Հա

Համայնք

29/08/2019 - 09:40

Ծանօթացման հանդիպում Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատուի հետ

Հովանաւորութեամբ թեմիս առաջնորդ՝ գերշ. Տ. Սեպուհ արք. Սարգսեանի եւ նախաձեռութեամբ եւ ներկայութեամբ  Թ. Հ. Թ. Թեմական խորհրդի, երեքշաբթի օգոստոսի 27-ին, ազգային առաջնորդարանի դահլիճում, ծանօթացման հանդիպում էր կազմակերպւել, Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատու՝ պրն. Սէյէդ Մոջթաբա Միրդեհղանի հետ:

Հովանաւորութեամբ թեմիս առաջնորդ՝ գերշ. Տ. Սեպուհ արք. Սարգսեանի եւ նախաձեռութեամբ եւ ներկայութեամբ  Թ. Հ. Թ. Թեմական խորհրդի, երեքշաբթի օգոստոսի 27-ին, ազգային առաջնորդարանի դահլիճում, ծանօթացման հանդիպում էր կազմակերպւել, Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատու՝ պրն. Սէյէդ Մոջթաբա Միրդեհղանի հետ:

Միջոցառմանը ներկայ էին Պատգամաւորական ժողովի եւ Թեմական խորհրդի ներկայացուցիչները եւ ազգային առաջնորդարանի դիւանապետը: Իսլամական մշակոյթի եւ առաջնորդութեան նախարարութեան կրօնական փոքրամասնութիւնների գրասենեակից ներկայ էին, ինքը պրն. Միրդեհղանը, պրն. Ալիփուրն եւ օր. Մոբարհանը:

Հանդիպմանը Թ. Հ. թեմի առաջնորդ Տ. Սեպուհ արք. Սարգսեանն շնորհաւորեց պրն. Միրդեհղանին իր ստանձնած պաշտօնի համար եւ ընդգծեց՝ «Մենք, մեզ ձեր գրասենեակի հետ գործակիցներ ենք համարում, որովհետեւ մեր բոլորի հիմնական նպատակն այս երկրի խաղաղ եւ մշակութային կեանքի զարգացման ընթացքը պահելն է: Ամէն մէկս իր բնագաւառում կոչւած է ձեռք-ձեռքի տալու եւ այս օրերի արտաքին ու ներքին աշխարհի մեր առջեւ դրւած խոչընդոտները յաղթահարու»: Ապա Սրբազան Հայրն իր ուրախութինը յայտնեց սոյն այցելութեան առթիւ եւ սրտագին յաջողութիւն մաղթեց պրն. Միրդեհղանին:

Ապա խօսք առաւ նոյն գրասենեակի տնօրէն՝ պրն. Ալիփուրը, ով շնորհակալութիւն յայտնեց հանդիպման համար եւ վստահեցրեց, որ աւելի լաւ եւ յաջող կերպով աշխատանքները կը շարունակւեն: Ապա խօսքը փոխանցեց պրն. Միրդեհղանին, ով ընդգծեց, որ 26 տարի նոյն կենտրոնի Շիրազի գրասենեակում կարողացել է մօտ շփումներ ունենալ Իրանի տարբեր կրօնական փոքրամասնութիւններ հետ: Նա յաւելեց՝ «Մեր աշխատանքի կարեւոր բաժինն է Իրանի կրօնական փոքրամասնութիւնների մշակութային հարցերի հետ կապւած է», ապա դիմելով Սրբազան Հօրն ասաց՝ «Ձեր յորդորներով կը փորձենք ձեր մտահոգութիւնները փարատենք եւ այդ ուղղութեամբ աշխատանք տանենք»:

Վերջում էլ վստահեցրեց, որ առաջիկայում եւս հարցերը կընթանան հարթ եւ սահուն:

Թ. Հ. Թ. Թեմական խորհրդի փոխատենպետ՝ Արա Շահվերդեանն իր ելոյթի ընթացքում նախ իր եւ Թեմական խորհրդի ատենապետ՝ պրն. Նորայր Արամեանի անունից շնորհաւորեց պրն. Միրդեհղանին, նոր պաշտօնը ստանձնելու համար եւ յոյս յայտնեց, որ ապագայում էլ նոյն փոխհամագործակցութիւնը կը շարունակւի սոյն գրասենեակի հետ:

Հանդիպման աւարտին խումբն այցելեց Մեծ Եղեռնի զոհերի յուշարձանը եւ Ս. Սարգիս Մայր եկեղեցի:

 

Ազգային առաջնորդարանի Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։