ՀՀ վարչապետ Նիկոլ Փաշինեանը շնորհաւորական ուղերձներ է յղել Իսլամական յեղափոխութեան գերագոյն առաջնորդ այաթ. Սէյէդ Ալի Խամենէիին եւ Իրանի Իսլամական Հանրապետութեան նախագահ այաթ. Սէյէդ Էբրահիմ Ռէյիսիին՝ Իսլամական յեղափոխութեան յաղթանակի 44-ամեակի առթիւ:

Ուրբաթ, փետրւարի 10-ին ՀՅԴ Բիւրոյի ներկայացուցիչ Յակոբ Տէր-Խաչատուրեանի գլխաւորութեամբ, ՀՅԴ Բիւրոյի, Հայաստանի Գերագոյն մարմնի եւ ԱԺ «Հայաստան» խմբակցութեան պատգամաւորների միացեալ պատւիրակութիւնն այցելել է Հայաստանի Հանրապետութիւնում Սիրիայի Արաբական Հանրապետութեան դեսպանատուն։

Փետրւարի 11-ին տեղի ունեցած պատահարի հետեւանքով այրւել է ՀՅԴ Ստեփանակերտի «Նիկոլ Դուման» գրասենեակի առաջին յարկը։

Վարդան Ոսկանեանը յատկապէս կարեւորեց  Զոհուրիի միջանցքի վերաբերեալ յայտարարութիւնը՝ ըստ որի Հայաստանն ու Իրանը թոյլ չեն տայ, որ որեւէ միջանցք ստեղծւի. «Իրականում մենք գործ ունենք «Թուրանական միջանցքի» պատրանքի հետ, որն առաջ են մղում Ադրբեջանն ու Թուրքիան, ակնյայտ է, որ դա ուղղակիօրէն խաթարում է թէ՛ Հայաստանի, թէ՛ Իրանի, թէ՛ Արցախի  եւ թէ՛ Ռուսաստանի կենսական շահերը, հետեւաբար նման միջանցք չի կարող գոյութիւն ունենալ: Այս համատեքստում կարծում եմ՝ սա այն կարեւոր կէտերից մէկն է, որտեղ հայ-իրանական շահերն ամբողջութեամբ համընկնում են, այլ կէտեր էլ կան, բայց սա կարեւորներից մէկն է:

Ահա 44-րդ անգամը լինելով Իրանի ողջ ժողովուրդը հպարտութեան, ինքնագոհունակութեան եւ պայծառ ապագայի տեսլականով յագեցւած զգացումներով ողջունում է 22 Բահմանը, որը Իրանի վերջին 44-ամեայ պատմութեան նշանակալից ու դարադարձային մի թւական է. թւական, որ ո՛չ միայն Իրանի, այլեւ ողջ տարածաշրջանի եւ որոշ չափով ողջ աշխարհի պատմութեան վրայ իր անջնջելի դրոշմը թողեց: