը, ընկերակցելով մանկապարտէզի երեխաների երգեցողութեան:

Յայտնենք, որ Վարչութիւն ծրագրել էր ծերունիների տարեդարձները տօնել, եւ այս նպատակով պատրաստւած տորթը, մոմերով զարդարւած իւրաքանչիւր ծերունի փչում էր, հրճւալից պահեր ապրելով մանուկների հետ:

«Նայիրի» մանկապարտէզի տեսչութիւն եւ ծնողական խորհուրդը անձեռոցներ ծրարել էին, ինչպէս նաեւ առօրեայ գործածութեան պիտոյքներ, որոնք Ձմեռ պապիի ձեռամբ յանձնւեցին տարեց պատսպարեալներին:

Նոյն առիթով, Հ.Օ.Մ.-ի վարչութիւնը եւս նւիրատւութիւն կատարեց հաստատութեան, քաջալերելով այն հսկայական առաքելութիւնը, որը ասորի կաթողիկէ համայնքը իրականացնում է Ուրմիայում:

Վարչութեան ատենապետուհի Սեդա Մեջլումեանը շնորհակալութիւն յայտնեց մարդասիրական հաստատութեան պատասխանատուին, ինչպէս նաեւ անձնակազմին, ուրմիահայ ծերունիներին եւս ծառայութիւն մատուցելու նրանց ցուցաբերած անշահախնդիր ու անխտրական ոգու համար:

 

Image Gallery

View the embedded image gallery online at:
https://alikonline.ir/news/community/azerbaijan-provinces/item/80405-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIddd081b34fc

Յարակից լուրեր

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