Հա

Համայնք

18/02/2020 - 09:50

Տեառնընդառաջի նախատօնակը նշւեց Նոր Ջուղայում

Հոգեպարար արարողութեան մատուցմամբ Տեառնընդառաջի նախատօնակը նշւեց Նոր Ջուղայի Ս. Մինաս, Ս. Գրիգոր Լուսաւորիչ, Ս. Ստեփանոս եւ Ս. Յովհաննու Կարապետ եկեղեցիներում, հինգշաբթի՝ 2020 թւականի փետրւարի 13-ի երեկոյեան:

«alikonline.ir» - Հոգեպարար արարողութեան մատուցմամբ Տեառնընդառաջի նախատօնակը նշւեց Նոր Ջուղայի Ս. Մինաս, Ս. Գրիգոր Լուսաւորիչ, Ս. Ստեփանոս եւ Ս. Յովհաննու Կարապետ եկեղեցիներում, հինգշաբթի՝ 2020 թւականի փետրւարի 13-ի երեկոյեան: Տեղեկացնում է Նոր Ջուղայի մեր թղթակիցը:

Ս. Յովհաննու Կարապետ եկեղեցու արարողութիւնն իրականացւեց Սպահանի հայոց թեմի առաջնորդ գերշ. Տ. Սիփան եպս. Քէչէճեանի միջոցով։

Ընթացքում ներկաներին իր հայրական պատգամը փոխանցեց թեմակալ առաջնորդ Սրբազան Հայրը, ով անդրադառնալով Տեառնընդառաջին եւ տօնի նախատօնակին՝ յատկապէս յիշատակեց Սիմէոն Ծերունու պատմութիւնը։ Նա նշելով նաեւ տօնին առնչւող մի շարք սովորութիւններ՝ կարեւորութեամբ ընդգծեց դրանցից մէկը, որի համաձայն նորապսակ փեսան իր աներոջ բնակարան մուտք գործելու թոյլտւութիւն է ստանում միայն տօնի խարոյկի վրայից թռչելուց յետոյ եւ աւելացրեց. «Ենթադրենք մեր մեղանչական վիճակը մեզ չի թոյլատրում մեր երկնաւոր Հօրն ընդառաջ գնալ եւ երկնքի արքայութեանը մուտք գործել, այդու Տեառնընդառաջի այս տօնը լաւագոյն առիթը պիտի դարձնենք ոչ միայն մեր մեղքերին թողութիւն տալու եւ Քրիստոսի միջոցով մեր երկնաւոր Հօրն ընդառաջ գնալու, այլեւ որպէս հաւատացեալներ Քրիստոսի ճանապարհով մեր երկնաւոր Հօր տանը՝ երկնքի այրքայութեանը մուտք գործելու համար»։

Աւարտին բոլորը համախմբւեցին եկեղեցու բակում, ուր Սրբազան Հօր եւ պատկան թաղի նորապսակ զոյգի միջոցով բոցավառւեց աւանդական թուփը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։