Հա

Համայնք

15/04/2020 - 14:40

Նորընտիր պատգամաւորների միասնական աշխատանքի շնորհիւ պետական աջակցութիւն՝ հայ համայնքին

Շարունակելով կորոնավիրուսի համաճարակի կանխարգելման ուղղութեամբ ազգային իշխանութիւնների կողմից տարւող համայնքային աշխատանքների թեման, որը իմիջիայլոց աչալուրջ հետեւողականութեամբ տարւել է թէ՛ Նոռուզեան, եւ թէ՛ դրան յաջորդող հարկադրւած արձակուրդի օրերում, այսօր հեռախօսակապ հաստատեցինք Իրանի Իսլ. խորհրդարանի նորընտիր պատգամաւորներ՝ Ռոբերտ Բեգլարեանի եւ Արա Շահվերդեանի հետ:

«ԱԼԻՔ» - Շարունակելով կորոնավիրուսի համաճարակի կանխարգելման ուղղութեամբ ազգային իշխանութիւնների կողմից տարւող համայնքային աշխատանքների թեման, որը իմիջիայլոց աչալուրջ հետեւողականութեամբ տարւել է թէ՛ Նոռուզեան, եւ թէ՛ դրան յաջորդող հարկադրւած արձակուրդի օրերում, այսօր հեռախօսակապ հաստատեցինք Իրանի Իսլ. խորհրդարանի նորընտիր պատգամաւորներ՝ Ռոբերտ Բեգլարեանի եւ Արա Շահվերդեանի հետ, ովքեր միասնական աշխատանքի արդիւնքում կարողացել են բաւականին անհրաժեշտ իրեր եւ հականեխիչ միջոցներ ստանալ պետական աջակցութիւնից եւ տրամադրել համայնքին:

Երէկ երեկոյեան ազգային առաջնորդարանում կայացել է երկու պատգամաւորների հերթական խորհրդակցական հանդիպումը: Արա Շահվերդեանը փոխանցեց մեզ, որ այսօր նախատեսւած է հանդիպում Թեհրան նահանգի արեւելեան մասի հարկային ընդհանուր տնօրէնի հետ, քանի որ ստեղծւած իրավիճակում հայ արհեստաւորները, ովքեր աշխատում են այդ շրջանում կարող են բախւել հարկային խնդիրների հետ: Պատգամաւորը նման հանդիպման շնորհիւ նպատակ ունի բանակցութիւններ վարել եւ դիւրութիւններ ստեղծել արհեստաւորների համար:

Արդէն ասացինք, որ բազմապիսի աշխատանքներ են տարւել եւ ձեռքբերւած միջոցները բաժանւել են մեր հայկական կառոյցներին՝ ծերանոցներին եւ հայաբնակ շրջաններին: Բացի սա պատգամաւորները ակտիւ կապի մէջ են եղել մեր հայաբնակ քաղաքների եւ շրջանների պատասխանատուների հետ, տեղեկանալով առկայ իրավիճակի հետ կապւած հարցերին: Թեհրանում գործող միութիւնների ընթացիկ հարցերը եւս եղել ու մնում են նրանց աշխատանքային օրակարգում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։