Հա

Համայնք

01/11/2020 - 11:20

«Բարեկեցութիւն» կազմակերպութեան ընդհանուր տնօրէնի հանդիպումն ազգային իշխանութեան պատւիրակութեան հետ

«Բարեկեցութիւն» կազմակերպութեան Սպահանի գերատեսչութեան նորանշանակ ընդհանուր տնօրէն պրն. Նասրը նոյն գերատեսչութեան զանազան գծերով փոխ-տնօրէնների ընկերակցութեամբ, հինգշաբթի՝ հոկտեմբերի 29-ի առաւօտեան, Սպահանի հայոց թեմի ազգ. առաջնորդարանում, հանդիպում ունեցաւ ազգային իշխանութեան պատւիրակութեան հետ՝ թեմիս կողմից իրականացւող բարեգործական աշխատանքներին ծանօթանալու եւ այդ շրջագծում երկուստեք համագործակցութիւններն առաւել ընդարձակելու համար:

«alikonline.ir» - «Բարեկեցութիւն» կազմակերպութեան Սպահանի գերատեսչութեան նորանշանակ ընդհանուր տնօրէն պրն. Նասրը նոյն գերատեսչութեան զանազան գծերով փոխ-տնօրէնների ընկերակցութեամբ, հինգշաբթի՝ հոկտեմբերի 29-ի առաւօտեան, Սպահանի հայոց թեմի ազգ. առաջնորդարանում, հանդիպում ունեցաւ ազգային իշխանութեան պատւիրակութեան հետ՝ թեմիս կողմից իրականացւող բարեգործական աշխատանքներին ծանօթանալու եւ այդ շրջագծում երկուստեք համագործակցութիւններն առաւել ընդարձակելու համար: Տեղեկացնում է Սպահանի հայոց թեմի ազգային առաջնորդարան Հանրային կապը:

Գերշ. Տ. Սիփան եպս. Քէչէճեանի գլխաւորած թեմիս պատւիրակութեանը մաս էին կազմել Թեմական խորհդի փոխ-ատենապետ դոկտ. Նորայր Թումանեանը եւ անդամներ՝ Լորիս Նաւասարդեանն ու Վահիկ Թորոսեանը, թեմի Բարեսիրական մրամնի ատենապետուհի Ռայեա Խուդավերդեանը եւ ազգ. Առաջնորդարանի դիւանապետ Արիս Դաւթեանը:

Հանդիպումն սկիզբ առաւ Սրբազան Հօր ողջոյնի խօսքով: Նա բարի գալուստ մաղթելով հիւրերին, բարձր գնահատեց «Բարեկեցութիւն» կազմակերպութեան կողմից Իրանի եւ ի մասնաւորի Սպահան քաղաքի մակարդակով իրականացւող բարեգործական լայնածաւալ աշխատանքները:

Թեմակալ առաջնորդն իր խօսքի շարունակութեան մէջ շնորհաւորելով պրն. Նասրին՝ ընդհանուր տնօրէն նշանակւելու առիթով եւ ուժ ու կորով մաղթելով յիշեալին՝ այս աստւածահաճոյ առաքելութիւնը լաւագոյնս իրականացնելու համար, յոյս յայտնեց, որ նման հանդիպումների շնորհիւ կընդարձակւեն առկայ համագործակցութեան եզրերը:

Յաջորդիւ պրն. Նասրը թւարկելով «Բարեկեցութիւն» կազմաերպութեան բազմաբնոյթ աշխատանքներից մի քանիսը, կարեւորութեամբ ընդգծեց, որ մարդասիրական ծրագրերը այս կազմակերպութեան գործունէութեան առանցքն են կազմում: Նա ոչ միայն իր պատրաստակամութիւնը յայտնեց թեմիս ազգային իշխանութեան հետ փոխ-համագործակցութիւնների մակարդակն առաւել բարձրացնելու, այլեւ նշեց, թէ մեծ ուրախութեամբ օգտւելու է մարդասիարական աշխատանքներում Բարեսիրական մարմնի ունեցած տարիների փորձառութիւններից:

