Հա

Համայնք

19/02/2019 - 08:00

Հանդիսաւոր ս. պատարագ եւ մատաղօրհնէք՝ Ս. Սարգիս Զօրավարի տօնի առիթով

Շաբաթ, 16 փետրւարին, Ս. Սարգիս Զօրավարի եւ իր որդու՝ Մարտիրոսի, նաեւ 14 զինակիցների յիշատակի տօնի առիթով, մատուցւեց հանդիսաւոր ս. եւ անմահ պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանը: Սոյն տօնը նաեւ անւանակոչութեան տօնն է Ս. Սարգիս առաջնորդանիստ մայր եկեղեցու:

Շաբաթ, 16 փետրւարին, Ս. Սարգիս Զօրավարի եւ իր որդու՝ Մարտիրոսի, նաեւ 14 զինակիցների յիշատակի տօնի առիթով, մատուցւեց հանդիսաւոր ս. եւ անմահ պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանը: Սոյն տօնը նաեւ անւանակոչութեան տօնն է Ս. Սարգիս առաջնորդանիստ մայր եկեղեցու: 

Քարոզից առաջ, Ս. Միւռոնով օծւեց Ս. Սարգիս Զօրավարի նկարը, որը նւիրւել է եկեղեցուն Աշգարեան ընտանիքի կողմից ի յիշատակ Հայկազ Աշգարեանի: 

Սրբազան Հայրն իր քարոզի ընթացքին ասաց՝ «Ս. Սարգիսը, իր որդին եւ իր նահատակ ընկերները հանդիսացան այն անձինք, որոնք հաւատացին Քրիստոսին եւ իրենց հաւատքը չմնաց միայն խօսք եւ արտայայտութիւն: Նրանք երբ ասացին հաւատում ենք Քրիստոսին, իրօք հաւատացել էին եւ արհամարհելով ամէն տեսակի դժւարութիւն, խոչընդոտ եւ արհամարանք, իրենց կեանքը ամբողջութեամբ նւիրաբերեցին Քրիստոսին, որովհետեւ մի անգամ խոստովանել էին նրան որպէս Տէր եւ Փրկիչ»: 

Իր քարոզի մի այլ բաժնում Սրբազան Հայրը խօսելով սրբերի մասին, շեշտեց՝ «Սուրբն այն մարդն է, որ նախ ունի մարդկային կոչում եւ քրիստոնէական հաւատքին հաւատարիմ ապրում է եւ գործում: Սուրբն է այն, որ իր գործի մէջ պարկեշտ եւ ազնիւ է, որ իր առաքելութիւնը կատարում է ամենայն բծախնդրութեամբ եւ հաւատարմութեամբ, իր աղօթքով Ասծուն է փառաբանում յարատեւ կերպով, Աստծու խօսքով է իր օրն սկսում եւ նրանով իր օրը արժեւորում է եւ փառաւորում, իր աչքերը միշտ երկինք յառած Աստծուց առաջնորդութիւն է հայցում, որպէսզի չսայթաքի իր երկրաւոր կեանքում: Սուրբն նա է, որ Քրիստոսի սիրով լցւած, նախանձով չի դիտի իր նմանին, չի հպարտանայ, ուրիշի ունեցածին աչք չի դնի եւ ամենից կարեւորը՝ իր նմանին կը սիրի իր անձի պէս»: 

Սրբազան Հայրն բացատրելով սրբերի նկարների մասին աւելացրեց՝ «Մեր ժողովուրդն իր հայրենի նահատակների եւ կրօնական ճշմարտութեան համար զոհւածների յուշարձաններն է կառուցում, երկրի վրայ նաեւ անմահացնելու իրենց յիշատակը: Ամէն անգամ մենք նայելով այդ սրբապատկերներին, պատկերից այն կողմ սուրբի կեանքը եւ հաւատքն ենք տեսնում: Երբ կանգնում ենք սրբերի պատկերի առաջ, ոչ թէ նիւթեղէնն ենք տեսնում եւ պաշտում, այլ սուրբի հաւատքն ենք պատկերացնում, իր անասելի չարչարանքները, որը տարաւ ի սէր Քրիստոսի հաւատքին»: 

Պատարագի աւարտին, եկեղեցու բակում տեղի ունեցաւ մատաղի (հարիսայի) օրհնութիւն եւ ապա հոգեհանգստեան արարողութիւն եկեղեցու հիմնադիր բարերարների՝ Սարգսեան ընտանիքի մահացած անդամների հոգիների խաղաղութեան համար, առողջութիւն ու Աստւածային առաջնորդութիւն մաղթելով իրենց զաւակներին եւ թոռներին: 

