Հա

Համայնք

14/12/2019 - 14:10

Ապրեն ԱՄՆ ներկայացուցիչների պալատն ու Սենատը

Մենք յանուն մեր ժողովրդի զաւակների որտեղ որ կան մեր երախտագիտութիւնն ենք յայտնում Ամերիկայի ներկայացուցիչներին եւ Սենատի զոյգ պալատների բոլոր անդամներին ու իւրաքանչիւրին, Հայ Դատի գրասենեակի մեր հայրենակիցներին եւ բոլոր նրանց ովքեր սատար են հանդիսանում Հայ Դատի նւիրական գործին։

2019-ի դեկտեմբերի 12-ը պատմական եւ որպէս յիշարժան մի օր սեպւեց, արդի ժամանակների Հայոց Ցեղասպանութեան Ամերիկայի ներկայացուցիչների տան եւ Սենատի կողմից ճանաչել տալու գործընթացում։ Աւելի քան կէսդարեայ անընդմէջ ու առանց յուսահատութեան տարւող պայքարը ի վերջոյ պիտի յանգէր հինգշաբթի, դեկտեմբերի 12-ի արդար յաղթանակին, երբ ԱՄՆ-ի Սենատը միաձայնութեամբ հաստատեց Հայոց Ցեղասպանութիւնը դատապարտող սենատորներ Ռաբըրտ Մենենդէսի ներկայացրած թիւ 150 բանաձեւը։ Ի վերջոյ պատմական ճշմարտութիւնը յաղթանակեց։

Ներկայացուցիչների եւ Սենատի զոյգ պալատների արդարամիտ եւ ճշմարտասէր անդամների քաջասիրտ, յանդուգն եւ ճշմարտութիւնը ամէն բանից վեր դասող վերաբերմունքը անկասկած արժանի է ամէն տեսակ գնահատանքի եւ օրհնութեան։

Վաշինգտոնի Հայ Դատի գրասենեակի գործադիր տնօրէն Արամ Համբարեանը, ի լուր Սենատի միաձայն որոշման, դիմելով իր հայրենակիցներին եւ Հայ Դատի բարեկամներին ասել է. «Այս իրագործումը եղաւ շնորհիւ ձեզ եւ ողջ Ամերիկայի տարածքի վրայ ապրող ընկերների։ Այս մեծ ձեռքբերումը եղաւ շնորհիւ Հայ Դատի նւիրեալ հաւատացեալներին տարածւած աշխարհի չորս կողմերում եւ որոնք միշտ մեր կողքին եղան»։

Այո՛, Հայ Դատի գրասենեակները Ամերիկայի, Եւրոպայի, Մոսկւայի, Միջին Արեւելքի եւ Հայաստանի մէջ իրենց ամենօրեայ հետեւողական ու մեղւաջան բայց նաեւ զգօն եւ արթուն գործունէութեամբ, նիւթական եւ բարոյական համատեղ զօրակցութեամբ կարողացան հասնել այն մեծ իրագործման, որ այս օրերին ամէն մի հայի սիրտը ուրախութեամբ, անհուն երջանկութեամբ եւ հպարտութեամբ պարուրեց, որովհետեւ Հայ Դատը մեր բոլորի Դատն է եւ այս ուղղութեամբ որեւէ մէկ նւաճում բոլորիս համար ե՛ւ ուրախութիւն է ե՛ւ հպարտութիւն միանգամայն։

Այս առիթով մէկ անգամ եւս գնահատում եւ օրհնում ենք Հայ Յեղափոխական Դաշնակցութեան անմիջական հովանին վայելող Վաշինգտոնի Հայ Դատի գրասենեակի բոլոր աշխատակիցներին ինչպէս նաեւ բոլոր այն ազնիւ հայորդիներին, ովքեր նիւթական եւ բարոյական իրենց աջակցութեամբ զօրավիգ են կանգնում Հայ Դատի գրասենեակներին։

