Հա

Համայնք

14/11/2019 - 13:30

Պատգամաւորական ժողովի հաստատումով ընտրւեցին բոլոր մարմինների եւ խորհուրդների անդամները

Երէկ չորեքշաբթի, նոյ. 13-ի երեկոյեան ազգային առաջնորդարանի դաճլիճում շարունակւեց Թ. Հ. Թ. 16-րդ Պատգամաւորական ժողովի հերթական նիստը, որը մեկնարկել էր նոյեմբերի 12-ին:

«ԱԼԻՔ», Կ. Դ. - Երէկ չորեքշաբթի, նոյ. 13-ի երեկոյեան ազգային առաջնորդարանի դաճլիճում շարունակւեց Թ. Հ. Թ. 16-րդ Պատգամաւորական ժողովի հերթական նիստը, որը մեկնարկել էր նոյեմբերի 12-ին:

Երեկոյեան ժամը 6:30-ին մեկնարկած նիստի սկզբում պատգամաւորները շարունակելով նախորդ օրւայ նիստը, նախ ներկայացրին ըստ էութեան հարցադրումներ, արծարծեցին առաջարկութիւններ եւ տեսակէտներ կապւած Թ. Հ. Թ. Թեմական խորհրդի ներկայացրած երկամեայ ծրագրի հետ: Պատգամաւորների կողմից կարեւորութեամբ ընդգծւեց համայնքային մի շարք հարցերի, այդ թւում «Րաֆֆի» համալիրի խնդրի լուծմանը զօրավիգ հանդիսանալու, «Ա. Աւետիսեան» ազգային բուժարանի, Կարիքաւորներին օժանդակող մարմնի, գերեզմանատների եւ մի խօսքով ազգային կառոյցների հարցերի կարգաւորմանը, եւ յստակ տւեալների ներկայացման անհրաժեշտութիւնը: Խօսւեց նաեւ այն մասին, որ ըստ նպատակայարմարութեան ժամանակի ընթացքում մարմիններում չներառել նրանց, ովքեր երեք շրջան անդամակցել են ազգային մարմիններին:

Քանի որ Թեմական խորհուրդը շատ սեղմ տողերով էր ներկայացրել երկամեայ ծրագիրը, որը պատգամաւորների մօտ հարցեր առաջացրեց, այս առումով Թեմական խորհրդի ատենապետ Նորայր Արամեանը նշեց, որ խորհուրդը ցանկանում է եռամսեայ ժամկէտ եւ համոզւած է, որ մարմինները աշխատանքների առումով պիտի ներկայացնեն ծրագրեր եւ ծրագրերը ներկայացւելուց յետոյ, ծրագրերը ամբողջութեամբ կը ներկայացւի ՊԺ-ին:

Քննարկումների աւարտին ՊԺ-ն հանդէս եկաւ բանաձեւով, ըստ հետեւեալի «Ժողովը լսելով Թեմական խորհրդի առաջարկած երկամեայ գործունէութեան ծրագիրը, գնահատելով ծրագրի դրոյթները, հասաւ այն եզրակացութեան, որ ծրագիրը լրացուցիչ տւեալների կարօտ է: Առ այդ որոշեց յանձնարարել Թեմական խորհրդին, ծրագիրը նախքան 2020-ի Ամանոր, կրկին ներկայացնի ՊԺ-ի դիւանին»: Բանաձեւը հաստատւեց ժողովի կողմից: Ապա ժողովը ունկնդրեց Թեմական խորհրդի կողմից ներկայացւած 1398 թւականի 6 ամսեայ նախահաշիւը, որը քննարկեցին եւ ըստ այդմ առաջադրանքներ ներկայացրեցին պատգամաւորները եւ ՊԺ-ի տնտեսական յանձնաժողովը եւս ներկայացրեց իր տւեալները եւ ուսումնասիրութիւնները եւ քննարկումներից ու վերանայումից յետոյ հաստատւեց նաեւ նախահաշիւը: Վերջին օրակարգով պատգամաւորները հաստատեցին Թեմական խորհրդի կողմից ազգային բոլոր խորհուրդների եւ մարմինների, անւանացանկերը, որով կէս գիշերին աւարտւեց երկօրեայ նիստը: Պատգամաւորական ժողովը հաղորդագրութեամբ ներկայացնելու է բոլոր ցանկերը:

Յարակից լուրեր

  • Գումարւեց ՊԺ-ի հերթական նիստը. Ներկայացւեց Թ. Հ. Թ. Թեմական եւ Կրօնական խորհուրդների երկամեայ ծրագրերը
    Գումարւեց ՊԺ-ի հերթական նիստը. Ներկայացւեց Թ. Հ. Թ. Թեմական եւ Կրօնական խորհուրդների երկամեայ ծրագրերը

    Երէկ, նոյեմբերի 12-ի երեկոյեան, ազգային առաջնորդարանի դահլիճում մեկնարկեց Թ. Հ. Թ. Պատգամաւորական ժողովի հերթական նիստը, որը շարունակւելու է նաեւ այսօր: Թ. Հ. թեմի առաջնորդ Տ. Սեպուհ արք. Սարգսեանը յետվիրահատական ապաքինման շրջանը անցկացնելու բերումով ներկայ չէր երէկւայ նիստին եւ նրան էր փոխարինել Տ. Վարազդատ աւագ քհնյ. Քեշիշեանը:

  • Հաղորդագրութիւն
    Հաղորդագրութիւն

    Առ ի գիտութիւն յայտնում ենք, Թեհրանի թեմի մեր սիրելի ժողովրդի զաւակներին, որ հրաւէրով թեմիս առաջնորդ գերշ. Տ. Սեպուհ Ս. արք. Սարգսեանի եւ ներկայութեամբ Պատգամաւորական ժողովի դիւանի ամբողջական կազմի, Պատգամաւորական ժողովի կողմից ընտրւած թեմիս գործադիր իշխանութեան կազմերը՝ Կրօնական, Թեմական խորհուրդներն ու Հաշւեքննիչ մարմինը իրենց անդրանիկ նիստերը առանձնաբար գումարեցին 2019 թւականի  մայիսի 29-ին, ազգային առաջնորդարանում եւ ընտրեցին իրենց դիւանները հետեւեալ կազմերով.-

  • Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն
    Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն

    Ս. թ. չորեքշաբթի, մայիսի 22-ին, Թ. Հ. Թ. Պատգամաւորական ժողովը նախագահութեամբ հայոց թեմի առաջնորդ Տ. Սեպուհ արք. Սարգսեանի, ատենապետութեամբ Ժոզէֆ Մեհրաբեանի եւ Ներքին գործերի նախարարութեան կողմից լիազօրւած տկն. Սէյէդիի ներկայութեամբ, կայացրեց Կրօնական, Թեմական խորհուրդների եւ ապա Հաշւեքննիչ մարմնի ընտրութիւնները, որոնց արդիւնքում՝ առաջիկայ երկու տարիների համար թեմի բարձրագոյն գործադիր մարմիններն ընտրւեցին հետեւեալ անձնակազմերով.

  • Պատգամաւորական ժողովը ընտրեց գործադիր նոր մարմիններ
    Պատգամաւորական ժողովը ընտրեց գործադիր նոր մարմիններ

    Թ. Հ. Թ. 16-րդ Պատգամաւորական ժողովը սոյն թւականի ապրիլի 30-ին եւ մայիսի 1-ին իր  հերթական նիստերում ունկնդրեց շրջանաւարտ Թ. Հ. Թ. Թեմական խորհրդի, Կրօնական խորհրդի եւ Հաշւեքննիչ մարմնի աշխատանքային զեկոյցները եւ թէժ քննարկումների աւարտին ժողովի կողմից կեանքի կոչւած Բանաձեւային յանձնախումբը ի մի բերեց երկու խորհուրդների եւ մարմնի գործունէութեան շուրջ քննարկումները:

  • Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին
    Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին

    Թւականիս ապրիլի 30-ից մեկնարկել է Թ. Հ. Թ. Պատգամաւորական ժողովի 16-րդ շրջանի հերթական նիստը, որը շարունակւեց նաեւ երէկ մայիսի 1-ին մինչեւ ուշ երեկոյ:

    Այս անգամ Պ. Ժ.-ի նիստերը՝ իրենց բնոյթով, տարբերւում էին նախորդներից, քանզի գործող Թ. Հ. Թ. Թեմական խորհուրդը, Կրօնական խորհուրդը եւ Հաշւեքննիչ մարմինը աւարտում էին իրենց երկամեայ աշխատանքային շրջանը եւ համայնքը օժտւելու է նորընտիր գործադիր իշխանութեամբ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։