Հա

Համայնք

24/08/2013 - 12:10

Դասախօսական երեկոյ՝ Իրանի քաղաքական եւ տնտեսական հարցերի շուրջ

Երկուշաբթի, օգոստոսի 19-ի երեկոյեան, Հ. Մ. «Նայիրի» միութեան «Սուքերեան» սրահում, միութեան Երէցների բաժանմունքի մարմնի նախաձեռնութեամբ, կայացաւ դասախօսական երեկոյ: Դասախօսն էր Իսլ. խորհրդարանում հարաւային իրանահայութեան պատգամաւոր Ռոբերտ Բեգլարեանը, որի դասախօսութեան թեման էր Իրանի քաղաքական եւ տնտեսական հարցերը:

Երկուշաբթի, օգոստոսի 19-ի երեկոյեան, Հ. Մ. «Նայիրի» միութեան «Սուքերեան» սրահում, միութեան Երէցների բաժանմունքի մարմնի նախաձեռնութեամբ, կայացաւ դասախօսական երեկոյ: Դասախօսն էր Իսլ. խորհրդարանում հարաւային իրանահայութեան պատգամաւոր Ռոբերտ Բեգլարեանը, որի դասախօսութեան թեման էր Իրանի քաղաքական եւ տնտեսական հարցերը:

Նախքան դասախօութեան սկսւելը՝ Երէցների բաժանմունքի անդամ Արմիկ Աւագեանը բարի գալուստ մաղթելով ներկաներին՝ յայտնեց, որ պարբերաբար տեղի են ունենալու բաժանմունքիս տարբեր թեմաների շուրջ կազմակերպւելիք դասախօսութիւնները: Նա շնորհակալութիւն յայտնելով պրն. Բեգլարեանին՝ դասախօսութեան հրաւէրն ընդունելու համար, նրան հրաւիրեց օրւայ թեմայի շուրջ իր դասախօսութիւնն սկսելու:
130824d02aՊրն. Բեգլարեանը մտերմիկ ու հարազատ մթնոլորտում դիւրամատչելի եւ համապարփակ բացատրութիւններով ներկայացրեց Իրանի քաղաքական եւ տնտեսական իրավիճակը՝ մեկնաբանելով դրա տարբեր կողմերը:
Նա խնդրոյ առարկայ նիւթի շուրջ տարաբնոյթ տեղեկութիւններ փոխանցելով՝ իմիջիայլոց կարեւորութեամբ ընդգծեց, որ Իրանը ամէն տեսակէտից հարուստ երկիր է, ունի 80 միլիոն բնակչութիւն եւ երկրում տիրող բոլոր դժւարութիւններով հանդերձ, տարածաշրջանի միւս երկրների համեմատ, քաղաքական, տնտեսական, կրթական եւ այլ բնագաւառներում առաւել բարւոք վիճակ ունի:
Դասախօսութիւնից յետոյ՝ ներկաների կողմից թեմայի շուրջ հարցումներ ուղղւեցին դասախօսին, որոնց տրւած սպառիչ պատասխաններով աւարտւեց մէկուկէս ժամ տեւած դասախօսական երեկոն:

Հ. Մ. «Նայիրի» միութեան
Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։