Հա

Համայնք

You are here:Գլխաւոր էջ»Լուրեր»Համայնք»Ատրպատական»Բուն Բարեկենդանի տօնակատարութիւն Ուրմիայում, Հ.Օ.Մ.-ի Վարչութեան կազմակերպութեամբ
بانک صادرات ایران
22/02/2023 - 10:10

Բուն Բարեկենդանի տօնակատարութիւն Ուրմիայում, Հ.Օ.Մ.-ի Վարչութեան կազմակերպութեամբ

Բուն Բարեկենդանի տօնակատարութիւն Ուրմիայում, Հ.Օ.Մ.-ի Վարչութեան կազմակերպութեամբ

Կիրակի, 19 փտրւարի 2023թ.-ի երեկոյեան ժամը 4-ին, Հայ Օգնութեան միութեան Ուրմիայի մասնաճիւղի վարչութեան եւ «Նայիրի» մանկապարտէզի նախաձեռնութեամբ տեղի ունեցաւ Բուն Բարեկենդանի տօնակատարութիւն, Մեծ պահոց քառասնորդացի նախօրէին, Հ.Օ.Մ.-ի վերնայարկի սրահում: 

«alikonline.ir» - Կիրակի, 19 փտրւարի 2023թ.-ի երեկոյեան ժամը 4-ին, Հայ Օգնութեան միութեան Ուրմիայի մասնաճիւղի վարչութեան եւ «Նայիրի» մանկապարտէզի նախաձեռնութեամբ տեղի ունեցաւ Բուն Բարեկենդանի տօնակատարութիւն, Մեծ պահոց քառասնորդացի նախօրէին, Հ.Օ.Մ.-ի վերնայարկի սրահում: Տեղեկացնում է Ատրպատականի ազգային առաջնորդարանը:

Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի բարձր հովանաւորութեամբ, Հ.Օ.Մ.-ի սոյն ծրագրի բացման ու բարի գալստեան խօսքը կատարեց «Նայիրի» մանկապարտէզի տնօրէնուհի՝ Ռոնիկ Մեջլումեան: Նա իր ուրախութիւնը յայտնեց, որ սոյն ծրագրի կազմակերպման համար մասնաւոր յանձնախումբ էր կեանքի կոչւել, բաղկացած Նարինէ Բերբերեանից, Սուսաննա Նազարեանից, Լիլիթ Մուրադեանից, Սերինէ Առաքելեանից, Անժելա Աւանէսեանից եւ Սիրանուշ Քալկոնեանից, որոնք իր գլխաւորութեամբ, անձնւիրաբար օրեր շարունակ աշխատել էին, բոլոր տեսակի պատրաստութիւններ տեսնելով, ձեռնարկի յաջողութեան համար: Իր  գնահատանքի  խօսքում  տնօրէնուհին յիշեց նաեւ ուսուցչուհի Օֆելիա Սայեադեանին, որը օրերով փորձ էր կատարել երեխաների հետ, ե’ւ երգեցողութեան եւ թատերական ներկայացման համար:

Բարեկենդանի ծրագրի ընթացքում, տօնի մասին բացատրական ծանօթութիւններով հանդէս եկան Անժելա Աւանէսեանն եւ Սերինէ Առաքելեանը: Խօսքերին յաջորդեց հիւրասիրութիւնը, որի գլխաւոր նիւթը, տօնի յատուկ լիցքաւորւած դդումն էր (Ղափամա): Աւանդական այս ճաշատեսակը երգով ու շուրջպարով սրահ մուտք գործեց, միանալով սեղանները զարդարած ճոխ ուտեստներին եւ տան թխւածք խմորեղէններին:

Տօնի խրախճանական մթնոլորտը շատ աւելի ճոխացաւ գեղարւեստական ծըրագրով, մասնակցութեամբ Գիւարգիս Ազիզեանի եւ Սեւան Ղազալեանի, որոնք երգեհոնի աշխուժ նւագներով խանդավառեցին ներկաներին:

Բարեկենդանի սոյն հաւաքի ակնառու եւ ամենահաճելի բաժինն էր մանկապարտէզի նախկին եւ ներկայ աշակերտների կողմից բեմադրւած, Յովհաննէս Թումանեանի «Բարեկենդանը», ղեկավարութեամբ ուսուցչուհի Օֆելիա Սայեադեանի եւ տարազների դասաւորմամբ, օգնականուհի Զեմֆիրա Մնացականեանի: Ուսուցչուհին նաեւ դիմակներ էր պատրաստել բոլոր երեխաների համար, որը պատճառ դարձաւ իւրայատուկ խանդավառութեան:

Օրւայ տօնախմբութիւնը շարունակւեց շուրջպարերով, որին մասնակցեցին բոլոր ներկաները: Հ.Օ.Մ.-ի մարդասիրական ու կրթական աշխատանքները քաջալերելու համար նաեւ վիճակախաղ տեղի ունեցաւ, որի նւէրը` ամառային վերմակ, Անահիտ Եուհաննայեանը կարել էր եւ նւիրաբերել: Օրւայ բախտաւոր հանդիսացաւ Ուրմիայի «Մասիհա» ազզային դպրոցի տեսչուհի` Ադրինէ Մեջլումեանը:

