Հա

Համայնք

30/12/2021 - 12:30

Նոր տարւայ պատգամ

Իրանի ժսղովուրդը, իրանահայութիւնը եւ համայն հայութիւնը թեւակոխում են 2022 տարին, որը անցեալ երկու-երեք տարիններում անկիւնադարձային դէպքերի ու երեւոյթների վկան են եղել։ Ի մասնաւորի 2021-ին իրանցիները տարբեր ներքին ու արտաքին վերիվայրումներ են տեսել ու ապրել եւ այդ բոլորին զուգընթաց տնտեսա-սոցիալական դժւարին օրեր են անցկացրել։ Հայաստանն էլ գտնւել է ոչ պակաս, բայց իրեն իւրայատուկ բարդ իրավիճակում։

Իրանի ժսղովուրդը, իրանահայութիւնը եւ համայն հայութիւնը թեւակոխում են 2022 տարին, որը անցեալ երկու-երեք տարիններում անկիւնադարձային դէպքերի ու երեւոյթների վկան են եղել։ Ի մասնաւորի 2021-ին իրանցիները տարբեր ներքին ու արտաքին վերիվայրումներ են տեսել ու ապրել եւ այդ բոլորին զուգընթաց տնտեսա-սոցիալական դժւարին օրեր են անցկացրել։ Հայաստանն էլ գտնւել է ոչ պակաս, բայց իրեն իւրայատուկ բարդ իրավիճակում։

Մենք իրանահայերս իբրեւ Իրանի քաղաքացիներ, ընկալելով պատմական ու հաւաքական կենսափորձը, շաղկապւած ենք տեսնում երկու հինաւուրց հարեւան երկրների՝ Իրանի եւ Հայաստանի ճակատագրերը։ Թէպէտ ուշի-ուշով հետեւում ենք իրադարձութիւններին, սակայն հէնց այն իրողութեան վրայ յենւելով, որ տարածաշրջանը առանց հզօր Իրանի եւ կանգուն Հայաստանի աւելիով է վտանգւելու, համոզւած ենք, որ չպէտք է հիասթափւել, նահանջել ու մոլորւել։ Անձնականի կողքին չպէտք է մոռացւի հաւաքականը։ Այս պահից ճակատագիր ասւածը բացատրւում է կամքով ու գործով՝ ուստի եւ աւելի է իմաստաւորւում Ամանորն ու Ս. Ծնունդը։ Վերանորոգ հաւատքով պիտի աշխատել եւ առաջ գնալ, յանուն մեր Ընտանիքի, Համայնքի եւ Հայրենիքի։

Հետեւաբար շնորհաւորելով իրանահայութեանը այս տօնական օրերին՝ բոլորին մաղթում եմ առողջութիւն ու յաջողութիւն, զուգահեռաբար, լինենք միակամ, ներող եւ բարեացակամ։ Իմաստութեամբ կատարելագործւենք ու սատարենք միմեանց եւ այդ հիմքով՝ Իրանին եւ Հայաստանին։

 

ԻՍԼ. ԽՈՐՀՐԴԱՐԱՆՈՒՄ ՍՊԱՀԱՆԻ ԵՒ

ՀԱՐԱՒԱՅԻՆ ԻՐԱՆԱՀԱՅՈՒԹԵԱՆ ՊԱՏԳԱՄԱՒՈՐ

ՌՈԲԵՐՏ ԲԵԳԼԱՐԵԱՆ

 

Յարակից լուրեր

  • Շնորհաւոր Նոր տարի
    Շնորհաւոր Նոր տարի

    Սիրելի հայրենակիցներ,

    «alikonline»-ի աշխատակիցները սրտանց շնորհաւորում են Ձեզ՝ Աամնորի կապակցութեամբ:

  • Համախմբւինք ազգի ու հայրենիքի գերագոյն շահերուն շուրջ
    Համախմբւինք ազգի ու հայրենիքի գերագոյն շահերուն շուրջ

    Նոր տարւան սեմին, քրիստոնէական սիրով ու հայրապետական օրհնութեամբ կողջունենք մեր ժողովուրդի սիրելի զաւակները։

    Նոր տարին մարդը, անհատապէս թէ հաւաքաբար, ինքնահայեցողութեան ու ինքնաքննութեան հրաւիրող պահ է։ Եկէք պահ մը մեր հայեացքները սեւեռենք հայ կեանքին վրայ։

  • Նոր տարւայ պատգամ
    Նոր տարւայ պատգամ

    Նոր տարւայ առաջին այս ժամերին հոգեկան բաւարարութեամբ եւ առ Աստւած բարձրացած գոհաբանական աղօթքով ողջունում եմ ձեզ եւ սրտանց ու անկեղծագոյն զգացումներով շնորհաւորում բոլորիդ մաղթելով, որ սկսւող 2022 Նոր տարին բոլորիս համար լինի աստւածային օրհնութիւններով ու բարիքներով լի մի տարի. տարի՛, որի իւրաքանչիւր օրն ու ժամը իր խորհուրդով մարդ արարածը անկանխատեսելի երեւոյթների, դէպքերի առաջ է կանգնեցնում։

  • Տկա՛ր ենք, անյոյս չե՛նք
    Տկա՛ր ենք, անյոյս չե՛նք

     

    Տարին աւարտւում է եւ նոր տարեշրջան է բացւում: Անցեալը չենք կարող մոռանալ, սակայն տկարութեան մէջ իսկ նւիրւելու ենք աշխատանքի, մեր տկարութիւնը զօրութեան փոխակերպելու համար: Նահատակների սուրբ արիւնը ինքնին բալասան է տկարութեամբ վիրաւոր մարդու բաց վէրքերին, որովհետեւ նրանց մայրերի արցունքախառն վրէժխնդրութիւնը թրծում է նոյնիսկ ամենատկարի կամքը, եւ բոցկլտացող աչքեր պարգեւում նրան: 

  • Մեր կեանքի ժամացոյցը
    Մեր կեանքի ժամացոյցը

    Մեր ազգն ու հայրենիքը անհրաժեշտ ու հրամայական պահանջքն ունեն իւրաքանչիւր հայորդու անձնազոհ ու նւիրեալ ծառայութեան: Մեր ազգի ու հայրենիքի հանդէպ մեր պարտքը կարող ենք լաւագոյն ձեւով վճարել, եթէ որդեգրենք արդար լուծումը՝ մեր կեանքի ամենօրեայ սուղ ու թանկագին ժամերից բաժին տրամադրելով ընդհանրական կամ հաւաքական աշխատանքին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։