Հա

Համայնք

15/11/2018 - 14:00

Հայաստանի Հանրապետութեան 100-ամեակին նւիրւած Ազգային հայրենասիրական երգերի փառատօնը՝ «Սուքերեան» սրահում

Հայաստանի Առաջին Հանրապետութեան 100-ամեակին նւիրւած Թեհրանի հայոց թեմի ծրագրերի շարանում երէկ նոյեմբերի 14-ի երեկոյեան Հ. Մ. Մ. «Նայիրի» միութեան «Սուքերեան» սրահում տեղի ունեցաւ Ազգային հայրենասիրական երգերի փառատօն:

«ԱԼԻՔ» - Հայաստանի Առաջին Հանրապետութեան 100-ամեակին նւիրւած Թեհրանի հայոց թեմի ծրագրերի շարանում երէկ նոյեմբերի 14-ի երեկոյեան Հ. Մ. Մ. «Նայիրի» միութեան «Սուքերեան» սրահում տեղի ունեցաւ Ազգային հայրենասիրական երգերի փառատօն:

Փառատօնի նախաձեռնութիւնը վերապահւած էր Հայաստանի Առաջին Հանրապետութեան հաստատման հարիւրամեակի Թեհրանի կենտրոնական յանձնախմբին եւ փառատօնի մեկնարկը կատարւել էր նոյեմբերի 8-ին Հ. Ուս. «Չհարմահալ» միութեան յարկի տակ:

Միջոցառումը, ոչ միայն երգերի  կատարում էր, այլեւ մեկնարկին ցուցադրւեց փաստա-վաւերագրական տեսաֆիլմ եւ ազատագրական շարժման մասին ասմունքային կատարմամբ:

Աւարտին եզրափակիչ խօսքով հանդէս եկաւ թեմակալ առաջնորդը կարեւորելով  այն հանգամանքը, որ Հայաստանի պետականութեան հաստատման 100-ամեակը կարելի չէ սեղմել մի քանի ձեռնարկներով, այլ ամեակը պէտք է ընդհանրապէս ուղեկցի մեր կեանքին, որովհետեւ հայրենիքը իր անկախութեամբ կազմում է ե՛ւ մեկնակէտը, ե՛ւ նպատակակէտը իւրաքանչիւր հայորդու:

Փառատօնը կրկնւելու է նոյեմբերի 22-ին Հ. Մ. «Սիփան» միութեան  յարկի տակ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։