Հա

Համայնք

03/05/2020 - 10:20

Թ.Հ.Թ. Թեմական խորհուրդի հաղորդագրութիւնը

Թ.Հ.Թ. Թեմական խորհուրդը իր երախտագիտութիւնն ու շնորհակալութիւնն է յայտնում համայնքիս բոլոր նւիրատու անձանց եւ բարերարներին:

Թ.Հ.Թ. Թեմական խորհուրդը իր երախտագիտութիւնն ու շնորհակալութիւնն է յայտնում համայնքիս բոլոր նւիրատու անձանց եւ բարերարներին, ովքեր «Զօրակցութեան կոչ»-ին արձագանքելով՝ իրենց անվերապահ մասնակցութեամբ եւ նիւթական օժանդակութեամբ, սատար հանդիսացան համայնքիս կորոնավիրուս համաճարակից տուժած ընտանիքներին, պարէնային օժանդակութիւն տրամադրելու աշխատանքը իրականացնելու հանգամանքին։

Ակնյայտ է, որ դժւարին պահերին մեր միասնական, հոգատար եւ պատասխանատու բացառիկ յատկանիշները դրսեւորելով, հնարաւոր կը դառնայ անհնարինը իրականացնել եւ մարտահրաւէրներին դիմակայել եւ յաղթահարել։  

Հարկ է նշել, որ Թեմական խորհուրդը նպատակադրւած է հերթաբար հրապարակել եւ համայնքիս թափանցիկօրէն ներկայացնել ստացւած նւիրրատւութիւնները եւ նրանցից իրականացւած աշխատանքները։

Առ այդ ստորեւ Ձեզ ենք ներկայացնում մինչ օրս օժանդակութիւն ցուցաբերած նւիրատու անձանց անւանացանկը եւ իրագործւած աշխատանքների նիւթական հաշւեցուցակը՝

Հարկ է նշել, որ թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի հովանավորութեամբ եւ համայնքիս մի քանի բարերարների համագործակցութեամբ, աշխատանքի է լծւել «Մարիամ» բարեսիրական ընկերութիւնը, որի կողմից 100 ընտանիքի 2.500.000 ռիալ նիւթական օժանդակութիւն է տրամադրւել։

Նկատի առնելով, որ ժամկէտային առումով անորոշ իրավիճակ է տիրում ստեղծւած ճգնաժամի կապակցութեամբ, կրկին հայցում ենք Ձեր օժանդակութիւնները տրամադրել նւիրահաւաքին, աւելի երկարաժամկէտ եւ լայնածաւալ աշխատանքներ իրականացնելու առնչութեամբ։

Ուստի Ձեր նիւթական օժանդակութիւնները կարող էք մուծել Ազգային առաջնորդարանի անւամբ հետեւեալ հաշւեհամարին՝

بانک ملت  شعبه 63545

شماره حساب  7468724836

بنام شورای خلیفه گری ارامنه تهران و شمال

IRشماره شبا 740120000000007468724836

 

Թ.Հ.Թ. ԹԵՄԱԿԱՆ ԽՈՐՀՈՒՐԴ

29.04.2020

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։