Հա

Համայնք

03/04/2021 - 11:30

Սպահանի հայոց թեմի առաջնորդ Տ. Սիփան եպս. Քէչէճեանի Ս․ Զատկւայ պատգամը

Այս տարւայ մեր եկեղեցական օրացոյցը մեզ յիշեցնում է, որ մի նոր արշալոյսով ենք դիմաւորում Զատկւայ՝ մեր Տիրոջ եւ Փրկչի Յիսուս Քրիստոսի սուրբ Յարութեան տօնը: Ամէն տարւայ նման չէ այս տարի, այլ՝ մի բացառութիւն, որովհետեւ կարծէք պարպւել ենք տօնական տրամադրութիւնից, եւ շատերիս համար տհաճ է թւում մթնոլորտը:

Այս տարւայ մեր եկեղեցական օրացոյցը մեզ յիշեցնում է, որ մի նոր արշալոյսով ենք դիմաւորում Զատկւայ՝ մեր Տիրոջ եւ Փրկչի Յիսուս Քրիստոսի սուրբ Յարութեան տօնը: Ամէն տարւայ նման չէ այս տարի, այլ՝ մի բացառութիւն, որովհետեւ կարծէք պարպւել ենք տօնական տրամադրութիւնից, եւ շատերիս համար տհաճ է թւում մթնոլորտը:

Համաշխարհային խնդիրներով լեցուն վերիվայրումներ, տնտեսկան տագնապ, խռովութիւններ ու պատերազմներ, «Պսակաձեւ Ժահր» համաճարակ, բայց մանաւանդ ամենածանրը՝ հայրենական կորուստներ, պատճառ են դարձել որ մարդկօրէն յուզւենք եւ մտահոգւենք, իսկ որպէս հայորդի՝ թերեւս նոյնիսկ խախտւի մեր հաւատքը կամ յուսախաբւած զգանք մենք մեզ:

Այս բոլորը հասկանալի ու ընդունելի են մեր կեանքի ընթացքին որպէս մարդ արարած, սակայն անընդունելի են որպէս հայ հաւատացեալ, որովհետեւ այդ պարագային մենք հակառակած կը լինենք մեր Տիրոջ պատւէրին: Մեր երկնառաք Վարդապետը Աւետարանների էջերում արձանագրւած Իր պատգամների միջից մեզ միշտ քարոզում է վերականգնել ու վերանորոգւել. էական ու հրամայական քրիստոնէական մի սկզբունք, որ հրամայական է՝ մեր կեանքը գեղեցիկ, վայելուչ եւ արժանաւոր կերպով ապրելու համար:

Ուզո՞ւմ ենք տիրանալ վերոյիշեալ սկզբունքին. ոչ ոք այն ոսկեայ սկուտեղիի վրայ չի հրամցնելու մեզ, այլ մե՛նք պէտք է իմանանք նրա գաղտնիքը: Աշխարհն ու աշխարհայինը չէ որ կը մատակարարեն մեզ մեր սպասածն ու պահանջածը, այլ մե՛նք պէտք է սկսենք բարեփոխել մեր հոգեմտաւոր ներաշխարհը, որի հիմքն են կազմում համաքրիստոնէական առաքինութիւնների գլխաւորագոյնները՝ Հաւատքը, Յոյսը եւ Սէրը: Սրանք կարելի է ստանալ միայն աստւածային շնորհքների իբրեւ պարգեւ, որոնց մարմնացեալ վայրը մեր խաչեալ Փրկչի դատարկ գերեզմանն է:

Ա՛րդ, թօթափե՛նք ամէն տեսակ պղծութիւն եւ մոլութիւն, ձերբազատւենք մեր մեղքերից եւ մեր յարուցեալ Տիրոջ միջնորդութեամբ դիմե՛նք մեր Երկնաւոր Հօրը, որպէսզի Նա Սուրբ Հոգու միջոցով մաքրի եւ սրբի մեզ, Իր ողորմութեանն արժանացնի, վերանորոգի մեր կեանքը եւ գողգոթայի ճանապարհից անցած լինելու համոզման աւարտին՝ յաղթական դուրս գանք մեր հոգեւոր պատերազմից: Այս բոլորի իրականացմամբ ոչ միայն կը դառնանք նոր մարդ արարած, այլեւ կը բարեփոխւի մեր ամբողջ կեանքը, եւ բարգաւաճ ապագայով պայմանաւորւած՝ բարօր արշալոյսի ականատես վկաները կը հանդիսանանք:

Յիսուս Քրիստոսի սուրբ Յարութեան տօնի նախօրեակին շնորհաւորում եմ իւրաքանչիւր հայորդու, լաւագոյնն ու ամենաբարին ցանկանալով բոլորիդ, եւ Սպահանի Հայոց Թեմի Նոր Ջուղայի Սուրբ Ամենափրկչեան Վանքի դարաւոր օրհնութեամբ դիմում եմ մեր Թեմի բոլոր զաւակներին ասելով.- «Քրիստոս Յարեաւ Ի Մեռելոց, Օրհնեալ Է Յարութիւնն Քրիստոսի»:

 

ՍԻՓԱՆ ԵՊՍ. ՔԷՉԷՃԵԱՆ

ԱՌԱՋՆՈՐԴ ՍՊԱՀԱՆԻ ՀԱՅՈՑ ԹԵՄԻ

3 ապրիլի, 2021 թ.

