Հա

Համայնք

08/12/2018 - 14:30

Մայիսեան յաղթանակի 100-ամեակին նւիրւած եզրափակիչ ծրագիր

1918 թւականին մարմնաւորւած Հայաստանի Առաջին Հանրապետութիւնը, որը այս տարի բոլորեց իր 100-ամեակը, թէ՛ Հայաստանում, եւ թէ՛ Սփիւռքում նշանաւորւեց բազմաթիւ միջոցառումներով եւ մի խօսքով հայաշխարհը նշանաւորեց յաղթանակների յաղթանակ Մայիսի 28-ը:

«ԱԼԻՔ», Կ. Դ. - 1918 թւականին մարմնաւորւած Հայաստանի Առաջին Հանրապետութիւնը, որը այս տարի բոլորեց իր 100-ամեակը, թէ՛ Հայաստանում, եւ թէ՛ Սփիւռքում նշանաւորւեց բազմաթիւ միջոցառումներով եւ մի խօսքով հայաշխարհը նշանաւորեց յաղթանակների յաղթանակ Մայիսի 28-ը:

Այդ առիթին նւիրւած միջոցառումների կազմաւորման նպատակով Թեհրանի հայոց թեմում կեանքի կոչւած Կենտրոնական յանձնախումբը նախաձեռնել է բազմաթիւ ծրագրեր, որոնցից վերջինը եւ կենտրոնականը նշւեց հինգշաբթի, դեկտ. 6-ի, երեկոյեան «Արարատ» մարզաւանի «Սասունցի Դաւիթ» սրահում: Տէրունական աղօթքով, Իրանի եւ Հայաստանի պետական հիմներգերով մեկնարկած ծրագիրը համեմւած էր դասախօսութեամբ, գեղարւեստական կատարումներով եւ փաստագրական ֆիլմի ցուցադրութեամբ, իսկ սկզբում Հ. Մ. «Սիփան» միութեան,  Հ. Մ. Մ. «Նայիրի» միութեան եւ Հ. Մ. «Արարատ» կազմակերպութեան սկաուտները գեղեցիկ համադրութեամբ սրահում ծածանեցին Եռագոյն դրօշը: Հանդիսութեանը կազմակերպիչ  յանձնախմբի անունից ողջոյնի խօսք ասաց Արտոյտ Զոհրաբեանը, ով նաեւ հանդէս եկաւ ասմունքով:

Միջոցառմանը որպէս դասախօս էր հրաւիրւել Հայաստանից պատմական գիտութիւնների դոկտոր, պրոֆ. Աշոտ Ներսիսեանը, ով անդրադարձաւ Մայիսեան յաղթանակին յանգեցրած, ժամանակի պատմական գործընթացներին, որոնք արդիւնքն էին ռազմական եւ դիւանագիտական քայլերի եւ շեշտեց Արամ Մանուկեանի անժխտելի դերը, որպէս ղեկավարի, ով համախմբեց բոլոր ուժերին: 

Նա ներկայացրեց այդ յաղթանակի եւ Հայաստանի Առաջին Հանրապետութեան երկամեայ կեանքից եւ վախճանին յանգեցրած պայմաններից ներկայի համար քաղելիք դասերը, եւ շեշտեց, որ հայ ժողովուրդը, երբ հաւատացել է իր ուժերին նման, յաղթանակներ է արձանագրել, ինչպէս այսօր Արցախի ազատագրումը: Դասախօսը ընդգծեց, որ եթէ չլինէր Հայաստանի Առաջին Հանրապետութիւնը, չէր լինի ներկայ Հանրապետութիւնը եւ ընդգծեց, որ այսօր Հայաստանի ու Արցախի ազգային անվտանգութիւնը շաղկապւած են մէկը միւսով եւ կարեւորութեամբ անդրադարձաւ Հայաստանի պետականութեան ամրապնդմանը:

Միջոցառման գեղարւեստական յայտագիրը իրականացրին Հայաստանից ժամանած երգչուհի Լիլիթ Եղիազարեանը եւ երգիչ Պօղոս Աբէլեանը, պարային կատարումներով հանդէս եկան Հ. Մ. Մ. «Նայիրի» միութեան եւ Հ. Մ. «Արարատ» կազմակերպութեան խմբերը:

