Հինգշաբթի, 26 յունւարի 2023թ.-ի կէսօրից յետոյ ժամը 2.30-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր գրասենեակում ընդունեց Հ.Մ.Ա.Կ.-ի Թաւրիզի մասնաճիւղի վարչութեան դիւանին, գլխաւորութեամբ ատենապետ Նժդիկ Աբրահամեանի: Հանդիպմանը ներկայ գտնւեցին Թեմական խորհրդի անդամները` Գագիկ Ջորջեանը, Ալէն Սայեադեանը, Վարդան Կարապետեանը, Հենրիկ Աբրահամեանը եւ Քաթրին Դիլանեանը:
«alikonline.ir» - Հինգշաբթի, 26 յունւարի 2023թ.-ի կէսօրից յետոյ ժամը 2.30-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը իր գրասենեակում ընդունեց Հ.Մ.Ա.Կ.-ի Թաւրիզի մասնաճիւղի վարչութեան դիւանին, գլխաւորութեամբ ատենապետ Նժդիկ Աբրահամեանի: Հանդիպմանը ներկայ գտնւեցին Թեմական խորհրդի անդամները` Գագիկ Ջորջեանը, Ալէն Սայեադեանը, Վարդան Կարապետեանը, Հենրիկ Աբրահամեանը եւ Քաթրին Դիլանեանը: Տեղեկացնում է Ատրպատականի ազգային առաջնորդարանը:
Սրբազան Հայրը ողջունելով ներկաներին, իր ուրախութիւնը յայտնեց, որ գաղութի կեանքը վերստին աշխուժանում է, ծրագրերի նախապատրաստութեամբ եւ յատկապէս երիտասարդների ներգրաււածութեամբ. «Համաճարակից յետոյ զգալի է մեր միութիւնների եւ կազմակերպութիւնների աշխոյժ գործունէութիւնը, որը պիտի բազմապատկենք հաւաքական ջանքով ու ժողովրդային լայն մասնակցութիւն ապահովելով»,- ասաց Սրբազան Հայրը:
Վարչութեան անունից ատենապետ Նժդիկ Աբրահամեանը մի քանի կէտերից բաղկացած առաջարկներով դիմեց Սրբազան Հօր եւ Թեմական խորհրդի օժանդակութեանը: Դրանք ընդգրկում էին շինարարական հեռանկարներ, որոնց հասոյթից օգտւելու է «Արարատ» կազմակերպութիւնը, իր բիւջէն հաւասարակշռելու համար, յատկապէս ներկայ տնտեսական ճգնաժամում, ինչպէս նաեւ առաջիկայ ծրագրերի առնչւած առաջարկներ:
Հանդիպումը առիթ հանդիսացաւ նաեւ կանխաւ մտածելու եւ նախապատրաստական քայլերի դիմելու, ընթացիկ տարւայ ընթացքում ազգային-եկեղեցական տօնական առիթները լաւապէս ծրագրելու, մեր թեմի ժողովրդին անմասն չթողնելու համար դրանց պատճառած ուրախ տրամադրութիւնից:
Թեմական խորհրդի անդամները, գլխաւորութեամբ ատենապետ Գագիկ Ջորջեանի, անդրադարձան անցած երկու տարիների ընթացքին համաճարակի պատճառով իւրաքանչիւր անհատի ինքնամփոփ կեանքով ապրելուն, որոնք վարակւելուց վախենալով, զգուշանում էին խճողւած վայրերում լինելուց: Սրբազան Հայրը հազար փառք տւեց Աստծուն, որ այդ վտանգի ալիքը արդէն անցել է եւ մարդիկ հետզհետէ վերադառնում են իրենց բնականոն կեանքին: Ուստի, նա քաջալերեց «Արարատ»-ի վարչութեան, որ ամենամօտիկ ապագային համագաղութային մի ծրագրով ի մի բերի թաւրիզահայութեանը, վերաշխուժացնելով ե'ւ «Արարատ»-ի մասնաճիւղի գործունէութիւն ե'ւ գաղութի կեանքը:
