Հա

Համայնք

28/08/2019 - 14:30

Շուտով հրատարակւելու է Կարէն Խանլարեանի «Հայաստանի աշխարհագրութեան նկարագրութիւնը հիմնւած իսլամական աղբիւրների վրայ» գրքի հայերէն տարբերակը

Ինչպէս դեռ սրանից 3 շաբաթ առաջ էինք իրազեկել «Ալիք»-ի պարսկերէն յաւելւածում, դոկտ. Կարէն Խանլարեանի «Հայաստանի աշխարհագրութեան նկարագրութիւնը հիմնւած իսլամական աղբիւրների վրայ» աշխատութեան հատորի հրատարակման մասին, սակայն հարկ համարեցինք այդ առթիւ անմիջական կիսւել հեղինակի հետ:

«ԱԼԻՔ» - Ինչպէս դեռ սրանից 3 շաբաթ առաջ էինք իրազեկել «Ալիք»-ի պարսկերէն յաւելւածում, դոկտ. Կարէն Խանլարեանի «Հայաստանի աշխարհագրութեան նկարագրութիւնը հիմնւած իսլամական աղբիւրների վրայ» աշխատութեան հատորի հրատարակման մասին, սակայն հարկ համարեցինք այդ առթիւ անմիջական կիսւել հեղինակի հետ:

Կարէն Խանլարեանը խօսելով գրքի մասին, «Ալիք»-ի լրագրողին յայտնեց, որ հատորը ներկայացնում է շուրջ 110 գիտական յօդւածների ու աղբիւրների հիման վրայ կազմւած ուսումնասիրութիւն, որով ներկայացւում է իսլամական աղբիւրներում կատարւած ուսումնասիրութիւններն ու փաստերը Հայաստանի աշխարհագրութեան ու քարտէզների մասին:

Հեղինակը նշեց նաեւ, որ լինելով նշւած աղբիւրների ու ուսումնասիրութիւններից մի քանիսի հեղինակը, դրանք մինչեւ գրքի հրատարակումը լոյս են տեսել ՎԷՄ-ում՝ հայերէն եւ «Պայման»-ում՝ պարսկերէն լեզուներով, երկու առանձին յօդւածներով (ժամանակին վերահրատարակւել են «Ալիք»-ի պարսկերէն յաւելւածով):

Դոկտ. Խանլարեանը յաւելեց, որ մտածում է գրքի երկրորդ տպագրութեան մասին, որով հեղինակը «Հայաստանի աշխարհագրութեան նկարագրութիւնը հիմնւած իսլամական աղբիւրների վրայ» գրքով ներկայացւած աշխատութեանն է կցելու եւս 100-ի հասնող նոր աղբիւրների ու յօդւածների հիման վրայ կատարւած ուսումնասիրութիւնը, ինչը շուտով պատրաստ կը լինի գրքի 2-րդ տպագրութեան համար:

Պատմութեան գիտութիւնների թեկնածու՝ խորհրդարանի պատգամաւորը պատասխանելով «Ալիք»-ի այն հարցին, թէ գիրքը ե՞րբ է ունենալու իր հայերէն թարգմանութիւնը, նշեց, որ գրքի հայերէն թարգմանութեան աշխատանքներն արդէն իսկ ընթացքի մէջ են (կատարւել է գործի աւելի քան 60 տոկոսը) եւ շուտով այն հասանելի կը լինի հայ ընթերցողներին: Իսկ գրքի թուրքերէն տարբերակի մասին յայտնեց, որ աշխատանքներն ընթացքի մէջ են եւ շուտով այդ մասին նորութիւններով հանդէս կը գայ ինքը՝ հեղինակը:

«Գրքի անգլերէն, յունարէն եւ արաբերէն լեզուներով թարգմանութեան համար եւս առաջարկներ կան, որոնցից արաբերէնի դէպքում՝ առաջարկը եղել է Եգիպտոսից»,-նշեց դոկտ. Խանլարեանը:

Հեղինակը պատասխանելով գրքի գիտական քաշի եւ այն մասին, թէ հնարաւոր է արդեօք գիրքը տեսնել ԲՈՒՀ-ական հարթակներում՝ որպէս դասագիրք-ձեռնարկ, նշեց, որ դեռ շուտ է այդ մասին կարծիք յայտնել, չնայած նման բան ունենալու համար, գրքում հարկաւոր է ունենալ հակառակ կարծիքների ու պնդումների գլուխը եւս, «...Ինչի մասին, ի դէպ, պիտի ասեմ, որ գտել եւ ծանօթացել եմ շուրջ 30 յօդւածների ու աշխատութիւնների էութեանը, որոնք հակառակ պնդումներ ունեն, չնայած պատկանում են միեւնոյն մի քանի հեղինակներին: Այնուամենայնիւ, ԲՈՒՀ-երի համար դասագիրք լինելու համար գրքին պէտք կը լինի փաստարկ-հակափաստարկ ձեւաչափով ուսումնասիրութիւնների փաթեթ, ինչը առայժմս (երեւի) օրակարգում չէ»,- յաւելեց հեղինակը:

Յիշեցնենք, որ գիրքը կազմւած է 211 էջից, եւ արդէն գտնւում է գրախանութներում: Գիրքը տպագրւել է «Սալէս» հրատարակչութիւնում:

Յարակից լուրեր

  • «Ինչպէս է իմ ընտանիքը ստեղծել աշխարհի ամենավտանգաւոր մարդուն». The Guardian-ն ուշագրաւ հատւածներ է ներկայացրել Թրամփի զարմուհու աղմկայարոյց գրքից
    «Ինչպէս է իմ ընտանիքը ստեղծել աշխարհի ամենավտանգաւոր մարդուն». The Guardian-ն ուշագրաւ հատւածներ է ներկայացրել Թրամփի զարմուհու աղմկայարոյց գրքից

    ԱՄՆ նախագահ Դոնալդ Թրամփի եղբօր դուստրը՝ Մերի Թրամփը, իր նոր՝ «Չափից շատ եւ երբեք բաւարար չէ. Ինչպէս է իմ ընտանիքը ստեղծել աշխարհի ամենավտանգաւոր մարդուն» գրքում պնդում է, որ ԱՄՆ նախագահի բնաւորութիւնն ու վրդովեցուցիչ պահւածքը «սպառնալիք են աշխարհի խաղաղութեանը, տնտեսական անվտանգութեանը եւ սոցիալական կառուցւածքին»:

  • Դատարանը թոյլատրել է Ջան Բոլթոնի գրքի հրատարակումը
    Դատարանը թոյլատրել է Ջան Բոլթոնի գրքի հրատարակումը

    Դատարանը մերժել է ԱՄՆ արդարադատութեան նախարարութեան բողոքը եւ թոյլ է տւել ազգային անվտանգութեան հարցերով ԱՄՆ նախագահ Դոնալդ Թրամփի նախկին խորհրդական Ջոն Բոլթոնի գրքի հրատարակումը, յայտարարել է դատաւոր Ռոյս Լամբերտը, նրա որոշումը տեղադրւած է դատական ​​փաստաթղթերի բազայում:

  • Գնահատանքի հանդիպում
    Գնահատանքի հանդիպում

    Կիրակի սոյն թւականի մայիսի 31-ի երեկոյեան, Թեհրանի հայոց թեմի առաջնորդ գերաշնորհ Տ. Սեպուհ Ս. արք. Սարգսեանի գլխաւորութեամբ, Իրանի Իսլ. խորհրդարանում Թեհրանի եւ հիւսիսային իրանահայութեան նորընտիր պատգամաւոր՝ Արա Շահվերդեանի, թեմիս Թեմական խորհրդի ատենապետ՝ Նորայր Արամեանի եւ խորհրդի անդամների ներկայութեամբ, ազգ. առաջնորդարանի դահլիճում կայացաւ երկու նստաշրջան եւ ութ շարունակական տարիներ Իրանի Իսլ. խորհրդարանում, որպէս Թեհրանի եւ հիւսիսային իրանահայութեան պատգամաւոր ժողովրդանւէր եւ հայրենանւէր ծառայութիւն մատուցած՝ դոկտ. Կարէն Խանլարեանի գնահատանքի հանդիպումը։

  • Հայրապետին “The Armenian Church” գիրքը լոյս տեսաւ արաբերէն թարգմանութեամբ
    Հայրապետին “The Armenian Church” գիրքը լոյս տեսաւ արաբերէն թարգմանութեամբ

    Վերջին տարիներուն, հանրութեան տարամադրութեան տակ կը գտնուի դիւրին ընթեռնելի, պարզ լեզուով ու ամփոփ, եւ յատկապէս երիտասարդութեան դիւրամատչելի, սակայն միաժամանակ համապարփակ կերպով գրուած Հայ Եկեղեցւոյ պատմութիւնը՝ շնորհիւ Ն.Ս.Օ.Տ.Տ. Արամ Ա Վեհափառ Հայրապետին, զոր գրուած է անգլերէն լեզուով՝ “The Armenian Church” եւ ցարդ թարգմանուած է երեք լեզուներու՝ ֆրանսերէնի, ռուսերէնի եւ պարսկերէնի։

  • Ստամբուլում թարգմանւել եւ հրատարակւել է Դանիէլ Վարուժանի «Հացին երգը» ժողովածուն
    Ստամբուլում թարգմանւել եւ հրատարակւել է Դանիէլ Վարուժանի «Հացին երգը» ժողովածուն

    1915 թ․ ապրիլի 24-ին ձերբակալւած եւ մահւան ուղարկւած արեւմտահայ մեծանուն գրողներից մէկի՝ Դանիէլ Վարուժանի ստեղծագործութիւնները թարգմանւել են թուրքերէն։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։