Հա

Համայնք

19/02/2020 - 15:00

Իրանահայ երիտասարդի առաքելութիւնը խորհրդարանական ընտրութիւններին

Եւ այսպէս, իրանահայ երիտասարդը խորհրդարանական ընտրութիւնների ֆոնին պէտք է, որ պատրաստ լինի իր ձեռքը վերցնելու ներկան եւ տէր կանգնի իր քւէով պայմանաւորւած իրաւունքներին՝ պահանջելով կազմակերպել իր ապագան հաւաստանշող գործը:

ՍԻՒՆԷ ՖԱՐՄԱՆԵԱՆ

 

Պատմութիւնը, ոչ միշտ է բարեհաճ գտնւել ժողովրդների հանդէպ իւրաքանչիւր ժողովրդի պատմութեան մէջ քիչ չեն եղել բարդութիւնները, պատերազմները, աղէտները եւ այլ արհաւիրքները:

Մենք, հայերս, այդ իմաստով, ընդգծւածներից ենք: Մեր պատմութիւնը մեծ հաշւով երբեք էլ հեշտ ու հարթ ընթացք չի ունեցել:

Այս համատեքստում, մշտապէս խնդիրներ առաջադրող եւ ժամանակ չճանաչող պատմական ընթացքի արդիական մնացող հարցը շարունակում է մնալ ազգերի գոյութեան եւ զարգացման խնդիրը, եւ ընդհանրապէս ցանկացած գոյութիւն ինքնին փաստում է ենթակայի դիմադրութեան էութեան, եւ դրա անցած պատմութեան մասին: Լինի դա ճամփի եզրին ընկած քար, աստղ կամ մոլորակ, հանրային որեւէ երեւոյթ, պետութիւն, համայնք, եւ...  իր գոյութիւնը պահպանելու, հաստատելու եւ զարգացնելու համար մի կողմից պէտք է անընդատ յարմարւի եւ դիմադրի արտաքին միջավայրի ազդեցութիւններին, միւս կողմից՝ պահպանի իր ներքին միասնութիւնը եւ բաղկացուցիչ տարրերի փոխշահաւէտ յարաբերութիւնն ու հաւասարակշռութիւնը:

Խօսքս, որոշակիօրէն հէնց Իրանում ապրող իրանահայերի՝ իրբեւ համայնք գոյատեւման, եւ դրա շուրջ ցուցաբերւող բարձր դիմադրողականութեան մասին է:

Գոյութիւն, որը տարածւել է Իրանի պատմութեան ողջ երկայնքով, որը, բնաւ էլ, պայմանաւորւած չի եղել օրւայ իշխանութեամբ եւ քաղաքական համակարգով:

Ինչեւէ, փաստը մնում է փաստ, որ Իրանի նորօրեայ պատմութիւնն իրանցի ժողովրդին, բազմաբնոյթ, բազմատեսակ մարտահրաւէրներ է դէմ տւել, պատերազմ, պատժամիջոցներ, քաղաքական տնտեսական տարատեսակ ճնշումներ ... եւ, բնականաբար, այդ ամէնն իրենց անմիջական ազեցութիւնն են թողել նաեւ մեր՝ իրանահայ համայնքի վրայ, այդ թւում՝ իրանահայ երիտասարդի գոյութեան եւ տրանսֆորմացիայի ապահովման հարցերում:

Այդուհանդերձ, հէնց այս օրերին, Իրանի Իսլ. խորհրդարանի 11-րդ նստաշրջանի ընտրութիւնների ֆոնին պատմութիւնն իր էութեամբ, կրկին խնդիր է առաջադրել մեզ առաջ քաշելով հետեւեալ հարցադրումը, թէ ինչպէս է իրանահայ համայնքը, մասնաւորապէս՝ երիտասարդութիւնը պատրաստւում ապահովել իր գոյութեան պահպանումը եւ զարգացումը ծննդավայր Իրանում, ինչպէ՞ս է դրսեւորելու իրեն խորհրդարանական ընտրութիւններում, եւ ինչպէ՞ս է պատրաստւում դիմադրել արտաքին միջավայրի ազդեցութեանը պահպանելով իր ներքին միասնութիւնը:

Հարցերի մի ամբողջութիւն, որն ի դէպ, ինքնին երկշերտ է. մի կողմից յարմարւել միջավայրին, միւս կողմից՝ յարմարեցնել միջավայրը:

Իսկ այդ հարցերի պատասխանն ինչ խօսք, նախեւառաջ պահանջում է իրավիճակային ճիշտ կողմնրոշում, որն պայմանաւորւած է նոյն այդ իրավիճակի ճիշտ գնահատմամբ:

Եւ իհարկէ, այդ հարցերի հետ միաժամանակ, ակտուալ են դառնում բազմաթիւ այլ հարցեր, ինչպիսիք են՝ համայնքային զարգացման հնարաւորութիւնների ապահովման մակարդակը, հայկական դպրոցների շուրջ հարցերը, մեզ «տրւած» ու «չտրւած» արտօնութիւնները, տնտեսական խնդիրները... այս ամէնը, նոյն այդ շարքից, եւ ոչ միայն:

Այդուհանդերձ, մինչեւ հարցերի համար պատասխան գտնելը նախ անհրաժեշտ է, ենթադրւող ճանապարհային քարտէզը դիտարկել մեր իրանահայկական ինքնութեան աշխարհագրական քաղաքական քարտէզից, իսկ յետոյ՝ յստակ ձեւակերպւած ազգային ինքնագիտակցութեան, ազգային շահի բանաձեւի, մեր համայնքային պահանջների սկզբունքների ելակէտից:

Եւ իրական գնահատականը պէտք է, որ բխի միանգամայն ինքնուրոյն եւ անկախ դիտակէտից: Այն չպէտք է խառնի իրավիճակի շուրջ առկայ ծայրայեղ տեսակէտների տարրերը, այլ ինքնուրոյն ելակէտներ առաջարկի՝ դուրս բերելով մեզ սեւ-սպիտակ ծայրայեղութիւնների միջեւ ընտրութիւն կատարելու ծուղակից:

Իսկ այդ ամէնի գիտակցումն իր հետ բերելու է մեր իրաւունքներին տէր կանգնելու կամքը՝ չմոռանալով սեփական համայնքի եւ ժողովրդի գոյութեան եւ զարգացման պայքար մղածների ջանքերը:

Եւ վերջապէս անրաժեշտ է, որ «#Ես մասնակցում եմ»-ը դառնայ մեր միասնական եւ վճռական պատասխանը պատմութեան կողմից մեզ առաջադրւած հարցադրմանը: Անհրաժեշտ է յստակեցնել, որ չենք պատրաստւում անտեսել «խորհրդարանական» մանդատատէր կոչւելու մեր ազգային ժառանգութեան իրաւունքը:

Եւ այսպէս, իրանահայ երիտասարդը խորհրդարանական ընտրութիւնների ֆոնին պէտք է, որ պատրաստ լինի իր ձեռքը վերցնելու ներկան եւ տէր կանգնի իր քւէով պայմանաւորւած իրաւունքներին՝ պահանջելով կազմակերպել իր ապագան հաւաստանշող գործը:

Քանի, որ մեզ համար արժէք է մեր ինքնութիւնը, իրանական հայրենիքը իր ժողովրդով, իր պատմութեամբ եւ մշակոյթով, որտեղ մենք շարունակելու ենք գոյատեւել եւ առաջ շարժւել երկրի պատմութեան զարգացման ձեւաւորման չընդհատւող շղթայի ողջ երկայնքով:

Անհրաժեշտ է նաեւ արձանագրել, որ Իրանում մեր գոյութեան եւ զարգացման ճանապարհին լինելու ենք առաւել միակամ ու միասնական եւ, միաժամանակ, առաւել բազմակերպ: Մենք յարմարւելու ենք Իրանի շուրջ զարգացող ամենատարբեր սցենարներին եւ յարմարեցնելու ենք միջավայրային ներկան, միեւնոյն ժամանակ պատրաստ լինելով միջավայրային անկանխատեսելի ապագային՝ յանուն մեր ժողովրդի, երկրի տարածքային ամբողջականութեան պահպանման, եւ յանուն իրանահայութեան եւ իրանահայ երիտաարդի ապագայի:

Յարակից լուրեր

  • Ինչու են անհրաժեշտ բարձր չափանիշներն ու տեսլականը
    Ինչու են անհրաժեշտ բարձր չափանիշներն ու տեսլականը

