Հա

Համայնք

21/09/2019 - 14:30

Մարեց Իրանի 51-րդ Համահայկական խաղերի ջահը

Իրանի 51-ամեայ Համահայկականը դարձաւ 75-ամեայ Հ. Մ. «Արարատ» կազմակերպութեան պատմութեան եւս մէկ էջ եւ մարւեց ջահը:

«ԱԼԻՔ», Կ. Դ. - Իրանի 51-ամեայ Համահայկականը դարձաւ 75-ամեայ Հ. Մ. «Արարատ» կազմակերպութեան պատմութեան եւս մէկ էջ եւ մարւեց ջահը:

Սեպտեմբերի 13-ին «Արարատ» մարզաւանում մեկնարկած Իրանի Համահայկական 51-րդ խաղերը, որի նախաձեռնողն է Հ. Մ. «Արարատ» կազմակերպութեան Մարզական միութիւնը, իր աւարտին հասաւ երէկ երեկոյեան հոծ բազմութեան ներկայութեամբ: Հոծ ենք ասում, քանի որ բասկետբոլի տղամարդկանց կիսաեզրափակիչ եւ եզրափակիչ խաղերի ժամանակ «Սասունցի Դաւիթ» հսկայ դահլիճում հանդիսատեսը նստած էր նոյնիսկ խաղագետնի սահմանը ճշտող գծերի շուրջ եւ ինքնին խրախուսիչ երեւոյթ էր նման ներկայութիւնը: Ի դէպ, զանազան մարզաձեւերով եւ տարիքային տարբեր փուլերում անցկացւած խաղերի ընդհանուր հաշւարկման արդիւնքում առաջին տեղը գրաւեց Հ.Մ.Ա.Կ-ը՝ 186 նիշով: Երկրորդ հանդիսացաւ Նոր Ջուղայի Հ. Մ. «Արարատ» միութիւնը՝ 113-նիշով եւ Երրորդ հանդիսացաւ Հ. Մ. «Սիփան» միութիւնը՝ 74 նիշով:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։