Հիւրերը եւ բոլոր մասնակիցները մեծ հրճւանքով եւ գոհունակ սրտով հրաժեշտ տւեցին միմիանց, նոր յուշեր արձանագրելով ե'ւ Հ.Օ.Մ.-ի Ուրմիայի մասնաճիւղի, ե'ւ իրենց սեփական կեանքի յուշամատեանում:

 

Image Gallery

View the embedded image gallery online at:
https://alikonline.ir/news/community/azerbaijan-provinces/item/81429-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD,-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId8d007c3254

Յարակից լուրեր

  • Ատրպատականի հայոց թեմի առաջնորդը մասնակցեց Արեւելքի ասորական եկեղեցու պատրիարքի Ուրմիայի հօտին տւած հովւապետական այցին
    Ատրպատականի հայոց թեմի առաջնորդը մասնակցեց Արեւելքի ասորական եկեղեցու պատրիարքի Ուրմիայի հօտին տւած հովւապետական այցին

    Ուրբաթ, 19 մայիսի 2023 թ.-ի երեկոյեան ժամը 5-ին, Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանը ներկայ գտնւեց Արեւելքի ասորիների հոգեւոր պետ՝ Նորին Սրբութիւն Մար Աւա Ռուիլ Գ. պատրիարքի հովւապետական այցելութեան առիթով կազմակերպըւած հանդիսութեան: Սրբազան Հօր ընկերակցում էին Թեմական խորհրդի ատենապետ Գագիկ Ջորջեանը, փոխատենապետ Ալէն Սայեադեանը, Պատգամաւորական ժողովի դիւանի Բ. ատենապետ Սաքօ Մեջլումեան եւ Բ. ատենադպրուհի Սարինէ Մեջլումեանը:

  • Մայրերի օրւայ բացառիկ տօնախմբութիւն Հ.Օ.Մ.-ի Ուրմիայի մասնաճիւղում
    Մայրերի օրւայ բացառիկ տօնախմբութիւն Հ.Օ.Մ.-ի Ուրմիայի մասնաճիւղում

    Հինգշաբթի, 27 ապրիլի 2023 թ.-ին, կէսօրից յետոյ ժամր 4-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի, Ուրմիայում տեղի ունեցաւ Մայրերի օրւայ յատուկ տօնախմբութիւն, կազմակերպութեամբ Հայ Օգնութեան միութեան Ուրմիայի մասնաճիւղի վարչութեան: 

  • Հայոց Ցեղասպանութեան 108-ամեակը ոգեկոչւեց Ատրպատականի հայոց թեմում
    Հայոց Ցեղասպանութեան 108-ամեակը ոգեկոչւեց Ատրպատականի հայոց թեմում

    Մեր մէկուկէս միլիոն Նահատակների սրբատօնը հանդիսաւորապէս նշւեց երկուշաբթի, 24 ապրիլի 2023թ.-ին, Ատրպատականի հայոց թեմում: Հայոց Ցեղասպանութեան 108-րդ տարելիցի առիթով ս. պատարագ մատուցւեց ե'ւ Թաւրիզում ե'ւ Ուրմիայում, որին յաջորդեց «Բարեխօսական կարգ»-ի եկեղեցական յատուկ արարողութիւնը՝ մեր սուրբ Նահատակների տօնի համար յատուկ խմբագրւած Հայ Եկեղեցու կողմից: 

  • Զատկական տօնախմբութիւն Հ.Օ.Մ.-ի Ուրմիայի մասնաճիւղի նախաձեռնութեամբ
    Զատկական տօնախմբութիւն Հ.Օ.Մ.-ի Ուրմիայի մասնաճիւղի նախաձեռնութեամբ

    Կիրակի, 16 ապրիլի 2023թ.-ի երեկոյեան, Հ.Օ.Մ.-ի Ուրմիայի մասնաճիւղի կենտրոնատեղիում զատկական տօնախմբութիւն էր, հովանաւորութեամբ եւ նախաձեռնութեամբ վարչութեան: Անդամներից բացի մեծ թւով ուրմիահայ կանայք ընդառաջել էին Ս. Յարութեան տօնի ուրախութեան շարունակութիւնը հանդիսացող կանանց սոյն հաւաքին, միասնաբար նշելու համար զատկական յաղթանակը: Հանդիսութիւնը իր ներկայութեամբ պատւում էր ազգային բարերար Էդիկ Մեջլումեանի կողակիցը` Սանդրա Մեջլումեանը: 

  • Մայրի տօնի նշում եւ զատկական տօնախմբութիւն Հ.Օ.Մ.-ի «Նայիրի» մանկապարտէզում
    Մայրի տօնի նշում եւ զատկական տօնախմբութիւն Հ.Օ.Մ.-ի «Նայիրի» մանկապարտէզում

    Հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր արք. Չիֆթճեանի եւ կազմակերպութեամբ Հ.Օ.Մ.-ի Ուրմիայի «Նայիրի» մանկապարտէզի տնօրէնութեան, երկուշաբթի, 17 ապրիլի 2023թ.-ի առաւօտեան ժամը 10:30-ին, կրթօջախի յարկի ներքեւ տեղի ունեցաւ Մայրերի օրւայ տօնակատարութիւն եւ զատկական տօնախմբութիւն:

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