    Յաճախ կարելի է հանդիպել տեսակէտների, որոնք պնդում են թէ առաջադիմութեան, զարգացման  ե՛ւ անձնական, ե՛ւ հասարակայնութեան մակարդակի մեծ նպատակների իրագործման համար, անհրաժեշտ է մշակել տեսլական, որն իրագործելի կը լինի՝ ժամանակագրական առումով։ Ոմանք կարծում են, որ տեսլականը զուտ պատրանքի չվերածելու համար հարկաւոր է փոքրացնել այն, որպէսզի իրականալի հնչի։ Սակայն, անձամբ, բոլորովին այլ կերպ եմ մտածում։

  • Որո՞նք են «Նոր մտքի» եւ նման այլ նախաձեռնութիւնների առաքելութիւնը
    Որո՞նք են «Նոր մտքի» եւ նման այլ նախաձեռնութիւնների առաքելութիւնը

    Հ. Մ. «Արարատ» կազմակերպութեան «Նոր միտք» նախաձեռնութիւնը, շաբաթ օրը հիւրընկալելու է բանաստեղծ, թարգմանիչ Նորվան Միքայէլեանին։ Քննարկման յայտարարութիւնը, մասնաւորապէս, ընդգծում է հետեւեալ հարցն՝ ո՞ւր ենք գնում։ Համոզւած լինելով, որ միջոցառման օրը/արդիւնքում կը հնչեն այս հարցադրման համար տրամաբանական լուծումներ, այդուհանդերձ, ցանկանում եմ նախքան միջոցառումը կենտրոնանալ ոչ թէ զուտ յայտագրի տեքստում նշւած հարցադրումներին, այլ հասկանալ, թէ իրականում որն է ակնկալիքը նման նախաձեռնութիւններից։

  • Արդեօք մենք բաբըլի մէջ ե՞նք
    Արդեօք մենք բաբըլի մէջ ե՞նք

    Այն, որ Հայաստանն ու Իրանը դիմագրաւում են բարդագոյն մարտահրաւէրներ, անհերքելի փաստ է: Այդ իրականութիւնը ցաւեցնող է. որովհետեւ իր երկրի ճակատագրի համար մտահոգ ցանկացած քաղաքացի առնւազն պէտք է, կոյր լինի սեփական ժողովրդի ապրածը չտեսնելու, չզգալու, չընկալելու համար:

  • Երբ ապրումակցում են Հայրենիքին. Հարցազրոյց՝ ՀՀ ԳԱԱ Արեւելագիտութեան ինստիտուտի Իրանի բաժնի վարիչ Գոհար Իսկանդարեանի հետ
    Երբ ապրումակցում են Հայրենիքին. Հարցազրոյց՝ ՀՀ ԳԱԱ Արեւելագիտութեան ինստիտուտի Իրանի բաժնի վարիչ Գոհար Իսկանդարեանի հետ

    1999թ․ ես աշխատում եմ ՀՀ ԳԱԱ Արեւելագիտութեան ինստիտուտի Իրանի բաժնում, մինչ այսօր երբեք Իրանի բաժինը նման կերպ հիմնովին չէր վերանորոգւել եւ չէր կահաւորւել։ Գիտէք, Հայաստանի իրանագիտական դպրոցը շատ ակտիւ է, ինչպէս ՀՀ ԳԱԱ Արեւելագիտութեան ինստիտուտի Իրանի բաժնի գիտաշխատողները, այնպէս էլ ԵՊՀ Արեւելագիտութեան ֆակուլտետի Իրանագիտութեան ամբիոնի դասախօսական կազմը, ի դէպ այս երկու կառոյցներն ակտիւօրէն համագործակցում են իրար հետ։ 

  • Պայքար ընդդէմ հաւատարմութեան
    Պայքար ընդդէմ հաւատարմութեան

    Հայաստանի իշխանութիւնները սփիւռքահայերի մուտքը հայրենիք խոչընդոտում են նրանց կրած բարոյական արժէքների, հայկական ինքնութեան կառչելու եւ դրսեւորած հաւատարմութեան համար: Խոչընդոտում են, որովհետեւ, սփիւռքահայ դաշնակցական երիտասարդը եւ ոչ միայն, Սփիւռքում ապրող հազարաւոր հայ երիտասարդներ սեփական կեանքը կապել/կապում են հայկականի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։