Ատրպատականի հայոց թեմի առաջնորդ Գերշ. Տ. Գրիգոր Արք. Չիֆթճեան եւ Թեմական խորհուրդը, 24 Յունւար 2023-ին Ազգային առաջնորդարանից հրապարակւած եւ տեղական մամուլին ուղղւած պաշտօնական գրով դատապարտեցին Շւէդիայի Սթօքհոլմ քաղաքում 21 Յունւար 2023-ին տեղի ունեցած դէպքը, երբ հակաիսլամական մոլուցքով ցուցարարներ հրկիզել էին իսլամական կրօնի նւիրական գիրքը Ղորանը: Տեղեկացնում է Ատրպատականի ազգային առաջնորդարանը:
«alikonline.ir»- Ատրպատականի հայոց թեմի առաջնորդ Գերշ. Տ. Գրիգոր Արք. Չիֆթճեան եւ Թեմական խորհուրդը, 24 Յունւար 2023-ին Ազգային առաջնորդարանից հրապարակւած եւ տեղական մամուլին ուղղւած պաշտօնական գրով դատապարտեցին Շւէդիայի Սթօքհոլմ քաղաքում 21 Յունւար 2023-ին տեղի ունեցած դէպքը, երբ հակաիսլամական մոլուցքով ցուցարարներ հրկիզել էին իսլամական կրօնի նւիրական գիրքը Ղորանը: Տեղեկացնում է Ատրպատականի ազգային առաջնորդարանը:
«Ներկայ դժւարին ժամանակներում, երբ երկրագնդի մարդկութիւնը իրարից հեռացնելու եւ քաղաքական տարբեր շահերի համար անմեղ հաւաքականութիւնները զոհ դարձնելու չար ուժեր են գործում աշխարհում, կրօնների մարդասիրական եւ հաշտարար, բարոյական մեծ ուժը հարւածելու են միտում այն արարքները, որոնք աստւածապարգեւ խաղաղութեան ընդդիմադիրներն են այս կեանքում: Խաղաղութեան հակառակ, եւ խաղաղ բնակչութեան կեանքը խանգարող արարք ենք համարում եւ խստիւ դատապարտում, Շւէդիայի Սթօքհոլմ քաղաքում կատարւած Ղորանի հրկիզումը, որոնք գործադրողները երկրաւոր եւ մանաւանդ երկնային դատաստանի արժանի են: Աստւածային նւիրական պատւիրաններով եւ կրօնական սկզբունքներով որեւէ հաւատքի գիրք արժանի է համամարդկային յարգանքի», ասւում է դատապարտագրում:
Վերջին մասով, առաջնորդ Սրբազան հայրն ու Թեմական խորհուրդը իրենց զօրակցութիւնն են յայտնում մուսլուման հաւատքի հետեւորդ իրենց եղբայրներին ու քոյրերին, կրօնականներից սկսեալ մինչեւ սոյն կրօնի աշխարհական հաւատացեալներին:
