Հա

Համայնք

02/02/2019 - 14:50

Մեծարանքի երեկոյ նւիրւած ազգային-հասարակական գործիչ, բարերար Լեւոն Ահարոնեանին

Հ. Մ. «Արարատ» կազմակերպութեան «Կոմիտաս» սրահը յունւարի 31-ին բազմամարդ էր, քանզի համախմբւած էին ոչ միայն իրանահայ համայնքի, այլ նաեւ Իրանի պետական շրջանակների ներկայացուցիչները, մասնակից դառնալու իրանահայ ազգային-հասարակական գործիչ, բարերար Լեւոն Ահարոնեանի մեծարման հանդիսութեանը:

«ԱԼԻՔ», Կ. Դ. - Հ. Մ. «Արարատ» կազմակերպութեան «Կոմիտաս» սրահը յունւարի 31-ին բազմամարդ էր, քանզի համախմբւած էին ոչ միայն իրանահայ համայնքի, այլ նաեւ Իրանի պետական շրջանակների ներկայացուցիչները, մասնակից դառնալու իրանահայ ազգային-հասարակական գործիչ, բարերար Լեւոն Ահարոնեանի մեծարման հանդիսութեանը:

«Ալիք» հաստատութեան կողմից կեանքի կոչւած յանձնախմբի նախաձեռնութեամբ կազմակերպւած հանդիսութեանը, որը ի դէպ յագեցած էր նաեւ գեղարւեստական յայտագրով, համայնքի ազգային-հասարակական եւ պետական շրջանակների ներկայացուցիչները իրենց ելոյթների ընդմիջից վեր հանեցին Լեւոն Ահարոնեանի հարուստ եւ բեղուն կենսագրութիւնից, այնպիսի տւեալներ, որոնց միջոցով ներկայացւում էր Թեհրանի հայկական համայնքի անցեալ 40 տարիների պատմական անցեալը հիմքում՝ Իրանի տնտեսական վերելքին եւ Իրան-Հայաստան յարաբերութիւններին առնչւող թեմաներ:

Յոբելեարի 50-ամեայ բազմաբեղուն կենսագրութիւնը ներկայացնող տեսաֆիլմի ցուցադրութիւնից յետոյ հրաւիրւեց իր խօսքը փոխանցելու Լեւոն Ահարոնեանը, ով վեր հանեց իր ժամանակի ատենապետութեամբ Թ. Հ. Թ. Թեմական խորհրդի շրջանից այնպիսի դրւագներ, որոնք իրենց ուրոյն տեղն են զբաղեցնում համայնքի պատմական կեանքում:

Միջոցառման հաղորդավար Արտոյտ Զոհրաբեանի միջոցով հրաւիրւեցին յոբելեարին իրենց խօսքը փոխանցելու նրա հետ գործակցած, Թ. Հ. Թ. Թեմական խորհրդի ժամանակի ատենապետ դոկտ. Աիդա Յովհաննիսեանը, Իսլ. խորհրդարանի Թեհրանի եւ հիւսիսային իրանահայութեան ժամանակի պատգամաւոր ճրտգ. Վարդան Վարդանեանը, Իսլ. մշակոյթի եւ առաջնորդութեան նախարարութեան կրօնական փոքրամասնութիւնների հիմնարկի պատասխանատու Սայիդ Թաղաւին, Իրանում Հայաստանի Հանրապետութեան արտակարգ եւ լիազօր դեսպան Արտաշէս Թումանեանը, Թ. Հ. Թ. Թեմական խորհրդի ատենապետ Ռոբերտ Բեգլարեանը, «Ալիք» հաստատութեան ներկայացուցիչ Սուրիկ Աբնուսեանը, վերջում եզրափակիչ խօսքը փոխանցեց Թեհրանի հայոց թեմի առաջնորդ Տ. Սեպուհ արք. Սարգսեանը:

Գեղարւեստական յայտագրում ելոյթով հանդէս եկաւ Արցախից հրաւիրւած «Գանձասար» խումբը, դաշնամուրային կատարումներով Արփինէ Իսրայէլեանը, իսկ երգչախմբային կատարումով «Հայ կին» միութեանը կից «Անահիտ» միութեան «Զւարթնոց» երգչախումբը Էդիկ Թամրազեանի ղեկավարութեամբ:

 Աւարտին յոբելեարին յանձնւեցին յուշանւէրներ՝ «Ալիք» հաստատութեան, Թեմական խորհրդի, Իսլ. մշակոյթի եւ առաջնորդութեան նախարարութեան, Իրան-Հայաստան Արեւտրի պալատի կողմից: Ներկաներին տրամադրւում էր «Ալիք» հաստատութեան միջոցով պատրաստւած ալբոմ-գրքոյկը, որը ներկայացնում էր 90-ամեայ յոբելեարի ազգային-հասարակական եւ բարեսիրական գործունէութիւնը:

Յարակից լուրեր

  • Իրանահայ ազգային-հասարակական գործիչ եւ բարերար՝ պրն. Լեւոն Ահարոնեանը հանդիպեց Սրբազան Հօրը
    Իրանահայ ազգային-հասարակական գործիչ եւ բարերար՝ պրն. Լեւոն Ահարոնեանը հանդիպեց Սրբազան Հօրը

    Երեքշաբթի, 5 փետրւար 2020 թւականի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց իրանահայ ազգային-հասարակական գործիչ եւ բարերար՝ պրն. Լեւոն Ահարոնեանին եւ պրն. Նժդէ Ասլանեանի անձնական ներկայացուց՝ դոկտ. Մոմէնիին:

  • Հ. Մ. Մ. «Նայիրի» միութեան նախաձեռնութեամբ՝ մեծարանքի երեկոյ նւիրւած արւեստագէտ Սեդրակ Նազարեանին
    Հ. Մ. Մ. «Նայիրի» միութեան նախաձեռնութեամբ՝ մեծարանքի երեկոյ նւիրւած արւեստագէտ Սեդրակ Նազարեանին

    70-ամեայ բեղմնաւոր աշխատանքի մեծարումը այն արւեստագէտի, ով իր գեղանկարչական գործերով ու պատմական որմնանկարչութիւններն ու գեղանկարչութիւնները վերանորոգելով իր անմնացորդ ծառայութիւններն է բերել հայ ժողովրդի, եւ ի մասնաւորի՝ իրանահայ համայնքի պատմական կոթողների պահպանման ուղղութեամբ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Չորեքշաբթի, 18 դեկտեմբեր, 2019 թւականի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց, գաղութիս յարգարժան ազգայիններից, բարերար եւ Կիլիկեան Իշխան տիար՝ Լեւոն Ահարոնեանին, որին ընկերակցում էր պրն. Միր Ղասէմի Մոմէնին:

  • ԿՈՉ
    ԿՈՉ

    2020 թւականին լրանում է վաստակաշատ ազգային-հասարակական եւ կուսակցական գործիչ՝ Թաթուլ Օհանեանի ծննդեան 85-ամեակը եւ գործունէութեան 65-ամեակը։

  • Առաջնորդարանի այցելուներ
    Առաջնորդարանի այցելուներ

    Չորեքշաբթի, 17 ապրիլ 2019 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց իրանահայ ազգային-հասարակական գործիչ եւ բարերար՝ պրն. Լեւոն Ահարոնեանին եւ գործարար՝ պրն. Րաֆֆիկ Ազարեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։