Այնուհետեւ Թեմական խորհրդի անունից բարի գալստեան եւ շնորհաւորանքի մաղթանքներով արտայայտւեց դոկտ. Նորայր Թումանեանը, որից յետոյ տնօրէնին ընկերակցող փոխ-տնօրէնները, բացատրութեամբ հանդէս եկան իրենց աշխատանքային ոլորտի շուրջ՝ խոստանալով, թէ պատկան իրաւասութիւնների եւ հնարաւորութիւնների շրջագծում օգտակար են հանդիսանալու Սպահանի հայոց թեմի ազգային իշխանութեանը: Վերոնշեալ ոլորտներն էին՝ թմարմոլութեան կանխարգելման եւ բուժման, ինչպէս նաեւ ընտանեկան զանազան խնդիրների փարատման ուղղութեամբ ծառայութիւնները, անօգնականներին եւ անօթեւաններին աջակցելը, անխնամակալ կանանց եւ երեխաների նկատմամբ հոգածութիւն ցուցաբերելը եւ այլն:

Յարակից լուրեր

  • Ս. Ծննդեան տօնի առթիւ ս. եւ անմահ պատարագ՝ Նոր Ջուղայում
    Ս. Ծննդեան տօնի առթիւ ս. եւ անմահ պատարագ՝ Նոր Ջուղայում

    Յունւարի 6-ի առաւօտեան, Ս. Ծննդեան տօնի առիթով դռնփակ կերպով եպիսկոպոսական ս. եւ անմահ պատարագ մատուցւեց Նոր Ջուղայի առաջնորդանիստ Ս. Ամենափրկիչ վանքի Ս. Յովսէփ Արիմաթացի եկեղեցում, ձեռամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ 

  • Նոր տարին՝ նոր ընտրութեամբ
    Նոր տարին՝ նոր ընտրութեամբ

    Այս տարի տարբեր զգացումներով ենք պատրաստւում դիմաւորել Սուրբ Ծննդեան խորախորհուրդ տօնը: Մարդկային փորձառութիւնից բխող իմաստութիւնը մեզ փոխանցում է հետեւեալ ճշմարտութիւնը.- «Պատմութիւնը ինքնիրեն կրկնում է», եւ իրօք, ճիշտ հարիւր տարի յետոյ մեր ներաշխարհի մէջ գոյացած անտանելի ծանրութիւնը թանձր մառախուղի նման մի անգամ եւս պատել է մեր միտքը, սիրտն ու հոգին:

  • Գոհաբանական աղօթք 2021 թւականի Ամանորի առթիւ՝ Նոր Ջուղայում
    Գոհաբանական աղօթք 2021 թւականի Ամանորի առթիւ՝ Նոր Ջուղայում

    2021 թւականի Ամանորի առթիւ, յունւարի 1-ի առաջին պահերին՝ ժամը 00:30-ին, Ս. Ամենափրկիչ վանքի Ս. Յովսէփ Արիմաթացի եկեղեցում, դռնփակ Գոհաբանական աղօթք մատուցւեց՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ թեմի եկեղեցական դասի մասնակցութեամբ: 

  • Սպահանի հայոց թեմի առաջնորդի պատգամը՝ Կաղանդի առիթով
    Սպահանի հայոց թեմի առաջնորդի պատգամը՝ Կաղանդի առիթով

    Ամանորի սեմին, շնորհաւորում եմ աշխարհասփիւռ հայորդիների իւրաքանչիւրի Նոր տարին, լաւագոյնն ու ամենաբարին ցանկանալով բոլորին եւ աղօթում եմ, որ Աստւած պահի ու պահպանի մեր Հայ Ազգն ու Հայրենիքը ամէն տեսակ չարից ու փորձանքից զերծ պահելով բոլորիս: Չմոռանանք, որ աշխարհը դէպի կորուստ, անդունդ կամ կործանում է առաջնորդւում երկու գլխաւոր պատճառներով. առաջին՝ բարի մարդկանց լռելով, երկրորդ՝ լաւ մարդկանց կրաւորականութեամբ:

  • Պրն. Արա Շահվերդեանը հանդիպեց Սրբազան Հօր հետ
    Պրն. Արա Շահվերդեանը հանդիպեց Սրբազան Հօր հետ

    Չորեքշաբթի, 30 դեկտեմբերի 2020 թւականի կէսօրին, թեմիս առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց, Իիրան Իսլ. խորհրդարանի Թեհրանի եւ հիւսիսային իրանահայութեան պատգամաւոր՝ պրն. Արա Շահվերդեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։