Հա

Համայնք

05/03/2020 - 12:40

Համաճարակի դէմ պայքարի շրջագծում դոկտ. Կարէն Խանլարեանը շարունակում է իր հանդիպումները համայնքի հետ

Չորեքշաբթի, մարտի 4-ի առաւօտեան, դոկտ. Կարէն Խանլարեանը շարունակելով համաճարակի դէմ պայքարի շրջագծում հասարակութեան իրազեկման ծրագիրը, այցելեց Թեհրանի Զէյթուն քաղաքամաս. այցի հիմնական նպատակը քաղաքամասի բնակիչների հետ կորոնավիրուսի մասին տեղեկութիւններով փոխանակում կատարելն էր:

«ԱԼԻՔ» - Չորեքշաբթի, մարտի 4-ի առաւօտեան, դոկտ. Կարէն Խանլարեանը շարունակելով համաճարակի դէմ պայքարի շրջագծում հասարակութեան իրազեկման ծրագիրը, այցելեց Թեհրանի Զէյթուն քաղաքամաս. այցի հիմնական նպատակը քաղաքամասի բնակիչների հետ կորոնավիրուսի մասին տեղեկութիւններով փոխանակում կատարելն էր:

Քաղաքամասի բնակիչների առողջական վիճակից բացի, դոկտ. Կարէն Խանլարեանը յատուկ կարեւորութեամբ նշում էր համաճարակի վտանգաւորութեան թեման, ինչի կապակցութեամբ պատգամաւորը հիմնւելով Առողջապահութեան նախարարութեան փորձագիտական եզրակացութիւնների վրայ, տեղեկացրեց համաճարակի տարածման հետ միասին դրա վտանգաւորութեան աստիճանի բարձրացման փուլ անցնելու մասին: 

Պատգամաւորը հանդիպումների ընթացքում, յատկապէս, նշում էր, որ իւրաքանչիւրի շրջապատում եղած ծանօթներից որեւէ մէկը, եթէ կասկածւում է վարակի ախտանշաններով, կամ վարակի առկայութիւնն է հաստատւել, ապա լաւ կը լինի պատգամաւորի գրասենեակին տեղեկացնել նրա մասին, որպէսզի բոլորս միմեանց մասին տեղեկացւած լինենք, կամ անհրաժեշտութեան դէպքում օգնութիւն ցուցաբերւի:

Դոկտ. Կարէն Խանլարեանը յայտնեց, որ վարակի վտանգաւորութեան շրջանը հաւանական է շարունակւի մինչեւ մարտ ամսւայ վերջերը. ուստի պէտք կը լինի աւելի զգուշանալ եւ հետեւել համապատասխան յայտարարութիւններին. «...այդ շրջանից յետոյ սպասւում է, որ համաճարակը աստիճանաբար կը նահանջի ու կանցնի իր մասամբ անվտանգ շրջանին՝ ապրիլի երկրորդ կէսից յետոյ միայն (օրդիբեհեշթի առաջին շաբաթը)»,- տեղեկացրեց նա:

Նշելի է, որ այցի նախորդ օրը նոյն կապակցութեամբ պատգամաւորը հանդիպեց Սասուն քաղաքամասի բնակիչներին, որի ընթացքում դոկտ. Կարէն Խանլարեանին ընկերակցում էին Հ. Մ. «Սիփան» միութեան վարչութեան ներկայացուցիչները: Իսկ Զէյթուն քաղաքամասի կատարած այցի ժամանակ պատգամաւորին ընկերակցում էին Հ. Մ. Մ. «Նայիրի» միութեան վարչութեան ներկայացուցիչները:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։