Հա

Համայնք

You are here:Գլխաւոր էջ»Լուրեր»Համայնք»Ատրպատական»Ղոմի իսլամական կենտրոնից բարձրաստիճան կրօնաւորներ այցելեցին Ատրպատարանի հայոց թեմի առաջնորդարան
بانک صادرات ایران
21/01/2023 - 09:57

Ղոմի իսլամական կենտրոնից բարձրաստիճան կրօնաւորներ այցելեցին Ատրպատարանի հայոց թեմի առաջնորդարան

Ղոմի իսլամական կենտրոնից բարձրաստիճան կրօնաւորներ այցելեցին Ատրպատարանի հայոց թեմի առաջնորդարան

Չորեքշաբթի, 18 յունւարի 2023 թ.-ի առաւօտեան ժամը 10-ին, Իրանի Իսլամական Հանրապետութեան Ղոմի Իսլամական կենտրոնից մի խումբ բարձրաստիճան մուսուլման կրօնաւորներ, գլխաւորութ­եամբ դոկտ. Հոսէյնիի, պաշտօնական այցելութիւն տւեցին Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆ­թ­­ճեանին: Հանդիպմանը ներկայ գտնւե­ցին նաեւ Թեմական խորհրդի ատենապետն ու փոխատենապետը՝ Գագիկ Ջորջեանը եւ Ալէն Սայեադեանը: 

«alikonline.ir» - Չորեքշաբթի, 18 յունւարի 2023 թ.-ի առաւօտեան ժամը 10-ին, Իրանի Իսլամական Հանրապետութեան Ղոմի Իսլամական կենտրոնից մի խումբ բարձրաստիճան մուսուլման կրօնաւորներ, գլխա­ւորութ­եամբ դոկտ. Հոսէյնիի, պաշտօնական այցելութիւն տւեցին Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆ­թ­­ճեանին: Հանդիպմանը ներկայ գտնւե­ցին նաեւ Թեմական խորհրդի ատենապետն ու փոխատենապետը՝ Գագիկ Ջորջեանը եւ Ալէն Սայեադեանը: Տեղեկացնում է Ատրապատականի ազգային առաջնորդարանը:

Ամանորի եւ Յիսուս Քրիստոսի Ս. Ծննդեան տօնի առիթով շնորհաւո­րա­կան սոյն այցի համար ողջունելով հիւ­րե­րին, Սրբազան Հայրը յատ­կա­պէս անդ­րադարձաւ կրօնների համագոր­ծակցութիւնը նշած 21-րդ դարի ազդա­նշանին. «21-րդ դարը միջ-կրօնական յա­րաբերութեան դար էր լինելու, այնպէս ինչ­պէս գուշակել էին 20-ր դարում: Փաս­տօրէն այդպէս եղաւ, երբ յատկապէս մի­աստւածեան կրօնների եր­կու ներկա­յա­ցուցիչներ՝ քրիստոնեաներ եւ մուսուլ­ման­ներ, տարբեր երկրներում, եւ յատկապէս Իրանի Իսլամական Հանրապետութեան տարածքում, ո՛չ միայն համա­կեցութ­իւնը հասցրել են իր իդէալ ձեւին, այլեւ եղ­բայ­րական համագործակցութեամբ օրի­նակ են հանդիսանում ուրիշներին»,- ասաց Սրբազան Հայրը: Նա ակնարկեց նաեւ աշ­խարհը տագնապեցող պատերազմական անհեթեթ հակամարտութիւններին եւ ան­մեղ քաղաքացիների առօրեայ սպանդին, ինչպէս նաեւ կրօնական տիպարներ վար­կաբե­կե­լու «խօսքի ազատութեան» սխալ ըմբռնում­ներին:

Դոկտ. Հոսէյնին եւ դոկտ. Ամինդինը խօսք առան սոյն հանդիպման ընթացքում կրօնական բարձր ըմբռնումների խտացեալ մի բացատրութիւն ներկայացնելով: Նրանց միջազգային հանդիպումները, յատկապէս քրիստոնէական մեծագոյն կենտրոններում, այն համոզման էր բերել բոլորին, որ կրօնական երկխօսութիւնը լաւագոյն միջոցն է ե’ւ իրար հասկացողութեան ե’ւ համագործակցութեան, աստւածապարգեւ սոյն աշխարհում միասնաբար ապրելու համար:

​Հանդիպման աւարտին, դոկտ. Հոսէյնին Սրբազան Հօրը յանձնեց իրենց աստւածաբանական կենտրոնի շնորհաւորագիրը, որը իր բովանդակութեամբ մնայուն յուշարար է լինելու երկու կրօնների համերաշխ գոյակցութեան եւ համագործակցութեան։

Հանդիպումը առիթ հանդիսացաւ նաեւ անդրադառնալու Իրանի Իսլամական Հանրապետութեան եւ Մեծի Տանն Կիլիկիոյ կաթողիկոսութեան միջեւ արդէն տարիներից ի վեր գոյութիւն ունեցող միջ-կրօնական երկխօսութեան, որը շուտով վերսկսելու է իր աշխատանքներին:

 

Image Gallery

View the embedded image gallery online at:
https://alikonline.ir/news/community/azerbaijan-provinces/item/80720-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId9827c10b8d

Յարակից լուրեր

  • Միջինքի աւանդոյթը Ատրպատականի հայոց թեմում
    Միջինքի աւանդոյթը Ատրպատականի հայոց թեմում

    Ազգային տօներերն ու աւանդոյթները դարերից ի վեր Ատրպատականի հայոց թեմում հաւատարմութեամբ պահպանւել են, իսկ թեմի տարբեր գաւառներից եւ գիւղերից դէպի քաղաքներ տեղափոխւած ժողովրդի միջոցով առաւել եւս ճոխացել են դրանք: Իւրաքանչիւր գաւառում նոյն տօնի կամ առիթի համար կազմաւորւած աւանդոյթները իւրայատուկ գունաւորում են տւել առիթին, որը ցարդ շարունակում է կոփել նոր սերնդի կապւածութիւնը ազգային-եկեղեցական կեանքին:

  • Սկիզբ Մեծի պահոց արարողութիւնների Ատրպատականի հայոց թեմում
    Սկիզբ Մեծի պահոց արարողութիւնների Ատրպատականի հայոց թեմում

    Բուն Բարեկենդանի կիրակիին յաջորդող չորեքշաբթի օրը, 22 փետրւարի 2023թ.-ին, մեր եկեղեցական օրացոյցի տւած հրահանգի համաձայն, Ատրպատականի հայոց թեմի եկեղեցիներում սկսւեցին Մեծի պահոց քառասնօրեակի ժամերգութիւնները: 

  • Սրբոց Վարդանանց եկեղեցական-ազգային տօնի առիթով՝ «1572 տարիներ առաջ տեղի ունեցաւ Վարդանանց ճակատամարտը Ատրպատականում, բայց դեռ չի' աւարտւել». նշեց Ատրպատականի հայոց թեմի առաջնորդը
    Սրբոց Վարդանանց եկեղեցական-ազգային տօնի առիթով՝ «1572 տարիներ առաջ տեղի ունեցաւ Վարդանանց ճակատամարտը Ատրպատականում, բայց դեռ չի' աւարտւել». նշեց Ատրպատականի հայոց թեմի առաջնորդը

    Հինգշաբթի, 16 փետրւարի 2023թ.-ին, Սրբոց Վարդանանց Զօրավարաց տօնի առիթով առաւօտեան ժամերգութիւն տեղի ունեցաւ Ատրպատականի հայոց թեմի եկեղեցիներում՝ Թաւրիզում եւ Ուրմիայում, եւ տրւեց սուրբ հաղորդութիւն: Լիլաւայի Ս. Սարգիս եկեղեցում արարողութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը: Եկեղեցական արարողութեան ներկայ գտնւեցին Թաւրիզի հայոց «Թամարեան-Սահակեան» դպրոցի եւ Հ.Օ.Մ.-ի «Ծերունի Գասպարեան» մանկապարտէզ-նախակրթարանի աշակերտներն ու նրանց ծնողները, ինչպէս նաեւ թաւրիզահայ հաւատացեալներ:

  • Տեառնընդառաջի հանդիսաւոր նախատօնակը եւ աւանդական հրավառութիւն՝ Ատրպատականի հայոց թեմում
    Տեառնընդառաջի հանդիսաւոր նախատօնակը եւ աւանդական հրավառութիւն՝ Ատրպատականի հայոց թեմում

    Հայ եկեղեցու աւանդութեան համաձայն եւ հետեւողաբար դրա տօնացոյցում սահմանւած կանոնին, երկուշաբթի 13 փետրւարի 2023թ.-ի երեկոյեան ժամը 5-ին, Տեառնընդառաջի տէրունի յիշատակի առիթով, Ատրպատականի հայոց թեմի եկեղեցիներում՝ Թաւրիզում եւ Ուրմիայում, տեղի ունեցան հանդիսաւոր նախատօնակի ժամերգութիւններ եւ ապա հրավառութիւն: 

  • Սարկաւագական ձեռնադրութիւն Ատրպատականի հայոց թեմում
    Սարկաւագական ձեռնադրութիւն Ատրպատականի հայոց թեմում

    Կիրակի, 12 փետրւարի 2023թ.-ի առաւօտեան, Թաւրիզի Լիլաւա հայաշատ թաղամասի Ս. Սարգիս եկեղեցում յընթացս ս. եւ անմահ պատարագի տեղի ունեցաւ սարկաւագական ձեռնադրութիւն, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի: Սարկաւագական կարգ ստացան՝ բարեկրօն Առլէն կիս.սրկ. Բադալեանը եւ բարեկրօն Սեւան կիս.սրկ. Ենովքեանը:

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