Հա

Համայնք

09/07/2019 - 14:30

«Պատմութիւն վասն ազգի նետողաց» գրքի պարսկերէն թարգմանութեան հրատարակութեան շնորհանդէսը՝ «Նայիրի» հրատարակչութեան կենտրոնում

Երէկ՝ յուլիսի 8-ի երեկոյեան, «Նայիրի» հրատարակչութեան կենտրոնում տեղի ունեցաւ 13-րդ դարի պատմաբան Գրիգոր Ակներցու «Պատմութիւն վասն ազգի նետողաց» գրքի պարսկերէն թարգմանութեան շնորհանդէսը: Գիրքը հետագայում կոչւել է նաեւ «Պատմութիւն թաթարաց»:

«ԱԼԻՔ», Կ. Դ. - Երէկ՝ յուլիսի 8-ի երեկոյեան, «Նայիրի» հրատարակչութեան կենտրոնում տեղի ունեցաւ 13-րդ դարի պատմաբան Գրիգոր Ակներցու «Պատմութիւն վասն ազգի նետողաց» գրքի պարսկերէն թարգմանութեան շնորհանդէսը: Գիրքը հետագայում կոչւել է նաեւ «Պատմութիւն թաթարաց»:

Պատմա-փաստագրական գիրքը պարսկերէնի է թարգմանել Իրանահայ գրողների միութեան վարչութեան նախագահ եւ թարգմանիչ Գարուն Սարգսեանը: Գրքի շնորհանդէսի բանախօսներ էին՝ Թեհրանի Պետական համալսարանի պատմութեան ֆակուլտետի դասախօս դոկտ. Գուդարզ Աշթիանին եւ «Ալիք» կայքէջի պատասխանատու խմբագիր Արամ Շահնազարեանը:

Նախ գրքի հրատարակիչ «Նայիրի» հրատարակչութեան պատասխանատու Արտոյտ Զոհրաբեանը ողջունելով հիւրերին, անդրադարձաւ գրքի տպագրմանը եւ ընդհանրապէս «Նայիրի» հրատարակչութեան աշխատանքներին, ապա հրաւիրեց օրւայ առաջին բանախօս դոկտ. Աշթիանիին:

Նա անդրադառնալով գրքի պատմական տւեալներին, կարեւորեց նման գրքերի թարգմանութիւնը, որոնք լուսաբանում են ոչ միայն երկու երկրների, այլ նաեւ Կովկասի մասին պատմական տւեալներ: Բանախօսը ընդգծեց, որ յիշեալ գրքի շնորհիւ կարելի է լրացնել 13-րդ դարի եւ մոնղոլական արշաւանքների այդ ժամանակաշրջանի մասին տւեալների բացը: Նա յաւելեց, որ գրքում մոնղոլների կենցաղի ու վարք ու բարքիվերաբերեալ այնպիսի գրառումներ կան, որոնց մասին չես տեսնի ուրիշ աղբիւրներում: Նա կարեւորեց թարգմանչի մանրակրկիտ թարգմանութիւնը եւ աւելացրած տողատակերը, որոնք գալիս են աւելի լուսաբանելու գրքի բովանդակութիւնը:

Օրւայ երկրորդ բանախօս Արամ Շահնազարեանը իր ելոյթի ընդմիջից վեր հանեց իրանական ու հայկական մշակութային համընդհանրութիւնները, եւ նշեց, որ քիչ չեն այն հայ պատմաբանները, որոնց ստեղծագործութիւններում անդրադարձ կայ Իրանի պատմական տւեալներին, քանի որ երկու հարեւան ժողովուրդների պատմա-մշակութային ընդհանրութիւնները բազմաթիւ են եւ անքակտելի: Նա կարեւորեց նման աղբիւրների անհրաժեշտութիւնը տեղեկատւութեան դաշտի բացը լրացնելու առումով:

Վերջում գրքի մասին խօսեց թարգմանիչ Գարուն Սարգսեանը, ընդգծելով, որ հինգ դրդապատճառներից ելնելով է թարգմանել գիրքը, նախ պատմական տւեալների հանդէպ սէրը, երկրորդ՝ այն, որ Գրիգոր Ակներցին հէնց այդ ժամանակաշրջանի պատմիչ է, երրորդ հանգամանքը հետեւեալն է, որ առանց շեղումների այն միայն մոնղոլների մասին է, ներկայացնելով նրանց կենցաղը եւ կատարած արշաւանքները, չորրորդ հանգամանքը հակառակ այլ պատմիչների, որոնք գրել են հայոց պատմութիւնը եւ դրա ընդմիջից անդրադարձել մոնղոլներին, նա ուղղակի անդրադարձել է նրանց եւ հինգերորդ հանգամանքը հետեւեալը համարեց, որ մեծ իրանագէտ Ռիչարդ Ֆրայը խիստ կարեւորել է այս գիրքը եւ այն Ռաբըրտ Բլէյքի հետ միասին ժամանակինթարգմանել անգլերէնի: Վերջում գրքի եւ թարգմանչի մասին խօսեց իրանահայ բանաստեղծ Վարանդը:

Հանդիսութեանը ներկայ էին՝ Իսլ. մշակոյթի եւ առաջնորդութեան նախարարութեան կրօնական փոքրամասնութիւնների բաժնի նորանշանակ պատասխանատու Միրդեհղանին, Ալիփուրը եւ այլ պատասխանատուներ, իրանահայ ռեժիրոր Վարուժ Քարիմ Մասիհին, նաեւ գրականասէրներ:

