Հա

Համայնք

21/05/2012 - 11:12

altՍ. թ. մայիսի 18-ի երեկոյեան, յընթացս Համբարձման տօնի առթիւ կազմակերպւած դաշտահանդէսի, Նոր Ջուղայի Հայ Մ. Մ. «Արարատ» միութեան մարզասրահին կից բացօթեայ տարածքում, հոծ բազմութեան ներկայութեամբ, տեղի ունեցաւ ժողովրդական տօնախմբութիւն՝ նւիրւած Շուշիի ազատագրման 20-ամեակին։
Այս հպարտառիթ յաղթանակին նւիրւած տօնախմբութիւնը կազմակերպւել էր նախաձեռնութեամբ շրջանի Հայ Դատի «Արձագանգ» քարոզչական յանձնախմբի, իսկ համագործակցութեամբ՝ Նոր Ջուղայի «Արարատ», «Ռուբէն» Երիտասարդական եւ «Թադէոս Թադէոսեան» Պատանեկան միութիւնների։

altԾրագրի պաշտօնական բաժնում որպէս հանդիսավար՝ շնորհաւորանքի խօսքով եւ օրւան պատշաճ տեղեկութիւնների ընթերցմամբ հանդէս եկաւ Թալին Մովսիսեանը, որից յետոյ պաստառի վրայ ցուցադրւեց «Շուշիի լեգենդը» տեսանիւթը, որտեղ պատկերւած էին Շուշիի ռազմական յաղթանակին նախորդող եւ յաջորդող օրերից հատւածներ։ Այնուհետեւ երիտասարդ երգիչներ՝ Այլին Քեշիշեանն ու Էմմանուէլ Քամարզարեանը ներկաներին ոգեւորեցին ազգային երգերի կատարմամբ։
altԾրագրի պաշտօնական բաժնի աւարտին ժողովուրդը առիթ ունեցաւ մօտենալով տարածքում տեղակայւած հրաձգութեան, բերդի գրաւման ու կարաոկէ մրցոյթի կրպակներին՝ օգտւել զւարճալի խաղերից եւ հաճելի պահեր անցկացնել։
Յատկանշական է, որ տարածքի տարբեր բաժիններում փակցւել էին Շուշիի ազատագրմանն առնչւող տեղեկութիւններ, որոնցով ներկաները կարողանում էին ամբողջացնել իրենց գիտելիքները՝ անզուգական յաղթանակի կապակցութեամբ։

Թղթակից (Նոր Ջուղա)

 
Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։