Հա

Համայնք

04/08/2022 - 11:20

Լիսբոնի հինգ անձնազոհ մարտիկներին նւիրւած ֆուտսալի խաղեր՝ Նոր Ջուղայում

Նախաձեռնութեամբ Նոր Ջուղայի Հայ մարզա-մշակութային «Արարատ» միութեան Սկաուտական միաւորի, 28 առ 30 յուլիսի 2022 թւականին տեղի ունեցաւ Լիսբոնի հինգ անձնազոհ մարտիկների ողջակիզման յիշատակին նւիրւած ամենամեայ ֆուտսալի խաղերը, որն այս տարի կազմակերպւել էր քորոնաժահրի պատճառով ստեղծւած երկամեայ դադարից յետոյ:

«alikonline.ir» - Նախաձեռնութեամբ Նոր Ջուղայի Հայ մարզա-մշակութային «Արարատ» միութեան Սկաուտական միաւորի, 28 առ 30 յուլիսի 2022 թւականին տեղի ունեցաւ Լիսբոնի հինգ անձնազոհ մարտիկների ողջակիզման յիշատակին նւիրւած ամենամեայ ֆուտսալի խաղերը, որն այս տարի կազմակերպւել էր քորոնաժահրի պատճառով ստեղծւած երկամեայ դադարից յետոյ: Տեղեկացնում է Նոր Ջուղայի մեր թղթակիցը:

Բացման խօսքով հանդէս եկաւ մրցաշարի կազմակերպիչ յանձնախմբի անդամ Արփինէ Մովսիսեանը, ով նախ ներկաներին հրաւիրեց մէկ րոպէ յոտնկայս լռութեամբ յարգել հինգ անձնազոհ տղաների յիշատակը, ապա անդրադառնալով 1983 թւականին Պորտուգալիայի մայրաքաղաք՝ Լիսբոնում տեղի ունեցած ակտին, նշեց. «Այս երեկոները կը գան լռութեան պատերը քանդելու, կը գան ասելու թէ հայ երիտասարդութիւնը պատրաստ է իւրաքանչիւր օր պայքարը շարունակելու, որպէսզի համայն աշխարհին լսելի դարձնի թէ անարդարութիւն է գործւած եւ հայ ժողովուրդը վերստին սպասում է արդարութեան վերականգնմանը»:

Եռօրեայ այս մրցաշարին իրենց մասնակցութիւնն էին բերել համայնքի երիտասարդներից բաղկացած չորս խմբեր՝ «Սարդարապատ», «Սասուն», «Արցախ» եւ «Արարատ» անուններով: Մրցոյթների արդիւնքում առաջին տեղը գրաւեց «Սասուն» խումբը, որի անդամներն էին՝ Ռուբէն Իսաղուլեանը, Շիրակ Օրոջեանը, Հրատ Ղուկասեանը, Արւին Աւանէսեանը, Միրօ Ղազարեանը, Արփիար Դաւթեանը եւ Գեւիկ Մկրտչեանը, իսկ երկրորդ տեղը զբաղեցրեց «Արարատ» խումբը, որին մաս էին կազմում Արգին Մկրտչեանը, Յաւերժ Յակոբեանը, Մելւին Թորոսեանը, Թադէ Խուդավերդեանը, Արմէն Դադանեանը, Արէն Մարկոսեանը եւ Դերենիկ Գրիգորեանը:

Մարզիկների գնահատագրերը եւ առաջին հանդիսացած խմբի յուշանւէրները յանձնեցին Սպահանի հայոց թեմի Թեմական խորհրդի անդամներ Նապիկ Մելիքեանն ու Լորիս Նաւասարդեանը, «Արարատ» միութեան Կենտրոնական վարչութեան անդամներ Միգանուշ Տէր-Մարտիրոսեանն ու Զարեհ Ղարախանեանը, Սկաուտական միաւորի Գերագոյն մարմնի անդամ Սեպուհ Վարդանեանը եւ սոյն մրցաշարի կազմակերպիչ յանձնախմբի անդամ Ռոբերտ Սիմոնեանը:

Փակման հանդիսութիւնը եւս վարեց Արփինէ Մովսիսեանը:

Սկաուտական միաւորի կողմից կեանքի կոչւած խաղերի կազմակերպիչ յանձնախմբի անդամներն էին՝ Ռոբերտ Սիմոնեանը, Սասուն Սիմոնեանը, Էմմանուէլ Սիրջանեանը, Մեղրի Փանոսեանը, Արթուր Քամարզարեանը, Արփինէ Մովսիսեանը, Վանէ Յովսէփեանը եւ Վահագն Վարդեւանեանը:

 

 

