Հա

Համայնք

You are here:Գլխաւոր էջ»Լուրեր»Համայնք»Հայ մշակոյթի օրւան նւիրւած համատեղ միջոցառում
بانک صادرات ایران
21/11/2016 - 09:30

Հայ մշակոյթի օրւան նւիրւած համատեղ միջոցառում

Հայ մշակոյթի օրւան նւիրւած համատեղ միջոցառում

Համայնքում իրականացւող Հայ մշակոյթի տօնի ծրագրերի շարանում՝ բարձր հովանաւորութեամբ եւ ներկայութեամբ՝ Թեհրանի հայոց թեմի առաջնորդ Տ. Սեպուհ արք. Սարգսեանի, երեքշաբթի, հոկտեմբերի 25-ի երեկոյեան, Ս. Աստւածածին եկեղեցում կազմակերպւել էր բանախօսական-գեղարւեստական միասնական միջոցառում, Ս. Աստւածածին եկեղեցու շրջափակում գործող կրօնական կառոյցների եւ ազգային միութիւնների*) համագործակցութեամբ:

Համայնքում իրականացւող Հայ մշակոյթի տօնի ծրագրերի շարանում՝ բարձր հովանաւորութեամբ եւ ներկայութեամբ՝ Թեհրանի հայոց թեմի առաջնորդ Տ. Սեպուհ արք. Սարգսեանի, երեքշաբթի, հոկտեմբերի 25-ի երեկոյեան, Ս. Աստւածածին եկեղեցում կազմակերպւել էր բանախօսական-գեղարւեստական միասնական միջոցառում, Ս. Աստւածածին եկեղեցու շրջափակում գործող կրօնական կառոյցների եւ ազգային միութիւնների*) համագործակցութեամբ:
Միջոցառմանը ներկայ էին՝ Իրանում ՀՀ արտակարգ եւ լիազօր դեսպան՝ Արտաշէս Թումանեանը եւ դեսպանութեան աշխատակազմը, Թ. Հ. թեմակալ առաջնորդի փոխանորդ Տ. Մակար եպս. Աշգարեանը, Հայ Կաթողիկէ համայնքի հոգեւոր առաջնորդ Տ. Սարգիս եպս. Դաւիթեանը, Թ. Հ. Թ. Պատգամաւորական ժողովի, Թեմական խորհրդի, ազգային մարմինների ու միութիւնների ներկայացուցիչներ:
161121d03aՄիջոցառումը մեկնարկեց Լուիզա Աւետիսեանի ղեկավարութեամբ, «Ակունք» կենտրոնի սաների երգչախմբի կատարմամբ Տէրունական աղօթքով եւ նոյն սաների կատարմամբ «Մեսրոպ Մաշտոց» երգով:
Միջոցառմանը բացման խօսքով հանդէս եկաւ ճրտգ. Ռէյմոնդ Շիրզադը, որն իր խօսքերում նշեց, որ հոկտեմբեր ամսին Հայաստանում եւ բոլոր հայ գաղթօջախներում տօնում են Ս. Թարգմանչաց տօնը՝ փառաբանելով Ս. Մեսրոպ Մաշտոցին եւ Ս. Սահակ Պարթեւին: Աշխարհում բոլոր քաղաքակիրթ ժողովուրդների մօտ չկայ նման մի տօն, ոչ մի ժողովուրդ երբեք չի մտածել եւ հաւանաբար չի էլ մտածելու հայ ժողովրդի նման տօնակատարութեան մասին:
161121d03bԱյնուհետեւ օրւայ բանախօսութեամբ հանդէս եկաւ Թեհրանի հայոց թեմի առաջնորդ Տ. Սեպուհ արք. Սարգսեանը, ով իր խօսքերում նշեց, որ նախ շատ ուրախ է, որ այսօր հոծ մշակութասէր բազմութիւն կայ եկեղեցում եւ ապա արտայայտւեց հայոց Թարգմանչաց տօնի մասին՝ տալով հետաքրքիր բացատրութիւններ:
Սրբազան Հօր ելոյթից յետոյ, հանդէս եկաւ Արփի Ալավերդեանի ասմունքի խումբը, որոնք հնչեցրին հատւածներ Ասողիկի հեղինակած «Մեսրոպ Մաշտոց» պոէմից:
Ծրագրի շարունակութեան մէջ ասմունքով հանդէս եկաւ Արփի Ալավերդեանը, ներկայացնելով Սիամանթոյի «Սուրբ Մաշտոց» բանաստեղծութիւնը:
Ս. Տարօնցու խօսքերի եւ վերամշակման հիման վրայ, «Ով հայոց աշխարհ» խմբերգի անհատ կատարումով ելոյթ ունեցաւ ճրտգ. Վարուժան Եդգարեանը, իսկ Ներսէս Շնորհալիի «Առաւօտ լուսոյ» շարականով՝ Զօրիկ Ֆարհադեանը:
161121d03cՀոգեպարար ծրագրի աւարտից յետոյ, ներկաները հրաւիրւեցին Աստւածածին եկեղեցու շրջափակի Թեհրանի Հայ կանանց եկեղեցասէր միութեան սրահ, մասնակցելու օրւայ առիթով կազմակերպւած համեստ ընդունելութեանը:
Սրահում Լոռեթա Աւետիսեանի, «Զարթօնք» պարախմբից չորս պարուհիներ իրենց գեղեցիկ տարազներով ներկաներին առ ի յիշատակ տրամադրեցին հայոց այբուբենով յուշանւէրներ:
Սրահում նոյնպէս շարունակւեց օրւայ շնչով տոգորւած տարբեր ելոյթներ: Մտերմիկ մթնոլորտում խօսքեր ասացին ՀՀ արտակարգ եւ լիազօր դեսպան Արտաշէս Թումանեանը, Սրբազան Հայրը, Հայ Կաթողիկէ համայնքի հոգեւոր առաջնորդ Տ. Սարգիս եպս. Դաւիթեանը, Ուսուցիչների միութեան ատենապետուհի Անահիտ Արշակեան-Աւագեանը, Գրողների միութեան ատենապետ բանաստեղծ Վարանդն ու բանաստեղծ Մարտիրոս Օհանջանեանը: «Հայ կին» միութեան ատենապետուհի Դիանա Յովհաննիսեանը շնորհակալութիւն յայտնելով բոլորին իրենց ներկայութեան համար, առիթը պատեհ համարելով շնորհաւորեց Սրբազան Հօր տարեդարձը, մաղթելով առողջութիւն եւ ցանկանալով միշտ կենսուրախ տեսնել սիրելի Սրբազանին՝ մեր համայնքում:

Թղթակցութիւնը՝ յանձնախմբից
Լուսանկարներ՝
ՎԱՐՈՒԺԱՆ ԵԴԳԱՐԵԱՆԻՑ

______________________________________________________
*)- Գրողների, Ճարտարապետների, Ուսուցիչների եւ «Հայ Կին», Հայ կանանց եկեղեցասէր միութիւններ, «Ակունք» կենտրոն, Աստւածածին Եկեղեցու խորհուրդ, «Արտակ Մանուկեան» թանգարան

Image Gallery

View the embedded image gallery online at:
https://alikonline.ir/news/community/item/35898-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId5e980553db

Յարակից լուրեր

  • Նոր տարւայ - Նոռուզի շնորհաւորանք
    Նոր տարւայ - Նոռուզի շնորհաւորանք

    Աշխարհի բոլոր ժողովուրդները ունեն իրենց յատուկ տօնացոյցը եւ տօնացոյցում նշւած տօները: Իրանցի մեր հայրենակիցների մօտ Նոռուզն ազգային եւ ազգագրական մեծ տօն է, որի տօնակատարութեանը ուղղորդւած են բազմաթիւ ընտանեկան, ազգագրական եւ ինչու ոչ նաեւ ազգային սովորոյթներ:

  • Սրբազան Հայրն իր գրասենեակում ընդունեց Ս. Գրիգոր Լուսաւորիչ եկեղեցու խորհրդի ներկայացուցիչներին
    Սրբազան Հայրն իր գրասենեակում ընդունեց Ս. Գրիգոր Լուսաւորիչ եկեղեցու խորհրդի ներկայացուցիչներին

    Կիրակի, 5 մարտի 2023թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց Ս. Գրիգոր Լուսաւորիչ եկեղեցու խորհրդի ներկայացուցիչներին, ովքեր եկել էին Սրբազան Հօր հովանաւորութիւն եւ օրհնութիւնը խնդրելու եկեղեցու անւանակոչութեան տօնակատարութեան կապակցութեամբ, որը համընկնում է Ս. Գրիգոր Լուսաւորչի Մուտն ի Վիրապ տօնին:

  • Հանդիպում Եկեղեցական խորհուրդների ատենապետների հետ
    Հանդիպում Եկեղեցական խորհուրդների ատենապետների հետ

    Կիրակի, 5 մարտի 2023թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն, ազգային առաջնորդարանի դահլիճում հանդիպում ունեցաւ Եկեղեցական խորհուրդների ատենապետների հետ։

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի, 5 մարտի 2023թ.-ին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանն, ազգային առաջնորդարանի դահլիճում ընդունեց Ղոմի Իմամ Խոմէյնի կրթական համալիրի իսլամագիտութեան լիսանս աստիճանի ուսանողներին:

  • Ողջոյն հայ կնոջ
    Ողջոյն հայ կնոջ

    Մարտ ամսւայ առաջին ուրբաթ օրը, որ այս տարի մարտի 3-ին էր զուգադիպում է Կանանց համաշխարհային աղօթքի օր, երբ աշխարհով մէկ կանայք եկեղեցիներում, ժողովարաններում հաւաքւած ամբողջ օրը աղօթքով եւ Աստծու փառաբանութեամբ են անցկացնում։ Իսկ երկրորդ առիթը մարտի 8-ն է, Կանանց միջազգային օրը, երբ բոլորի ուշադրութիւնը մի անգամ եւս կենտրոնանում է կանանց եւ նրանց դերակատարութեան վրայ։

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