Հա

Համայնք

22/09/2020 - 12:54

Հանդիպում՝ սպանւած շահինշահրցի երիտասարդ էդմոնդ Ասատրեանի ընտանիքի հետ

Ուրբաթ՝ սեպտեմբերի 18-ի առաւօտեան, Սպահանի հայոց թեմի առաջնորդ գերշ. Տ. Սիփան եպս. Քէչէճեանի գլխաւորութեամբ, եւ թեմի Թեմական խորհրդի անդամ դոկտ. Նորայր Թումանեանի ընկերակցութեամբ, Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանը հանդիպեց Շահինշահրում վերջերս սպանւած երիտասարդ Էդմոնդ Ասատրեանի ընտանիքի եւ նշւած դէպքի հետ կապւած դատական գործընթացին վերահասու իրաւաբանի հետ։

«alikonline.ir» - Ուրբաթ՝ սեպտեմբերի 18-ի առաւօտեան, Սպահանի հայոց թեմի առաջնորդ գերշ. Տ. Սիփան եպս. Քէչէճեանի գլխաւորութեամբ, եւ թեմի Թեմական խորհրդի անդամ դոկտ. Նորայր Թումանեանի ընկերակցութեամբ, Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանը հանդիպեց Շահինշահրում վերջերս սպանւած երիտասարդ Էդմոնդ Ասատրեանի ընտանիքի եւ նշւած դէպքի հետ կապւած դատական գործընթացին վերահասու իրաւաբանի հետ։ Տեղեկացնում է Նոր Ջուղայի մեր թղթակիցը։

Ասատրեանների բնակարնում տեղի ունեցած այս հանդիպման սկզբում ընտանիքը բացատրութեամբ հանդէս եկաւ սպանութեան դէպքի մանրամասնութիւնների եւ դատական գործընթացի շուրջ։

Այնուհետեւ Սրբազան Հայրը հերթական անգամ իր ցաւակցութիւնը փոխանցելով ընտանիքին՝ ուժ ու համբերութիւն մաղթեց նրանց՝ այս վշտին դիմանալու  համար։ 

Ռոբերտ Բեգլարեանը նշելով, որ սոյն հարցը կապւած է հայ համայնքին ու նրա իրաւունքներին, իրաւաբանի հետ քննարկեց փոքրամասնութիւնների իրաւունքներն ու իրաւական սահմանումները նման դէպքերի առնչութեամբ, ապա համապատասխան խորհուրդներ փոխանցելով գործընթացը լաւագոյն ձեւով ընթանալու կապակցութեամբ, իր պատրաստակամութիւնը յայտնեց իրաւական եւ պաշտօնական հարցերում հարկ եղած համագործակցութիւնը ցուցաբերելու համար։ 

Հարկ է նշել, որ Էդմոնդ Ասատրեանն սպանւել է 2020 թւականի մայիսին, Շահինշահրում անչափահաս ոչ հայ անձնաւորութեան միջոցով, դեռեւս անյայտ պատճառներով։ 

Դէպքի մանրամասնութիւնների եւ դատական գործընացի մասին առաւել լուսաբանելու նպատակով Ռոբերտ Բեգլարեանի հետ տեղի է ունենալու մի հարցազրոյց, որը կը հրապարակւի յետագային։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։