Աշխարհում իրագործումներն ու յաղթանակները արդիւնք են համատեղ աշխատանքի եւ համագործակցութեամբ առաջ տարւող աշխատանքի։ Մեր ժողովուրդը աշխարհի ամենից շատ անիրաււած ժողովուրդներից մէկն է, որ պատմութեան ընթացքում ենթարկւել է հալածանքների ու չարչարանքների, եւ իր երկիրն էլ քանդման ու աւերման, իսկ քսաներորդ դարի երկրորդ տասնամեակին ենթարկւեց Ցեղասպանութեան։ Այդ բոլորը սակայն չընկճեցին մեր ժողովրդին, փաստը, այսօր հայը կայ իր Ազատ ու Անկախ Հայրենիքով Ազատ ու Անկախ Արցախով, դեռեւս այսօր հայը որեւէ մի ժամանակից աւելի գիտակից է իր անցեալին ու պատմութեանը շարունակում է իր Պահանջատիրական պայքարը իր պատմական Հայրենիքի ազատագրութեան ի խնդիր։

Մենք յանուն մեր ժողովրդի զաւակների որտեղ որ կան մեր երախտագիտութիւնն ենք յայտնում Ամերիկայի ներկայացուցիչներին եւ Սենատի զոյգ պալատների բոլոր անդամներին ու իւրաքանչիւրին, Հայ Դատի գրասենեակի մեր հայրենակիցներին եւ բոլոր նրանց ովքեր սատար են հանդիսանում Հայ Դատի նւիրական գործին։

Յանուն ճշմարտութեան եւ արդարութեան տարւած պայքարը օրհնեալ է եւ արժանի բարձր գնահատանքի։

 

ՍԵՊՈՒՀ ԱՐՔ. ՍԱՐԳՍԵԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

14 դեկտեմբերի 2019

Թեհրան

Յարակից լուրեր

  • Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում
    Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում

    Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

  • Մեռելոցի պատարագ Նոր Բուրաստանի Ս. Ստեփանոս մատուռում
    Մեռելոցի պատարագ Նոր Բուրաստանի Ս. Ստեփանոս մատուռում

    Հինգշաբթի, 7 յունւարի 2021 թ.-ի առաւօտեան, ըստ եկեղեցու աւանդութեան Թեհրանի Նոր Բուրաստանի գերեզմանատան Ս. Ստեփանոս մատուռում մատուցւեց մեռելոցի սուրբ եւ անմահ պատարագ ձեռամբ արժ. Տ. Սարգիս քհնյ. Խոսրովեանի։ Արարողութեանը ներկայ էին կրօնական խորհրդի եւ քահանայից դասի ներկայացուցիչներ եւ քիչ թւով հաւատացեալներ։ 

  • Աստւած մարդացաւ մարդը աստւածացնելու համար
    Աստւած մարդացաւ մարդը աստւածացնելու համար

    Աշխարհի յարափոփոխ, անորոշ ու տագնապահար ներկայ այս վիճակը ողջ մարդկութիւնը դէմ-յանդիման է դրել բազմաթիւ ու անմեկնելի մարտահրաւէրների առաջ։ Անցեալ ամբողջ տարին մարդկութիւնը ապրեց ու դեռ շարունակում է ապրել տագնապներով ու անորոշութեան շղարշով քօղարկւած կեանք։ Մի համաճարակ չնւաճւած մի այլ համաճարակ գլուխը արդէն բարձրացրել եւ վտանգ է սպառնում աշխարհին։

  • Աղօթք վասն սիրոյ եւ խաղաղութեան
    Աղօթք վասն սիրոյ եւ խաղաղութեան

    Սիրելի եւ թանկագին հաւատակից քոյրեր եւ եղբայրներ,

    2021 Նոր տարւայ այս առաջին պահերին, քրիստոնէական ջերմ սիրով ու անկեղծագոյն բարեմաղթութիւններով ողջունում եմ ձեզ սիրելի հաւատակից քոյրեր եւ եղբայրներ, որտեղ որ կաք ցանկանալով միաժամանակ բոլորիդ աստւածային օրհնութիւններով ու բարիքներով լի տարի։

  • Ամանորեայ դիմաւորում Թեհրանի հայոց եկեղեցիներում
    Ամանորեայ դիմաւորում Թեհրանի հայոց եկեղեցիներում

    Ուրբաթ առաւօտեան՝ յունւարի 1-ին 2021 թ.-ին, Թեհրանի բոլոր եկեղեցիներում մատուցւեց Ամանորեան ս. եւ անմահ պատարագ, որպէսզի հաւատացեալ ժողովուրդը հաղորդւելով նորոգւի եւ շնորհազարդւի աստւածային պարգեւներով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։