Ամանորեայ պատգամ

Համայնք

31/12/2019 - 12:00

Սիրելի հայրենակիցներ, սիրելի իրանահայեր.

Շնորհաւորում ենք բոլորիդ Նոր տարւայ եւ Սուրբ Ծննդեան տօների առթիւ: Նոր տարին ամենաընտանեկան տօնն է բոլորիս համար, նաեւ՝ ամենասպասւածն ու բարին: Եւ թող իրականանան Նոր տարւայ հետ կապւած ձեր բոլոր բարի ցանկութիւնները, յոյսերն ու սպասումները:

Սիրելի հայրենակիցներ, սիրելի իրանահայեր.

Ցանկանում ենք, որ բոլոր ընտանիքներում Ամանորը դիմաւորեն ուրախ, բարձր տրամադրութեամբ: Ցանկանում ենք նաեւ, որ Ամանորն իսկապէս տօն լինի բոլորի համար եւ տօնի զգացումը ձեզ ուղեկցի թէ՛ տանը, թէ՛ առօրեայում: Անցնող տարին իր հետքը թողե՛ց իրանահայ պատմութեան մէջ թէ՛ քաղաքական, եւ թէ՛ տնտեսական իր վայրիվերումներով: Այսօր թող զերծ մնանք յետեւում մնացած դժւարութիւնների մասին խօսելուց:

Վստահ ենք, որ չնայած անցնող 2019 թւականի դժւարութիւններին մենք արդիւնաւէտ ու համակարգւած աշխատանքի շնորհիւ կը կարողանանք դրական տեղաշարժեր ապահովել տարբեր ոլորտներում՝ շնորհիւ բոլորիս աշխատանքի, շնորհիւ ձեր վստահութեան ու նւիրումի: Համոզւած ենք, որ այդ վստահութեամբ ու նւիրումով աշխատելու ենք նաեւ 2020-ին յանուն մեր բարեկեցութեան, ազգապահպանման եւ Հայ Դատի նորանոր յաջողութիւնների արձանագրման:

Հայ համայնք՝ դուք մեր մեծ ընտանիքն էք։ Եւ այս մեծ ընտանիքում մենք սիրով կիսում ենք բոլորիդ դժւարութիւններն ու հոգսերը, ինչպէս նաեւ ուրախութիւնն ու անկեղծօրէն միանում միմեանց ասւող բոլոր բարեմաղթանքներին:

Թող յետեւում մնան բոլոր դժւարութիւններն ու ամենօրեայ հոգսերը, թող Նոր տարին նոր յաջողութիւնների ու նոր ձեռքբերումների սկիզբ լինի, թող խաղաղութիւն ու բարօրութիւն բերի մեր երկրին ու բոլոր ընտանիքներին:

Սիրելի՛ հայրենակիցներ, սիրելի՛ իրանահայեր, կրկին շնորհաւորում ենք Ձեզ Ամանորի ու Սուրբ Ծննդեան տօների առթիւ: Մաղթում ենք Ձեզ առողջութիւն, խաղաղութիւն եւ երջանկութիւն:

ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹԵԱՆ ԽՈՐՀՐԴԱՐԱՆԻ

ՀԻՒՍԻՍԱՅԻՆ ԵՒ ՀԱՐԱՒԱՅԻՆ ԻՐԱՆԱՀԱՅՈՒԹԵԱՆ

ՊԱՏԳԱՄԱՒՈՐՆԵՐ՝

ԴՈԿՏ. ԿԱՐԷՆ ԽԱՆԼԱՐԵԱՆ

ԺՈՐԺԻԿ ԱԲՐԱՀԱՄԵԱՆ

Յարակից լուրեր

Սրբազան Հայրը ընդունեց դոկտ. Կարէն Խանլարեանին

Չորեքշաբթի, 7 յուլիսի 2021 թւականի կէսօրին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց, Իրանի Իսլ. խորհրդարանի Թեհրանի եւ հիւսիսային իրանահայութեան նախկին պատգամաւոր՝ դոկտ. Կարէն Խանլարեանին:
Գնահատանքի հանդիպում

Կիրակի սոյն թւականի մայիսի 31-ի երեկոյեան, Թեհրանի հայոց թեմի առաջնորդ գերաշնորհ Տ. Սեպուհ Ս. արք. Սարգսեանի գլխաւորութեամբ, Իրանի Իսլ. խորհրդարանում Թեհրանի եւ հիւսիսային իրանահայութեան նորընտիր պատգամաւոր՝ Արա Շահվերդեանի, թեմիս Թեմական խորհրդի ատենապետ՝ Նորայր Արամեանի եւ խորհրդի անդամների ներկայութեամբ, ազգ. առաջնորդարանի դահլիճում կայացաւ երկու նստաշրջան եւ ութ շարունակական տարիներ Իրանի Իսլ. խորհրդարանում, որպէս Թեհրանի եւ հիւսիսային իրանահայութեան պատգամաւոր ժողովրդանւէր եւ հայրենանւէր ծառայութիւն մատուցած՝ դոկտ. Կարէն Խանլարեանի գնահատանքի հանդիպումը։
Համաճարակի դէմ պայքարի շրջանակներում՝ գործող, ինչպէս նաեւ նորընտիր պատգամաւորները շարունակում են այցելել հայանիստ քաղաքամասեր

Երէկ՝ երկուշաբթի, մարտի 16-ին, դոկտ. Կարէն Խանլարեանն ու նորընտիր պատգամաւոր Արա Շահվերդեանը այցելեցին Թեհրանի Սասուն քաղաքամաս. այցի նպատակը մնում էր նոյնը՝ կորոնավիրուսի դէմ պայքարի մասին աշխատանքներն ու գործընթացը դարձնել հասարակութեան առօրեայի անբաժանելի մասը, եւ իհարկէ, ինչպէս յիշեցրեց գործող պատգամաւորը՝ միմեանց մասին տեղեկանալու կարեւորութեան փաստը:
Կորոնավիրուսի դէմ պայքարի շրջագծում` դոկտ. Կարէն Խանլարեանը շարունակում է իր հանդիպումները համայնքի հետ

Շաբաթ, մարտի 7-ի առաւօտեան, դոկտ. Կարէն Խանլարեանը շարունակելով համաճարակի դէմ պայքարի շրջագծում հասարակութեանը իրազեկ դարձնելու ծրագիրը, այս անգամ այցելեց Թեհրանի Սարդարապատ քաղաքամաս:
Համաճարակի դէմ պայքարի շրջագծում դոկտ. Կարէն Խանլարեանը շարունակում է իր հանդիպումները համայնքի հետ

Չորեքշաբթի, մարտի 4-ի առաւօտեան, դոկտ. Կարէն Խանլարեանը շարունակելով համաճարակի դէմ պայքարի շրջագծում հասարակութեան իրազեկման ծրագիրը, այցելեց Թեհրանի Զէյթուն քաղաքամաս. այցի հիմնական նպատակը քաղաքամասի բնակիչների հետ կորոնավիրուսի մասին տեղեկութիւններով փոխանակում կատարելն էր: