Հա

Համայնք

01/02/2020 - 11:10

Նոր Ջուղայի հայոց ազգ. դպրոցների օժանդակութիւնները՝ ջրհեղեղից տուժած հայրենակիցներին

Իրանի հարաւային շրջաններում, ի մասնաւորի Սիստան եւ Բալուչիստան նահանգում ջրհեղեղից տուժած հայրենակիցներին օժանդակութիւն ցուցաբերելու նպատակով, Նոր Ջուղայի հայոց ազգային դպրոցների սաներն ու պատասխանատուները լծւեցին մարդասիրական աշխատանքի եւ իրենց նիւթական նւիրատւութիւններով պատրաստեցին օժանդակութեան կապոցներ, որոնք աղէտի գօտի առաքւեցին կիրակի՝ 2020 թւականի յունւարի 26-ին, Սպահանի Ուսումնա-դաստիարակութեան գերատեսչութեան միջոցով։

«alikonline.ir» - Իրանի հարաւային շրջաններում, ի մասնաւորի Սիստան եւ Բալուչիստան նահանգում ջրհեղեղից տուժած հայրենակիցներին օժանդակութիւն ցուցաբերելու նպատակով, Նոր Ջուղայի հայոց ազգային դպրոցների սաներն ու պատասխանատուները լծւեցին մարդասիրական աշխատանքի եւ իրենց նիւթական նւիրատւութիւններով պատրաստեցին օժանդակութեան կապոցներ, որոնք աղէտի գօտի առաքւեցին կիրակի՝ 2020 թւականի յունւարի 26-ին, Սպահանի Ուսումնա-դաստիարակութեան գերատեսչութեան միջոցով։ Տեղեկացնում է Նոր Ջուղայի մեր թղթակիցը:

Այս գովելի նախաձեռնութեանը մասնակցել էին Նոր Ջուղայի հայոց ազգ. մանկապարտէզ-նախակրթարանի, «Արմէն» երկսեռ տարրական կրթահամալիրի եւ «Քանանեան-Կատարինեան» երկսեռ միջնակարգ դպրոցի տնօրինութիւնները, ուսուցչական կազմերն ու աշակերտները։

Կապոցները պարունակում էին պահածոյացւած ուտելիքներ եւ չորեղէն, մաքրութեան պարագաներ, հագուստ, փռւածք, կօշիկ եւ այլ անհրաժեշտ իրեր։

Յատկանաշական է, որ Սպահանի հայոց թեմի առաջնորդ գերշ. Տ. Սիփան եպս. Քէչէճեանը շաբաթ՝ յունւարի 25-ին, հայոց ազգ. դպրոցներ կատարած իր այցելութեան ընթացքում ծանօթանալով նշւած աշխատանքին, ոչ միայն բարձր գնահատեց այս մարդասիրական քայլը, այլեւ միանալով դպրոցականներին, նւիրատւութեամբ իր մասնակցութիւնն ունեցաւ սոյն ծրագրին։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։