 

Յարակից լուրեր

  • Ս. Գէորգ Զօրավարի տօնը նշւեց Նոր Ջուղայի համանուն եկեղեցում
    Ս. Գէորգ Զօրավարի տօնը նշւեց Նոր Ջուղայի համանուն եկեղեցում

    Կիրակի՝ սեպտեմբերի 25-ի առաւօտեան, Նոր Ջուղայի Ս. Գէորգ եկեղեցում, նախագահութեամբ Սպահանի հայոց թեմի առաջնորդ գերշ. Տ. Սիփան Ս. եպս. Քէչէճեանի եւ մասնակցութեամբ եկեղեցական դասի, սուրբ եւ անմահ պատարագի մատուցմամբ նշւեց Ս. Գէորգ Զօրավարի տօնը. զուգահեռ նշւեց նաեւ եկեղեցու անւանակոչութեան տօնը: 

  • Վերջին յարձակումների հետեւանքով Հայաստանում զոհւած հայորդիների յիշատակին հոգեհանգստեան կարգ՝ Նոր Ջուղայում
    Վերջին յարձակումների հետեւանքով Հայաստանում զոհւած հայորդիների յիշատակին հոգեհանգստեան կարգ՝ Նոր Ջուղայում

    Անսալով Մեծի Տանն Կիլիկիոյ Կաթողիկոս՝ Ն.Ս.Օ.Տ.Տ. Արամ Ա Վեհափառ Հայրապետի յանձնարարութեանը՝ կիրակի՝ սեպտեմբերի 18-ի առաւօտեան, Նոր Ջուղայի Ս. Մինաս եկեղեցում մատուցւած կիրակնօրեայ սուրբ եւ անմահ պատարագի աւարտին, նախագահութեամբ Սպահանի հայոց թեմի առաջնորդ՝ գերշ. Տ. Սիփան Ս. եպս. Քէչէճեանի եւ մասնակցութեամբ թեմի եկեղեցականաց դասի, հոգեհանգստեան կարգ տեղի ունեցաւ՝ Հայաստանի դէմ Ադրբեջանի վերջին նախայարձակումների հետեւանքով նահատակւած մեր բանակի արի զինւորների եւ զոհւած հայորդիների հոգիների խաղաղութեան համար։ 

  • «Հայկական նախագիծ» կազմակերպութիւնը Ս. Ամենափրկիչ վանքում
    «Հայկական նախագիծ» կազմակերպութիւնը Ս. Ամենափրկիչ վանքում

    Սպահանի հայոց թեմի առաջնորդ՝ գերշ. Տ. Սիփան Ս. եպս. Քէչէճեանը եւ թեմի ազգային մարմինները, կիրակի՝ 21 օգոստոսի 2022 թւականի երեկոյեան, Նոր Ջուղայի Ս. Ամենափրկիչ վանքի «Ծաղկեայ» դահլիճում ընդունեցին Հայաստանից ժամանած «Հայկական նախագիծ» գիտա-կրթական հասարակական կազմակերպութեան հիմնադիր խմբի ներկայացուցիչներ՝ քաղաքագէտ՝ Էդգար Էլբակեանին, տարածաշրջանային հարցերով փորձագէտ՝ Կարէն Իգիթեանին եւ արեւելագէտներ՝ Սերգէյ Մելքոնեանին ու Վարուժան Գեղամեանին։ Հիւրերին ուղեկցում էր ազգային-հասարակական գործիչ՝ Արթուր Յովսէփեանը։

  • Սուրբ Աստւածածնի Վերափոխման տօնը նշւեց Խոյգանի համանուն եկեղեցում
    Սուրբ Աստւածածնի Վերափոխման տօնը նշւեց Խոյգանի համանուն եկեղեցում

    Ուրբաթ՝ օգոստոսի 19-ի առաւօտեան, Սպահանի հայոց թեմի առաջնորդ գերշ. Տ. Սիփան Ս. եպս. Քէչէճեանի նախագահութեամբ, Սուրբ Աստւածածնի Վերափոխման տօնը նշւեց Փերիոյ գաւառի Խոյգան գիւղի Ս. Աստւածածին եկեղեցում, ուր նշւեց նաեւ նոյն եկեղեցու անւանակոչութեան տօնը։ 

  • Իրանահայ երեք թեմերի հոգեւոր առաջնորդների այցը Լիբանանում Իրանի Իսլ. Հանրապետութեան դեսպանութիւն
    Իրանահայ երեք թեմերի հոգեւոր առաջնորդների այցը Լիբանանում Իրանի Իսլ. Հանրապետութեան դեսպանութիւն

    Իրանահայ երեք թեմերի առաջնորդներ՝ գերշ. Տ. Սեպուհ Ս. արք. Սարգսեանի, գերշ. Տ. Գրիգոր արք. Չիֆթճեանի եւ գերշ. Տ. Սիփան եպս. Քէչէճեանի գլխաւորութեամբ, շաբաթ թւականիս յուլիսի 2-ին, Անթիլիասի մայրավանքում տեղի ունեցող Սրբալոյս Միւռոնի օրհնութեանը մասնակից ուխտաւորներ՝ Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թ.Հ.Թ. Թեմական խորհրդի ներկայացուցիչ Արմէն Նազարեանը, Թեհրանի համայնքի ազգային-բարերարներից Յովսէփ Աւետեանը, ինչպէս նաեւ Սպահանի հայոց թեմի Կրօնական խորհրդի ատենապետ Զաւէն Սիմոնեանը, Լիբանանում Իրանի Իսլ. Հանրապետութեան դեսպանութիւն կատարած այցի ընթացքում հանդիպում են ունեցել Լիբանանում ԻԻՀ դեսպան Մոհամմադ Ջալալ Ֆիրուզնիայի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։