Այս տարի Յիսուս Քրիստոսի Յարութեան տօնը՝ Զատիկը նշւեց մարտի 27-ին, համայն քրիստոնեայ աշխարհում, այդ թւում Հայաստանեայց Առաքելական Եկեղեցում: Յարութեան տօնը նշանաւորւեց ս. պատարգի մատուցմամբ, իրանահայ համայնքի երեք թեմերի բոլոր եկեղեցիներում:
Թեհրանում տօնի առիթով ս. պատարագ մատուցւեց բոլոր եկեղեցիներում:
«ԱԼԻՔ» - Այս տարի Յիսուս Քրիստոսի Յարութեան տօնը՝ Զատիկը նշւեց մարտի 27-ին, համայն քրիստոնեայ աշխարհում, այդ թւում Հայաստանեայց Առաքելական Եկեղեցում: Յարութեան տօնը նշանաւորւեց ս. պատարգի մատուցմամբ, իրանահայ համայնքի երեք թեմերի բոլոր եկեղեցիներում:
Թեհրանում տօնի առիթով ս. պատարագ մատուցւեց բոլոր եկեղեցիներում: Ս. Գրիգոր Լուսաւորիչ եկեղեցում օրւայ պատարագիչն էր Տ. Մակար եպս. Աշգարեանը, իսկ Ս. Թարգմանչաց եւ Ս. Վարդանանց եկեղեցիներում պատարագ մատուցեցին Կիլիկեան միաբանութեան անդամներ՝ Տ. Նորայր եպս. Աշըգեանը եւ Տ. Շնորհք վրդ. Աշըգեանը: Այլ եկեղեցիներում եւս Թեհրանի հայոց թեմի քահանաների ձեռամբ մատուցւեց ս. պատարագ: Թեհրանի Ս. Սարգիս եկեղեցում, որտեղ համախմբւած էր հոծ բազմութիւն, օրւայ առիթով ս. պատարագ մատուցեց Թեհրանի հայոց թեմի առաջնորդ Տ. Սեպուհ արք. Սարգսեանը: Թեմակալ առաջնորդը պատարագի ընթացքում քարոզելով համախմբւած հաւատացեալների համար նշեց,- «Քրիստոսի եկեղեցու անբաժանելի մաս կազմող Հայաստանեայց եկեղեցին, ինքը եւս իր հիմնադրութեան առաջին րոպէից սկսած, Քրիստոսի Հրաշափառ Յարութեան խորհրդով ապրեց եւ գործեց: Ենթարկւեց չարչարանքներին եւ մարդկանց անտարբերութեանը, երկիրը աւերւեց, եկեղեցիները քանդւեցին, սակայն ինքը որովհետեւ իր յոյսը դրել էր ժայռ Քրիստոսի վրայ, կարողացաւ վերստին վերակառուցել իր եկեղեցիները, իր քանդւած տունը, եւ վկայել նոր կեանքի»: Նոյն օրը երեկոյեան թեմակալ առաջնորդը եւ ազգային իշխանութեան ներկայացուցիչները, ազգային առաջնորդարանի դահլիճում ընդունեցին շնորհաւորանքներ: Իսկ եկեղեցական արարողութիւնից յետոյ Թեհրանի տարբեր միութիւններում տեղի ունեցաւ աւանդական հաւկթախաղ:
Յատկանշական է, որ Աւագ Շաբաթւայ եւ Ս. Յարութեան տօնի առիթով ս. պատարագ է մատուցւել իրանահայ համայնքի երկու թեմեր՝ Սպահանի եւ Ատրպատականի հայոց թեմերում:
