Հա

Համայնք

18/03/2020 - 14:30

ՏԵՂԵԿԱՆՔ

Ի հետեւումն աշխարհում տիրող տագնապահար վիճակին, կորոնավիրուսի ստեղծած համաճարակի եւ նրա առաջացրած հետեւանքների եւ նկատի ունենալով Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի կոչն ու Ազգային Կենտրոնական վարչութեան Կրօնական ժողովի որոշումները, երեքշաբթի 17 մարտ 2020-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանի հրաւէրով ազգային առաջնորդարանի դահլիճում գումարւեց Կրօնական եւ Թեմական խորհուրդների դիւանների եւ Քրիստոնէական դաստիարակութեան բաժանմունքի պատասխանատուի համատեղ նիստ:

Ի հետեւումն աշխարհում տիրող տագնապահար վիճակին, կորոնավիրուսի ստեղծած համաճարակի եւ նրա առաջացրած հետեւանքների եւ նկատի ունենալով Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա Վեհափառ Հայրապետի կոչն ու Ազգային Կենտրոնական վարչութեան Կրօնական ժողովի որոշումները, երեքշաբթի 17 մարտ 2020-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանի հրաւէրով ազգային առաջնորդարանի դահլիճում գումարւեց Կրօնական եւ Թեմական խորհուրդների դիւանների եւ Քրիստոնէական դաստիարակութեան բաժանմունքի պատասխանատուի համատեղ նիստ, որի ընթացքում առաջնորդ Սրբազան Հայրը որոշ բացատրութիւններ փոխանցեց ներկաներին եւ այնուհետեւ հրաւիրեց Թեմական խորհրդի ատենապետին, մինչ այժմ կատարւած աշխատանքների մասին ամփոփ կերպով զեկուցելու։

Պրն. Արամեանի զեկոյցից յետոյ ժողովականները քննարկեցին կրօնական արարողութիւնների հետ կապւած հարցերը եւ արւեցին հետեւեալ որոշումները.-

1- Երկարաձգել կրօնական արարողութիւնների չեղարկման ժամանակը ցնոր տնօրինութիւն։

2- Ս. Յարութեան Ճրագալոյցի առթիւ խիստ բծախնդրութեամբ պատրաստել տալ նշխար եւ Աւագ շաբաթւայ ընթացքին եկեղեցիների Եկեղեցական խորհուրդների միջոցով հասանելի դարձնել ժողովրդին։

3- Որոշւեց, որ մեր ժողովրդի զաւակների հասարակական ցանցերի՝ Instagram, WhatsApp, «Facebook»-ի միջոցով հոգեւոր թեմաներով նիւթեր, ս. պատարագ, հոգեւոր արարողութիւններ հասանելի դարձնել։

4- Կարեւորութեամբ թելադրել մեր ժողովրդի զաւակներին, որ ննջեցեալների թաղման եւ հոգեհանգստեան արարողութիւնների առիթով հեռու մնան հոգեճաշեր եւ հոգեպատառներ կազմակերպել, առաջն առնելու կորոնավիրուսի տարածմանը։

5- Եւ վերջապէս կոչ ենք անում մեր ժողովրդի զաւակներին, որ աղօթեն, հաւատքով աղօթեն. յիշեցէք Քրիստոսի հետեւեալ խօսքը. «Ինչ որ աղօթք անելով խնդրէք, հաւատացէք, որ կը ստանաք, եւ ձեր խնդրածը կը տրւի ձեզ» (Մրկ. 11։24)։

Միշտ աղօթենք եւ դառնանք առ Աստւած, որպէսզի իր հայրական անհուն սիրով եւ ողորմածութեամբ մեզ առաջնորդի իր կամքի համաձայն. յիշենք որ Նինւէի ժողովուրդը շնորհիւ Յովնան մարգարէի ապաշխարութեան կոչերին, փրկւեցին կործանումից։

Աղօթենք մեր ժողովրդի համար, որտեղ որ կայ, Իրանի, Հայաստանի, Արցախի եւ ողջ աշխարհի համար։

 

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

18 մարտ 2020

Յարակից լուրեր

  • Առաջնորդ Սրբազան Հօր շնորհաւորանքը նորընտիր նախագահին
    Առաջնորդ Սրբազան Հօր շնորհաւորանքը նորընտիր նախագահին

    Սրտի անհուն ուրախութեամբ լսեցի Ձեր բարեբաստիկ եւ երջանկաբեր ընտրութեան լուրը, որպէս ԻԻՀ 8-րդ նախագահ:

    Աշխարհի դժւար պայմաններում ստանձնում էք պատասխանատւութիւնը, Իրանն ու Իրանի ժողովուրդը առաջնորդելու խաղաղութեան, բարգաւաճման եւ նորանոր նւաճումների: 

  • Սրբազան Հայրը ընդունեց Թ.Հ.Թ. Կրթական խորհրդի ատենապետին
    Սրբազան Հայրը ընդունեց Թ.Հ.Թ. Կրթական խորհրդի ատենապետին

    Շաբաթ, 19 յունիսի 2021 թ.-ի կէսօրին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց Թ.Հ.Թ. Կրթական խորհրդի ատենապետ՝ պրն. Ալֆրէդ Կարապետեանին, որը եկած էր կրթական ոլորտում որոշ հարցերի շուրջ Սրբազան Հօր կարծիքը ստանալու համար:

  • Սրբազան Հօր եւ իր պատւիրարկութեան այցը նախագահական ընտրական կենտրոններ
    Սրբազան Հօր եւ իր պատւիրարկութեան այցը նախագահական ընտրական կենտրոններ

    Ուրբաթ, 18 յունիսի 2021 թ.-ի առաւօտեան Թեհրանի հայոց թեմի բարեխնամ առաջնորդ գերշ․ Տ․ Սեպուհ Ս․ արք. Սարգսեանը ընկերակցութեամբ Իրանի Իսլ․ խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի, Թ.Հ.Թ. Թեմական խորհրդի ատենապետ՝ ճրտպ․ Նորայր Արամեանի եւ արժ․ Տ. Գրիգորիս քհնյ․ Ներսէսեանի այցելեց հայոց դպրոցներում («Մարիամ» հաստատութիւն, «Շանթ-Մարիամեան» եւ «Թունեան-Թովմասեան») հաստատւած Իրանի նախագահական, Թեհրանի աւագանու եւ Բանիմացների խորհրդարանի ընտրական կենտրոններ։

  • Տօնւեց Թեհրանի հայոց թեմի առաջնորդ Սրբազան Հօր ձեռնադրութեան 53-րդ ամեակը
    Տօնւեց Թեհրանի հայոց թեմի առաջնորդ Սրբազան Հօր ձեռնադրութեան 53-րդ ամեակը

    Հինգշաբթի, յունիսի 17-ի կէսօրին, ներկայութեամբ Թեհրանի հայոց թեմի Թեմական խորհրդի ատենապետ՝ ճրտպ. Նորայր Արամեանի, դիւանապետ՝ Զօրիկ Կարապետեանի, ազգային առաջնորդարանի պաշտօնէութիւնը դահլիճում անակնկալ կերպով տօնակատարեց Թեհրանի հայոց թեմի առաջնորդ Տ. Սեպուհ արք. Սարգսեանի քահանայական ձեռնադրութեան 53-րդ ամեակն, ինչու չէ նաեւ անւանակոչութիւնը։ 

  • Ռուսաստանի Դաշնութեան դեսպանի այցը ազգային առաջնորդարան
    Ռուսաստանի Դաշնութեան դեսպանի այցը ազգային առաջնորդարան

    Չորեքշաբթի, 16 յունիսի 2021 թւականին, Թեհրանի հայոց թեմի առաջնորդ՝ գերշ. Տ. Սեպուհ Ս. արք. Սարգսեանը իր գրասենեակում ընդունեց Իրանի Իսլամական Հանրապետութիւնում հաւատարմագրւած Ռուսաստանի Դաշնութեան արտակարգ եւ լիազօր դեսպան՝ մեծարգոյ պրն. Լեւոն Ջաղարեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։