Image Gallery

View the embedded image gallery online at:
https://alikonline.ir/news/community/tehran/item/55640-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIdd475873bba

Յարակից լուրեր

  • Պահպանելով հայ մշակոյթի դարաւոր պատմութիւնը. լոյս է տեսել Շերլի Աւետեանի «Իրանի հայկական եկեղեցիները» գիրքը
    Պահպանելով հայ մշակոյթի դարաւոր պատմութիւնը. լոյս է տեսել Շերլի Աւետեանի «Իրանի հայկական եկեղեցիները» գիրքը

    Հայկական մշակոյթի ակունքները գալիս են դեռեւս հայկական ցեղային միութիւնների ու պետական կազմաւորումների ժամանակներից: Դրանք մեզ ծանօթ են ոչ միայն պահպանւած առասպելներից եւ կրօնական հաւատալիքներից, այլեւ պեղումների նիւթերից: Մշակոյթի ճիւղերն են լեզուն, գրականութիւնը, ճարտարապետութիւնը, քանդակագործութիւնը, նկարչութիւնը, երաժշտարւեստն ու պարարւեստը, թատրոնն ու կինոն եւ այլն: Պատմական հանգամանքների բերումով հայկական մշակոյթը ձեւաւորւել ու զարգացել է ոչ միայն բուն Հայաստանում, այլեւ Սփիւռքում:

  • ԵՊՀ-ում տեղի ունեցաւ Վաչէ Բրուտեանի «Երկիրը Արտերկրէն» նոր գրքի շնորհանդէսը
    ԵՊՀ-ում տեղի ունեցաւ Վաչէ Բրուտեանի «Երկիրը Արտերկրէն» նոր գրքի շնորհանդէսը

    Երէկ, յունիսի 22-ին ԵՊՀ հայ բանասիրութեան ֆակուլտետի դահլիճում տեղի ունեցաւ սփիւռքահայ (ամերիկաբնակ) հասարակական-քաղաքական գործիչ, ՀՅ Դաշնակցութեան նւիրեալ անդամ, ճանաչւած մտաւորական Վաչէ Բրուտեանի նոր գրքի՝ «Երկիրը Արտերկրէն» խորագրով յօդւածների ժողովածուի շնորհանդէսը:

  • Տեղի ունեցաւ «Աստւածային կրօնների հետեւորդ նահատակների» գրքի շնորհանդէսը
    Տեղի ունեցաւ «Աստւածային կրօնների հետեւորդ նահատակների» գրքի շնորհանդէսը

    Իրանի Իսլ. յեղափոխութեան յաղթանակի 42-րդ տարեդարձի ծրագրերի շարանում, երէկ երեկոյեան Իսլ. մշակոյթի եւ առաջնորդութեան նախարարութեան մշակութային հարցերով գերատեսչութեան նախաձեռնութեամբ, նոյն նախարարութեան կենտրոնում կազմակերպւել էր միջոցառում, մասնակցութեամբ մշակոյթի նախարարի եւ Իրանում կրօնական փոքրամասնութիւնների հոգեւոր եւ աշխարհիկ ներկայացուցիչների, որի ընթացքում տեղի ունեցաւ «Աստւածային կրօնների հետեւորդ նահատակների» գրքի շնորհանդէսը:

  • Հայոց Ցեղասպանութեան առաջին միջազգային ճանաչման մասին գրքի շնորհանդէս Ուրուկուայի մէջ նախագահ Լաքաժէ Փօուի մասնակցութեամբ
    Հայոց Ցեղասպանութեան առաջին միջազգային ճանաչման մասին գրքի շնորհանդէս Ուրուկուայի մէջ նախագահ Լաքաժէ Փօուի մասնակցութեամբ

    Դետեմբեր 15-ին, տեղի ունեցաւ Հայ Դատը Արարատի Ուրուկուայի միջեւ. ճանաչման պատմութիւնը խորագրուած գիրքի ներկայացումը: Գիրքը 1965-ին Ուրուկուայի խորհրդարանի կողմէ Ցեղասպանութեան ճանաչման պատմութիւնն է, իր տեսակին մէջ առաջին օրէնքը՝ Հայ Դատի պայքարի ճամբուն անկիւնադարձային յիսնամեակի տարուան ընթացքին: Համավարակի պատճառով առցանց տեղի ունեցած շնորհանդէսը կազմակերպեցին Ուրուկուայի Զելմար Միչելինի հիմնարկութիւնը եւ ՀՅԴ Հրայր Մարուխեան հիմնարկութիւնը:

  • Շնորհահանդէս «Նիւթեր ՀՅ Դաշնակցութեան պատմութեան համար» Ժգ. հատորին. (Խմբագիր` Երուանդ Փամպուքեան)
    Շնորհահանդէս «Նիւթեր ՀՅ Դաշնակցութեան պատմութեան համար» Ժգ. հատորին. (Խմբագիր` Երուանդ Փամպուքեան)

    Կազմակերպութեամբ Համազգայինի «Վահէ Սէթեան» հրատարակչատան տնօրէնութեան եւ գործակցաբար «Ազդակ» օրաթերթին, երէկ` երկուշաբթի, 13 յուլիս 2020-ի երեկոյեան ժամը 7:00-ին, «Ազդակ»-ի «Փիւնիկ» սրահին մէջ տեղի ունեցաւ շնորհահանդէսը «Նիւթեր ՀՅ Դաշնակցութեան պատմութեան համար» ԺԳ. հատորին` խմբագրութեամբ պատմաբան Երուանդ Փամպուքեանի:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։