 Եզրափակիչ խօսքի համար հրաւիրւեց Թ. Հ. թեմի առաջնորդ Տ. Սեպուհ արք. Սարգսեանը եւ անդրադառնալով Մայիսեան յաղթանակին ընդգծեց, որ հայ ժողովուրդը իր միասնակամութեամբ ու հաւատքով կերտեց անկարելին: Թեմակալ առաջնորդն ընդգծեց, որ այսօր մենք 100-ամեակի տօնակատարութեամբ մեր գիտակցութեան մէջ վերակենդանացնում ենք մեր առաքելութիւնը, որպէս ժողովուրդ, որը հետեւեալն է՝ մենք պահանջատէր ժողովուրդ ենք: Սրբազան Հայրը կարեւորեց, որ մենք մեր գիտակցութեան մէջ վառ պահենք մեր իրաւունքներին վերատիրանալու գաղափարը եւ չխնայել ոչինչ Հայաստանի ու Արցախի հզօրացման ուղղութեամբ:

Հանդիսութեանը ներկայ էին՝ Իրանում ՀՀ դեսպանութեան դիւանագիտական կազմը, Իսլ. խորհրդարանում իրանահայութեան երկու պատգամաւորները, Մեծի Տանն Կիլիկիոյ կաթողիկոսութեան ազգային Կենտրոնական վարչութեան Քաղաքական ժողովի  անդամ՝ Թովմաս Թովմասեանը, ազգային իշխանութեան, «Ալիք» հաստատութեան ներկայացուցիչներ, Իրանում կրօնական յարանւանութիւնների հոգեւոր հայրերը, Տ. Մեղրիկ եպս. Բարիքեանը, ազգային մարմինների ու միութիւնների ներկայացուցիչներ: Աւարտին հնչեց «Սարդարապատ» քայլերգը: 

Յարակից լուրեր

  • Հաղորդագրութիւն
    Հաղորդագրութիւն

    Առ ի գիտութիւն յայտնում ենք, Թեհրանի թեմի մեր սիրելի ժողովրդի զաւակներին, որ հրաւէրով թեմիս առաջնորդ գերշ. Տ. Սեպուհ Ս. արք. Սարգսեանի եւ ներկայութեամբ Պատգամաւորական ժողովի դիւանի ամբողջական կազմի, Պատգամաւորական ժողովի կողմից ընտրւած թեմիս գործադիր իշխանութեան կազմերը՝ Կրօնական, Թեմական խորհուրդներն ու Հաշւեքննիչ մարմինը իրենց անդրանիկ նիստերը առանձնաբար գումարեցին 2019 թւականի  մայիսի 29-ին, ազգային առաջնորդարանում եւ ընտրեցին իրենց դիւանները հետեւեալ կազմերով.-

  • Համբարձման տօնակատարութիւն
    Համբարձման տօնակատարութիւն

    Մեր եկեղեցու տօնացոյցի համաձայն, թւականիս հինգշաբթի մայիսի 30-ը մեր Տիրոջ Յիսուս Քրիստոսի երկինք Համբարձման տօնն էր:

    Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք համբարձման տօնի առիթով սուրբ պատարագ:

  • Ճրագալոյցի եւ Ս. Յարութեան պատարագները Թեհրանի եկեղեցիներում
    Ճրագալոյցի եւ Ս. Յարութեան պատարագները Թեհրանի եկեղեցիներում

    Քրիստոսի մահը եւ Նրա մեռելներից յարութիւնը կազմում են քրիստոնէական կրօնի ու հաւատի գլխաւոր երկու սիւները:

    Քրիստոսի հրաշափառ Յարութեան ուրախ տօնի առիթով, թւականիս շաբաթ 20 ապրիլի երեկոյեան Թեհրանի բոլոր եկեղեցիներում տեղի ունեցաւ Ճրագալոյցի պատարագը, հաւատացեալների հոծ բազմութեամբ եւ ներկայութեամբ:

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թեհրանի հայոց թեմի երիտասարդները մասնակցեցին միջազգային միջեկեղեցական երիտասարդական համագումարին
    Թեհրանի հայոց թեմի երիտասարդները մասնակցեցին միջազգային միջեկեղեցական երիտասարդական համագումարին

    22-26 մարտին, Միջին Արեւելքի Եկեղեցիների խորհուրդի, Լիբանանի եկեղեցիների եւ Թեզէի միաբանութեան կազմակերպութեամբ, Լիբանան հիւրընկալեց Միջազգային միջեկեղեցական երիտասարդական մի համագումար, որին իրենց մասնակցութիւնը բերին 44 երկրներից ժամանած առաւել քան 1600 երիտասարդներ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։