Յարակից լուրեր

  • Մանուկների միջազգային օրւայ առթիւ մանկական ուրախ ժամանց՝ Նոր Ջուղայում
    Մանուկների միջազգային օրւայ առթիւ մանկական ուրախ ժամանց՝ Նոր Ջուղայում

    Մանուկների պաշտպանութեան միջազգային օրւայ առիթով, չորեքշաբթի՝ յունիսի 8-ի երեկոյեան, Նոր Ջուղայի Հայ Մ. Մ. «Արարատ» միութեան բացօթեայ տարածքում իրականացւած՝ «Մանկական ուրախ ժամանց» միջոցառումն իր շուրջ էր համախմբել հայ համայնքի մանուկներին, ովքեր հաճելի եւ ուրախ մթնոլորտում վայելեցին երեկոյի կազմակերպիչ՝ նոյն միութեան Մշակութային միաւորի վարչութեան պատրաստած խաղերը եւ Սպահանի «Սանա» մանկական խաղերի կենտրոնի միջոցով իրականացւած խաղային ծրագիրը:

  • Ֆուտբոլի ընկերական մրցոյթներ՝ Հայոց Ցեղասպանութեան 107-ամեակի առիթով
    Ֆուտբոլի ընկերական մրցոյթներ՝ Հայոց Ցեղասպանութեան 107-ամեակի առիթով

    Հայոց Ցեղասպանութեան 107-ամեակի ոգեկոչման յանձնախմբի նախաձեռնութեամբ եւ Նոր Ջուղայի Հայ Մ. Մ. «Արարատ» միութեան Ֆուտբոլի յանձնախմբի կազմակերպութեամբ, ուրբաթ՝ մայիսի 6-ին, ազգային գերեզմանատանը կից ֆուտբոլի դաշտում տեղի ունեցան ընկերական մրցոյթներ՝ Նոր Ջուղայի Հայ Մ. Մ. «Արարատ» միութեան եւ «Փայամէ Ֆաջր» տղայոց մանկա-պատանեկան չորս խմբերի միջեւ։

  • Տղայոց մանկա-պատանեկան բասկետբոլի ընկերական քառակողմ մրցաշար՝ նւիրւած Հայոց Ցեղասպանութեան 107-ամեակին
    Տղայոց մանկա-պատանեկան բասկետբոլի ընկերական քառակողմ մրցաշար՝ նւիրւած Հայոց Ցեղասպանութեան 107-ամեակին

    Հայոց Ցեղասպանութեան 107-ամեակի ոգեկոչման յանձնախմբի նախաձեռնութեամբ եւ Նոր Ջուղայի Հայ Մ. Մ. «Արարատ» միութեան Մարզական միաւորի համագործակցութեամբ, կազմակերպւել էին տղայոց բասկետբոլի քառակողմ մրցաշար՝ մասնակցութեամբ՝ «Արարատ», «Զոբ Ահան», «Գոլնուռ» եւ «Սեփահան Թոզի» մանկա-պատանեկան խմբերի։ 

  • Ն. Ջ. Հայ Մ. Մ. «Արարատ» միութեան գարնանային ծրագրերը
    Ն. Ջ. Հայ Մ. Մ. «Արարատ» միութեան գարնանային ծրագրերը

    Նոր Ջուղայի Հայ Մ. Մ. «Արարատ» միութեան Կենտ. վարչութեան նախաձեռնութեամբ, կազմակերպութեամբ Կենտ. վարչութեան կողմից նշանակւած յանձախմբի եւ միութեան բոլոր միաւորների համագործակցութեամբ, գարնանային արձակուրդներն առաւել հաճելի դարձնելու նպատակով, տեղի ունեցան մի շարք միջոցառումներ, որոնք ստորեւ ներկայացնում ենք:

  • Նոր Ջուղայի Հայ մարզա-մշակութային «Արարատ» միութեան Սկաուտական միաւորի գայլիկ-արծւիկների խոստման կարգը
    Նոր Ջուղայի Հայ մարզա-մշակութային «Արարատ» միութեան Սկաուտական միաւորի գայլիկ-արծւիկների խոստման կարգը

    Ուրբաթ՝ 4 մարտ 2022 թւականի առաւօտեան, Նոր Ջուղայի Հայ Մ. Մ. «Արարատ» միութեան սրահում տեղի ունեցաւ Սկաուտական միաւորի գայլիկ-արծւիկ հատւածի ներքին խոստման կարգը։ Ծրագրին ներկայ էին միութեան Կենտրոնական վարչութեան փոխ-նախագահ եւ միաւորի կապ՝ Զարեհ Ղարախանեանը, միաւորի Գերագոյն մարմնի անդամները, սկաուտ հրաւիրեալներ եւ գայլիկ-արծւիկ հատւածի սկաուտների ծնողները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։