Հա

Համայնք

17/08/2020 - 11:05

Խաղողօրհնէքի կարգ՝ Նոր Ջուղայում

Կիրակի՝ 2020 թւականի օգոստոսի 16-ի առաւօտեան ժամը 8։00-ին, Ս. Ամենափրկիչ վանքի Ս. Յովսէփ Արիմաթացի եկեղեցում, Հայաստանեայց Առաքելական Սուրբ Եկեղեցու տաղաւար տօներից՝ Ս. Աստւածածնի Վերափոխման տօնի առթիւ դռնփակ կերպով կատարւեց Անդաստանի արարողութիւն եւ խաղողօրհնէքի կարգ։

«alikonline.ir» - Կիրակի՝ 2020 թւականի օգոստոսի 16-ի առաւօտեան ժամը 8։00-ին, Ս. Ամենափրկիչ վանքի Ս. Յովսէփ Արիմաթացի եկեղեցում, Հայաստանեայց Առաքելական Սուրբ Եկեղեցու տաղաւար տօներից՝ Ս. Աստւածածնի Վերափոխման տօնի առթիւ դռնփակ կերպով կատարւեց Անդաստանի արարողութիւն եւ խաղողօրհնէքի կարգ։ Տեղեկացնում է Նոր Ջուղայի մեր թղթակիցը:

Քանի որ այս տարի համաճարակի պատճառով հաւատացեալները հնարաւորութիւն չունեցան մասնակցելու այս հոգեպարար արարողութեանը, Անդաստանի կարգով օրհնութիւնը հասցւեց աշխարհի չորս կողմերը։

Արարողութեանը նախագահեց Սպահանի հայոց թեմի առաջնորդ գերշ. Տ. Սիփան եպս. Քէչէճեանը։ Կարգին իր մասնակցութիւնը բերեց թեմի եկեղեցականաց դասը։

Վերջում Սրբազան Հայրը շնորհաւորանքի խօսք փոխանցելով տօնի առթիւ, յոյս յայտնեց, որ ինչքան շուտ յաղթահարելով համաճարակը, բոլորը վերադառնան իրենց սովորական կեանքին եւ եկեղեցական արարողութիւնները վերստին կազմակերպւեն հոծ հաւատացեալների ներկայութեամբ։ Նա յատկապէս ցանկացաւ, որ օրւայ կարգի օրհնութեամբ բոլորը հեռու մնան հիւանդութիւններից եւ առողջ կեանք ապրեն։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։