Հա

Համայնք

16/12/2018 - 09:10

Աբգար թագաւորի տօնի առթիւ ս. եւ անմահ պատարագ՝ Նոր Ջուղայի Ս. Աստւածածին եկեղեցում

Կիրակի՝ 2018 թ. դեկտեմբերի 9-ի առաւօտեան, Նոր Ջուղայի Ս. Աստւածածին եկեղեցում, Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ եկեղեցական դասի մասնակցութեամբ, ս. եւ անմահ պատարագ մատուցւեց՝ Քրիստոսին հաւատացող մեր առաջին թագաւոր Ս. Աբգարի տօնի առթիւ եւ 1841 թւականին Ս. Աստւածածին եկեղեցու շրջափակում կանգնեցւած «Հայկեան Հայրենասիրական» դպրոցի հիմնադիր Աբգարեան բարերար գերդաստանի յիշատակին։ 

«alikonline.ir» - Կիրակի՝ 2018 թւականի դեկտեմբերի 9-ի առաւօտեան, Նոր Ջուղայի Ս. Աստւածածին եկեղեցում, Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ եկեղեցական դասի մասնակցութեամբ, ս. եւ անմահ պատարագ մատուցւեց՝ Քրիստոսին հաւատացող մեր առաջին թագաւոր Ս. Աբգարի տօնի առթիւ եւ 1841 թւականին Ս. Աստւածածին եկեղեցու շրջափակում կանգնեցւած «Հայկեան Հայրենասիրական» դպրոցի հիմնադիր Աբգարեան բարերար գերդաստանի յիշատակին։ Երգեցողութեամբ հանդէս եկաւ Ս. Ամենափրկիչ վանքի «Կոմիտաս» երգչախումբը։ Տեղեկացնում է Նոր Ջուղայի մեր թղթակիցը:

Գովելի աւանդոյթի համաձայն պատարագին ներկայ էին նաեւ Նոր Ջուղայի հայոց ազգ. մանկապարտէզ-նախակրթարանի սաները՝ դպրոցի անձնակազմի եւ ծնողական խորհրդի ընկերակցութեամբ։

Օրւայ պատարագիչն ու քարոզիչն էր արժ. Տ. Խաչատուր քհնյ. Զարգարեանը։ Նա իր խօսքում անդրադարձաւ Աբգար թագաւորի ամուր հաւատին, ապա դիմելով եկեղեցում ներկայ փոքրիկներին, նրանց յորդորեց՝ սիրել ու յետեւել Քրիստոսին, Աբգար թագաւորի պէս լինել քաջ ու անվախ հաւատացեալ եւ լսել ու կատարել մեծերի ու դաստիարակների խորհուրդները։ Քահանայ հայրն իր խօսքի շարունակութեան մէջ դրւատանքով յիշեց Աբգարեան բարերար գրետաստանի կատարած նւիրական աշխատանքը՝ Ս. Աստւածածին եկեղեցու շրջափակում դպրոց հիմնադրելու կապակցութեամբ։

Աւարտին հաւատացեալները հաղորդութիւն ստացան, ապա Նոր Ջուղայի Հայոց Առաքելական Եկեղեցեաց վարչութեան կողմից մրգի կապոցներ եւ քաղցրաւենիք նւիրւեցին փոքրիկներին։ Կապոցները պատրաստւել էին մանկապարտէզ-նախակրթարանի ծնողական խորհրդի միջոցով։

Յարակից լուրեր

  • Ս. Ծննդեան տօնի առթիւ ս. եւ անմահ պատարագ՝ Նոր Ջուղայում
    Ս. Ծննդեան տօնի առթիւ ս. եւ անմահ պատարագ՝ Նոր Ջուղայում

    Յունւարի 6-ի առաւօտեան, Ս. Ծննդեան տօնի առիթով դռնփակ կերպով եպիսկոպոսական ս. եւ անմահ պատարագ մատուցւեց Նոր Ջուղայի առաջնորդանիստ Ս. Ամենափրկիչ վանքի Ս. Յովսէփ Արիմաթացի եկեղեցում, ձեռամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ 

  • Նոր տարին՝ նոր ընտրութեամբ
    Նոր տարին՝ նոր ընտրութեամբ

    Այս տարի տարբեր զգացումներով ենք պատրաստւում դիմաւորել Սուրբ Ծննդեան խորախորհուրդ տօնը: Մարդկային փորձառութիւնից բխող իմաստութիւնը մեզ փոխանցում է հետեւեալ ճշմարտութիւնը.- «Պատմութիւնը ինքնիրեն կրկնում է», եւ իրօք, ճիշտ հարիւր տարի յետոյ մեր ներաշխարհի մէջ գոյացած անտանելի ծանրութիւնը թանձր մառախուղի նման մի անգամ եւս պատել է մեր միտքը, սիրտն ու հոգին:

  • Գոհաբանական աղօթք 2021 թւականի Ամանորի առթիւ՝ Նոր Ջուղայում
    Գոհաբանական աղօթք 2021 թւականի Ամանորի առթիւ՝ Նոր Ջուղայում

    2021 թւականի Ամանորի առթիւ, յունւարի 1-ի առաջին պահերին՝ ժամը 00:30-ին, Ս. Ամենափրկիչ վանքի Ս. Յովսէփ Արիմաթացի եկեղեցում, դռնփակ Գոհաբանական աղօթք մատուցւեց՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ թեմի եկեղեցական դասի մասնակցութեամբ: 

  • Սպահանի հայոց թեմի առաջնորդի պատգամը՝ Կաղանդի առիթով
    Սպահանի հայոց թեմի առաջնորդի պատգամը՝ Կաղանդի առիթով

    Ամանորի սեմին, շնորհաւորում եմ աշխարհասփիւռ հայորդիների իւրաքանչիւրի Նոր տարին, լաւագոյնն ու ամենաբարին ցանկանալով բոլորին եւ աղօթում եմ, որ Աստւած պահի ու պահպանի մեր Հայ Ազգն ու Հայրենիքը ամէն տեսակ չարից ու փորձանքից զերծ պահելով բոլորիս: Չմոռանանք, որ աշխարհը դէպի կորուստ, անդունդ կամ կործանում է առաջնորդւում երկու գլխաւոր պատճառներով. առաջին՝ բարի մարդկանց լռելով, երկրորդ՝ լաւ մարդկանց կրաւորականութեամբ:

  • Հայ ռազմագերիների կապակցութեամբ Սպահանի հայոց թեմի առաջնորդի նամակին արձագանքեց Իրանում Ռուսաստանի դեսպանատունը
    Հայ ռազմագերիների կապակցութեամբ Սպահանի հայոց թեմի առաջնորդի նամակին արձագանքեց Իրանում Ռուսաստանի դեսպանատունը

    Նամակների առաքումից օրեր անց, երեքշաբթի՝ դեկտեմբերի 15-ի առաւօտեան, թեմակալ առաջնորդին այցելեցին Իրանում Ռուսաստանի արտակարգ եւ լիազօր դեսպան Լեւոն Ջաղարեանի օգնական Օլեգ Ռեշիկովն ու Սպահանում Ռուսաստանի գլխաւոր հիւպատոս Բորիս Բուրմիսթրոֆը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։