Հա

Համայնք

18/05/2019 - 16:30

«Հայ կին» միութեան 80-ամեակի հանդիսութիւնը եւ «Ականաւոր իրանահայուհիներ» գրքի շնորհանդէսը

80 երկար ու ձիգ տարիներ է, ինչ Թեհրանի հայ համայնքում իր ազգանւէր բազմաբովանդակ աշխատանքներով իր ուրոյն տեղն ու դիրքն է զբաղեցնում «Հայ կին» միութիւնը:

«ԱԼԻՔ», Կ. Դ. - 80 երկար ու ձիգ տարիներ է, ինչ Թեհրանի հայ համայնքում իր ազգանւէր բազմաբովանդակ աշխատանքներով իր ուրոյն տեղն ու դիրքն է զբաղեցնում «Հայ կին» միութիւնը:

Միութեան 80-ամեակի առիթով միութեան նախաձեռնութեամբ կազմակերպւած իւրայատուկ հանդիսութիւնը եւ միութեան կողմից հրատարակւած «Ականաւոր իրանահայուհիներ» գրքի շնորհանդէսը կատարւեց երէկ, մայիսի 17-ի երեկոյեան, Հ. Մ. «Արարատ» կազմակերպութեան «Կոմիտաս» սրահում, մեծ թւով հրաւիրեալների մասնակցութեամբ:

Միջոցառմանը ընթերցւեց Ն.Ս.Օ.Տ.Տ. Արամ Ա Վեհափառ Հայրապետի ոսկետառ Կոնդակը:

Հանդիսութիւնը մէկտեղւած էր միութեան կազմաւորումը եւ ծաւալած գործունէութիւնը արտացոլող ռադիոբեմադրութեամբ, բացման խօսքով, ուղերձների ընթերցումով, երգերի եւ երաժշտական կատարումներով, պարային կտորների ներկայացմամբ, միութեան վաստակաւոր անդամուհիներին գնահատելով, իսկ հանգուցեալ անդամուհիների յիշատակը մեծարելով:

Միջոցառումը իր մատուցմամբ իւրայատուկ էր, քանի որ միութեան կողմից ժամանակին լոյս ընծայւած «Հայուհին եւ իր տարազներ» գրքից մի քանի հայուհիներ տւեալ տարազներով մուտք գործեցին դահլիճ:

Ընթացքում Թ. Հ. թեմի առաջնորդ Տ. Սեպուհ արք. Սարգսեանի եւ Իրանում ՀՀ արտակարգ եւ լիազօր դեսպան Արտաշէս Թումանեանի ձեռամբ կատարւեց «Ականաւոր իրանահայուհիներ» գրքի շնորհանդէսը եւ յուշանւէրներ յանձնւեց: Եզրափակիչ խօսքով հանդէս եկաւ Սրբազան Հայրը:

Յարակից լուրեր

  • Այցելութիւն՝ ազգային առաջնորդարան
    Այցելութիւն՝ ազգային առաջնորդարան

    Շաբաթ, 15 փետրւարի 2020 թ.-ի կէսօրին, թեմիս առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց, Սրբոց Վարդանանց եկեղեցու Եկեղեցական խորհրդի ատենապետուհիին եւ ատենադպրուհիին:

  • Տեառնընդառաջի տօնակատարութիւն եւ երեխաների ընծայում՝ Թեհրանի եկեղեցիներում
    Տեառնընդառաջի տօնակատարութիւն եւ երեխաների ընծայում՝ Թեհրանի եկեղեցիներում

    Առաքելական եկեղեցում այդ օրը Տեառնընդառաջի տօնը, տօնն է նաեւ ՀԱՅ ՄԱՆԿԱՆ եւ ծնողները իրենց նորածին զաւակներին եկեղեցի են բերում որպէսզի յընթացս եկեղեցական արարողութեան նորածինների տաճարն ընծայման խորհրդաւոր կարգն ընդունեն:

  • Ողջոյն սուրիական խորհրդարանին եւ սուրիացի ազնիւ ժողովրդին
    Ողջոյն սուրիական խորհրդարանին եւ սուրիացի ազնիւ ժողովրդին

    Ողջունում ենք Սուրիական խորհրդարանի միաձայնութեամբ Հայոց Ցեղասպանութիւնը ճանաչելուն եւ այն դատապարտելու պատմական եւ արդար որոշումին առիթով։

  • Հանդիսաւոր ս. պատարագ եւ մատաղօրհնէք՝ Ս. Սարգիս Զօրավարի տօնի առիթով
    Հանդիսաւոր ս. պատարագ եւ մատաղօրհնէք՝ Ս. Սարգիս Զօրավարի տօնի առիթով

    Ս. Սարգիս Զօրավարի եւ իր որդուն՝ Մարտիրոսի տօնի առիթով, հինգշաբթի եւ ուրբաթ, 6 եւ 7 փետրւար 2020 թ.-ի երեկոյեան Ս. Սարգիս եկեղեցում կատարւեց հսկումի արարողութիւն եւ շաբաթ 8 փետրւար 2020 թ.-ին մատուցւեց հանդիսաւոր ս. եւ անմահ պատարագ Ս. Սարգիս եկեղեցում. արարողութեանը նախագահեց թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանը եւ յաւուր պատշաճի քարոզեց արժ. Տ. Սարգիս քհնյ. Խոսրովեանը:

  • Վարանդի «Բերդաքաղաքը» գրքի շնորհանդէսը
    Վարանդի «Բերդաքաղաքը» գրքի շնորհանդէսը

    Իրանահայ գրողների միութեան հերթական ձեռնարկների շարանում, հինգշաբթի, յունւարի 30-ին, «Ռոստոմ» մշակութային համալիրում, տեղի ունեցաւ 2018-ին Երեւանում լոյս տեսած բանաստեղծ Վարանդի «Բերդաքաղաքը» կամ «Շանթն Իրանում» վէպ-պոէմի շնորհանդէսը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։