Այնուհետեւ, օրհնւած աւանդական հարիսան բաժանւեց բոլոր հաւատացեալներին: 

Նոյն օրը, ճաշին, այս տօնի առիթով, Ս. Սարգիս եկեղեցու խորհուրդը, Հ.Բ.Ը. միութեան սրահում, ճաշկերոյթ էր կազմակերպել, քահանայաց դասի, Թեհրանի բոլոր եկեղեցիների խորհրդների անդամների, դպրաց դասի եւ Ս. Սարգիս եկեղեցու բարերարների համար: 

Յայտնենք նաեւ Ս. Սարգսի տօնին նախորդող ամբողջ շաբաթ, երեկոները, Ս. Սարգիս առաջնորդանիստ եկեղեցում տեղի ունեցաւ հսկում եւ ժամերգութիւն քահանայ հայրերի կողմից: 

Ազգային առաջնորդարանի Հանրային կապ

Յարակից լուրեր

  • Շնորհաւոր Նոռուզ եւ խաղաղութիւն բոլորիդ
    Շնորհաւոր Նոռուզ եւ խաղաղութիւն բոլորիդ

    Նոր տարւայ - Նոռուզի - տօնական այս օրերին, երբ աշխարհը կորոնավիրուսի առաջացրած համաճարակի պատճառով տագնապի է մատնւած, մենք աղօթախառն ու անկեղծ զգացումներով շնորհաւորում ենք իրանցի մեր հայրենակիցներին եւ բոլորին մաղթում առողջութիւն, յաջողութիւն եւ արեւշատ երկար կեանք։

  • ՏԵՂԵԿԱՆՔ
    ՏԵՂԵԿԱՆՔ

    Ի հետեւումն աշխարհում տիրող տագնապահար վիճակին, կորոնավիրուսի ստեղծած համաճարակի եւ նրա առաջացրած հետեւանքների եւ նկատի ունենալով Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի կոչն ու Ազգային Կենտրոնական վարչութեան Կրօնական ժողովի որոշումները, երեքշաբթի 17 մարտ 2020-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանի հրաւէրով ազգային առաջնորդարանի դահլիճում գումարւեց Կրօնական եւ Թեմական խորհուրդների դիւանների եւ Քրիստոնէական դաստիարակութեան բաժանմունքի պատասխանատուի համատեղ նիստ:

  • Համբերութեամբ դիմագրաւենք ամէն տեսակի դժւարութիւնները
    Համբերութեամբ դիմագրաւենք ամէն տեսակի դժւարութիւնները

    Այս օրերին ողջ աշխարհը բռնւած է կորոնավիրուսի պատճառած համաճարակ հիւանդութեամբ։ Չինաստանից ծայր արած, արագավազ նժոյգի նման, արշաւում է, ամէն տեղ ահ ու սարսափ տարածելով. պետութիւններն ու միջազգային կազմակերպութիւնները ի տես եւ ի լուր այս նոր տեսակ Աժդահակի հնարաւոր ամէն միջոցի են դիմում նրա առթող վնասը նւազագոյնի իջեցնելու։

  • Ողջոյն հայ կանանց
    Ողջոյն հայ կանանց

    Մեր ժողովրդի պատմութեան իսկ վկայութեամբ հայ կինը իր առաքինութեամբ, հաւատարմութեամբ, անձնուրացութեամբ, հայրենասիրութեամբ, քրիստոնէական հաւատքով, ծնողական գուրգուրանքով եղել է եւ է օրինակելի եւ զօրութեան ու ներշնչման աղբիւր։

  • 2020 թւականի առաջին Արեւագալի արարողութիւն Ս. Սարգիս եկեղեցում
    2020 թւականի առաջին Արեւագալի արարողութիւն Ս. Սարգիս եկեղեցում

    Երեքշաբթի, 25 փետրւարի 2020 թւականին Թեհրանի Ս. Սարգիս Մայր Եկեղեցում, առաւօտեան ժամը 9։30-ին, նախագահութեամբ թեմիս բարեխնամ առաջնորդ Տ. Սեպուհ Ս. սրք. Սարգսեանի ու հոգեւոր դասի մասմակցութեամբ եւ աղօթակցութեան հաւատացեալ ժողովրդի՝ սկսւեց Մեծ պահքի հաւաքական Արեւագալի ժամերգութիւնը, որը յետայսու իւրաքանչիւր երեքշաբթի, հերթաբար պիտի տեղի ունենայ թեմիս ծխական եկեղեցիներում իսկ չորեքշաբթի եւ ուրբաթ օրերին էլ առաւօտեան ճշտւած ժամերին կը կատարւի նոյն ժամերգութիւնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։