Հա

Համայնք

31/12/2019 - 12:10

Նոր ջուղայի հայոց թեմի առաջնորդի Ամանորի պատգամը

Հոգեկան բարձր տրամադրութեամբ Ամանորի սեմին կանգնած, հաշւում ենք օրերը, ժամերն ու րոպէները՝ դիմաւորելու Նոր Տարւայ եւ Սուրբ Ծննդեան զոյգ տօները: Շատերի համար Ամանորը ինքնաքննութեան, հաշւետւութեան եւ նոր ծրագրեր մշակելու կամ նպատակներ մտադրելու լաւ առիթներից մէկն է: Որպէս այդպիսին, յետադարձ մի ակնարկով ուզում ենք քննել անցնող տարւայ թերութիւններն ու բացթողումները՝ նորոգւած թափով եւ սրբագրւած մեկնարկով սկսելու Նոր տարին:

Հոգեկան բարձր տրամադրութեամբ Ամանորի սեմին կանգնած, հաշւում ենք օրերը, ժամերն ու րոպէները՝ դիմաւորելու Նոր Տարւայ եւ Սուրբ Ծննդեան զոյգ տօները: Շատերի համար Ամանորը ինքնաքննութեան, հաշւետւութեան եւ նոր ծրագրեր մշակելու կամ նպատակներ մտադրելու լաւ առիթներից մէկն է: Որպէս այդպիսին, յետադարձ մի ակնարկով ուզում ենք քննել անցնող տարւայ թերութիւններն ու բացթողումները՝ նորոգւած թափով եւ սրբագրւած մեկնարկով սկսելու Նոր տարին:

Մեծի Տանն Կիլիկիոյ կաթողիկոս Արամ Ա Վեհափառ Հայրապետը 2019 թւականը հռչակել էր «Հայ Մամուլի Տարի», իւրայատուկ մտայղացումով վերաբերելու հայ մամուլն ընդհանրապէս եւ մեր օրաթերթերը՝ մասնաւորապէս: Լրիւ մէկ տարի, ազգովի փորձեցինք մտածել, խորհել, ծրագրել եւ նոյնիսկ գործել՝ մեր կարելիութեան սահմաններում՝ օգտակար հանդիսանալու հայ մամուլին, սակայն ինչքանով յաջողեցինք նիւթապէս կամ բարոյապէս նրան նեցուկ կանգնել՝ ապագան կը տայ արդար արժեւորումն ու ճիշտ պատասխանը:

Վերոյիշեալ պարբերութիւնը մտքիս դիմաց ուրւագծում է այն անձնաւորութիւնները, ովքեր մարմաջն ունեն իրենց անուններն ու նկարները տեսնել հայ կամ օտար մամուլի մէջ: Ամէն ճիգ ի գործ դնելով, յայտարարւող եւ չյայտարարւող նւիրատւութիւններից սկսեալ մինչեւ բանախօսութիւններ ու ազգային ծառայութիւն, եւ նոյնիսկ հասնելով պաշտօնների կամ աստիճանների ստանձնման, նրանք անգիտակից զոհն են դառնում մահացու մեղքի համազօր այլ մեղքի՝ ցուցամոլութեան, որ որպէս ախտ, նման է ճահիճի, եւ ինչքան շարժւենք, այնքան աւելի անխուսափելի է դառնում ընկղմումը:

Սակայն զգո՛յշ, մեր նպատակը բարերարութիւնը, ազգային ծառայութիւնը կամ բարեգործութիւնը նւաստացնել չէ, որոնց ճշգրիտ ըմբռնումը, յստակ բացատրութիւնն ու արդար գործելաձեւը բացատրւած են Աստւածաշունչ Մատեանի մէջ: Մեր նպատակը մատնանշելն է նրանց սխալ ընթացքն ու գայթակղիչ հանգամանքը, դիւրութեամբ խաբւելու եւ դիւթւելով հասնելու մեղքի բանտը, որտեղ մնալով ծառայելու հաւանականութիւնն աւելի մեծ է քան այնտեղից ազատւելու հնարաւորութիւնը:

Սիրելի՛ հայորդիներ, մեզանից իւրաքանչիւրն ինչքանո՞վ կարողացաւ իր ուժերի համաձայն եւ իր կարելիութեան սահամաններում նիւթապէս կամ բարոյապէս նեցուկ կանգնել հայ մամուլին: Եթէ մինչեւ այսօր որեւէ գործնական օժանդակութիւն չենք կատարել, այդ առիթը հին տարւայ հետ եւ նրա նման անդառնալի մահով չի մեկնի, այլ առաջիկայում ընդմիշտ ունենք այն. կարեւորը սակայն, մեր այդ ազնիւ նպատակադրմանը գործնական արտայայտութիւն տալն է:

Ա՛րդ, Ամանորի ուրախալի առիթով մեր պատգամը հետեւեալն է. որպէս մարդ երբե՛ք չմտահոգւենք թէ ի՛նչ պէտք է կատարենք, որպէսզի մեր անուններն ու նկարները տեղադրւած գտնենք հայ եւ օտար թերթերի կամ մամուլի մէջ, այլ որպէս քրիստոնեաներ, մտահոգւենք թէ ինչպիսի՛ աստւածպաշտութեամբ ու բարեգործութիւններով ենք արժանանալու սուրբերի այն վիճակին, որով կարողանանք մեր անունները արձանագրւած տեսնել Երկնքի Արքայութեան Կեանքի Գրքի մէջ: Ուստի, մեր կեանքը սրբագրենք եւ մեր ուղիղ ընթացքով արժանանանք Աստծու ողորմութեան, շնորհքին եւ օրհնութեանը՝ կատարելու թէ՛ մեր ազգի պարտականութիւնները, եւ թէ՛ քրիստոնէական մեր առաքելութիւնը:

 

ՍԻՓԱՆ ԵՊՍ. ՔԷՉԷՃԵԱՆ

ԱՌԱՋՆՈՐԴ ՍՊԱՀԱՆԻ ՀԱՅՈՑ ԹԵՄԻ

Յարակից լուրեր

  • Տեառնընդառաջի նախատօնակը նշւեց Նոր Ջուղայում
    Տեառնընդառաջի նախատօնակը նշւեց Նոր Ջուղայում

    Հոգեպարար արարողութեան մատուցմամբ Տեառնընդառաջի նախատօնակը նշւեց Նոր Ջուղայի Ս. Մինաս, Ս. Գրիգոր Լուսաւորիչ, Ս. Ստեփանոս եւ Ս. Յովհաննու Կարապետ եկեղեցիներում, հինգշաբթի՝ 2020 թւականի փետրւարի 13-ի երեկոյեան:

  • Տեառնընդառաջի առթիւ՝ Սպահանի հայոց թեմի ազգային մարմինների ամենամեայ հանդիպումը նորապսակ զոյգերի եւ նորածինների ծնողների հետ
    Տեառնընդառաջի առթիւ՝ Սպահանի հայոց թեմի ազգային մարմինների ամենամեայ հանդիպումը նորապսակ զոյգերի եւ նորածինների ծնողների հետ

    Չորեքշաբթի՝ 2020 թւականի փետրւարի 12-ի երեկոյեան, Նոր Ջուղայի Հայ Մ. Մ. «Արարատ» միութեան սրահում, նախաձեռնութեամբ Սպահանի հայոց թեմի Կրօնական խորհրդի եւ կազմակերպութեամբ Նոր Ջուղայի Հայոց Առաքելական Եկեղեցեաց վարչութեան իրականացւեց աւանդոյթ դարձած միջոցառումը, որտեղ թեմակալ առաջնորդ գերշ. Տ. Սիփան եպս. Քէչէճեանն ու ազգային մարմինների ներկայացուցիչները հանդիպում ունեցան Նոր Ջուղայի եւ Շահինշահրի համայնքների նորապսակների, նորածինների եւ նրանց ծնողների հետ։

  • Թ. Հ. Թ. Կրթական խորհրդի ամանորեայ միջոցառումը մէկ ակնթարթում
    Թ. Հ. Թ. Կրթական խորհրդի ամանորեայ միջոցառումը մէկ ակնթարթում

    Չորեքշաբթի, յունւարի 22-ին Կրթական խորհրդի նախաձեռնութեամբ Հ.Բ.Ը. միութեան յարկի ներքոյ իրականացաւ Նոր տարւայ առիթով մտերմիկ հանդիպում-հիւրասիրութիւն: Անմիջապէս Ս. Ծննդեան եւ ամանորեայ տօներից յետոյ Կրթական խորհուրդը կազմակերպւում է արդէն աւանդոյթ դարձած միջոցառում, որով առիթ է ստեղծում մէկ անգամ եւս հնարաւորութիւն ընձեռնւի շնորհաւորելու միմեանց, Նոր տարւայ եւ Սուրբ ծննդեան տօների առիթով:

  • Սպահանի հայոց թեմի առաջնորդի այցելութիւնը Նոր Ջուղայի հայոց ազգ. դպրոցներ
    Սպահանի հայոց թեմի առաջնորդի այցելութիւնը Նոր Ջուղայի հայոց ազգ. դպրոցներ

    Ամանորի եւ Ս. Ծննդեան տօների առթիւ շնորհաւորանքներ եւ բարեմաղթանքներ փոխանցելու, ինչպէս նաեւ աշակերտների առաջադիմութեանն ու դպրոցների գործունէութեանն առաւել ծանօթանալու նպատակով, Սպահանի հայոց թեմի առաջնորդ գերշ. Տ. Սիփան եպս. Քէչէճեանը, ընկերակցութեամբ թեմի Կրթական խորհրդի անդամներ՝ Արինէ Մինասեանի եւ Արթուր Բաղրամեանի, շաբաթ՝ 2020 թւականի յունւարի 25-ի առաւօտեան ժամը 10։30-ին, այցելեց Նոր Ջուղայի հայոց ազգ. կրթահամալիր։

  • Շահինշահրի պետական բարձրաստիճան  պաշտօնատարների այցը Սպահանի հայոց թեմի պատասխանատուներին՝ Ամանորի եւ Ս. Ծննդեան տօնի առիթով
    Շահինշահրի պետական բարձրաստիճան պաշտօնատարների այցը Սպահանի հայոց թեմի պատասխանատուներին՝ Ամանորի եւ Ս. Ծննդեան տօնի առիթով

    Շաբաթ՝ 2020 թւականի յունւարի 18-ի առաւօտեան, Շահինշահրի ուրբաթօրեայ աղօթապետ հոջ. Հաշեմին, գաւառապետ պրն. Թաջմիրին, Քաղխորհրդի նախագահ պրն. Ջաքանգիրին ու միւս անդամները եւ քաղաքապետարանի բարձրաստիճան պաշտօնատարները, Ամանորի եւ Ս. Ծննդեան տօնի առիթով  քաղաքավարական այցելութեամբ ներկայացան Շահինշահրի Հայ համայնքի վարչութեան կենտրոնատեղի՝ տեսակցելու Սպահանի հայոց թեմի առաջնորդ գերշ. Տ. Սիփան եպս. Քէչէճեանին, Թեմական ու Կրօնական խորհուրդների եւ Շահինշահրի Հայ համայնքի վարչութեան ներկայացուցիչներին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։