Հա

Համայնք

06/06/2020 - 12:20

Գնահատանքի հանդիպում

Կիրակի սոյն թւականի մայիսի 31-ի երեկոյեան, Թեհրանի հայոց թեմի առաջնորդ գերաշնորհ Տ. Սեպուհ Ս. արք. Սարգսեանի գլխաւորութեամբ, Իրանի Իսլ. խորհրդարանում Թեհրանի եւ հիւսիսային իրանահայութեան նորընտիր պատգամաւոր՝ Արա Շահվերդեանի, թեմիս Թեմական խորհրդի ատենապետ՝ Նորայր Արամեանի եւ խորհրդի անդամների ներկայութեամբ, ազգ. առաջնորդարանի դահլիճում կայացաւ երկու նստաշրջան եւ ութ շարունակական տարիներ Իրանի Իսլ. խորհրդարանում, որպէս Թեհրանի եւ հիւսիսային իրանահայութեան պատգամաւոր ժողովրդանւէր եւ հայրենանւէր ծառայութիւն մատուցած՝ դոկտ. Կարէն Խանլարեանի գնահատանքի հանդիպումը։

Կիրակի սոյն թւականի մայիսի 31-ի երեկոյեան, Թեհրանի հայոց թեմի առաջնորդ գերաշնորհ Տ. Սեպուհ Ս. արք. Սարգսեանի գլխաւորութեամբ, Իրանի Իսլ. խորհրդարանում Թեհրանի եւ հիւսիսային իրանահայութեան նորընտիր պատգամաւոր՝ Արա Շահվերդեանի, թեմիս Թեմական խորհրդի ատենապետ՝ Նորայր Արամեանի եւ խորհրդի անդամների ներկայութեամբ, ազգ. առաջնորդարանի դահլիճում կայացաւ երկու նստաշրջան եւ ութ շարունակական տարիներ Իրանի Իսլ. խորհրդարանում, որպէս Թեհրանի եւ հիւսիսային իրանահայութեան պատգամաւոր ժողովրդանւէր եւ հայրենանւէր ծառայութիւն մատուցած՝ դոկտ. Կարէն Խանլարեանի գնահատանքի հանդիպումը։

Հանդիպման սկզբին Թեմական խորհրդի ատենապետ՝ Նորայր Արամեանը, խորհրդի անունից շնորհակալական խօսք ուղղեց դոկտ. Կարէն Խանլարեանին եւ յայտնեց, որ վերջին ութ տարիների ընթացքում կառոյցս վայելել է դոկտ. Խանլարեանի սիրւած եւ հոգեհարազատ ներկայութիւնը, որին զուգահեռ աչալրջութեամբ հետեւել եւ հետամուտ է եղել համայնքիս յուզող հարցերին եւ իր ազդեցիկ ներդրումն ի գործ դնելով, փորձել է հնարաւորինս լուծում տալ խնդիրներին։ Պրն. Արամեանը բարի երթ եւ կանաչ ճանապարհ մաղթեց դոկտ. Կարէն Խանլարեանին եւ յուսաց, որ նա դեռեւս աջակցելու է կառոյցիս՝ տարբեր ասպարէզներում։

Դոկտ. Կարէն Խանլարեանը իր ելոյթի ընթացքում յայտնեց, որ իր ծառայութեան ընթացքում ունեցել է Սրբազան Հօր եւ հերթական Պատգամաւորական ժողովների եւ Թեմական խորհուրդների աջակցութիւնը, որի համար յայտնեց իր երախտագիտութիւնը։ Դոկտ. Խանլարեանը ընդգծեց, որ ի տարբերութիւն միւս փոքրամասնութիւնների նկատի առնելով մեր համայնքային համակարգւած դրւածքը ազգային մարմինների աջակցութիւնը այն կարեւոր ազդակներից է, որը նպաստելու է պատգամաւորի առաքելութեան բարեյաջող ընթացքին։ Դոկտ. Խանլարեանը յայտնեց, որ չնայած իր հանգամանքը աւարտւել է, սակայն իր առաքելութիւնը դեռեւս շարունակելու է եւ անգամ աշխարհագրական հեռաւորութիւնները չեն խոչնդոտելու իր նւիրական ծառայութիւնը ցուցաբերելու աշխատանքում։ Դոկտ. Խանլարեանը իր խօսքերի աւարտին կարեւորութեամբ մատնանշեց, որ վստահ է նորընտիր պատգամաւոր՝ Արա Շահվերդեանը, կը կարողանայ նոր դրսեւորումների հետ քայլ անել եւ լաւագոյն աշխատել ի նպաստ համայնքի շահերի եւ իրաւունքների պաշտպանման։

Հանդիպման ընթացքում Թեմական խորհրդի անդամ՝ պրն. Աշոտ Սինանին նաեւ որպէս ուսուցիչ շնորհակալութիւն յայտնեց դոկտ. Խանլարեանին, հայոց դպրոցների նկատմամբ իր ցուցաբերած ջանքերի կապակցութեամբ։ Նա ընդգծեց, որ դոկտ. Կարէն Խանլարեանը իր կարկառուն եւ փայլուն վեհութեամբ եւ համեստութեամբ, արդարացրել է իրեն վստահւած ծանր պարտականութիւն եւ հանգամանքը, որը ըստ իրեն դեռեւս այն շարունակելու է ուրիշ ասպարէզներում։

Թեմիս առաջնորդ գերշ. Տ. Սեպուհ Ս. արք. Սարգսեանը հանդիպման աւարտին գնահատանքի եւ գոհունակութեան խօսք ուղղեց դոկտ. Կարէն Խանլարեանին, իր կատարած գործունէութեան կապակցութեամբ։

Սրբազան Հայրը յայտնեց, որ դոկտ. Խանլարեանը դեռեւս նախքան պատգամաւորի կոչում ստանալը, երկար տարիներ գործօն ներկայութիւն է ունեցել համայնքիս ազգային հասարակական կեանքում։

Սրբազան Հայրը անդրադառնալով պատգամաւորական ծանր եւ պատասխանատու կոչումին ընդգծեց. «Իրանահայ գաղութում պատգամաւորի առաքելութիւնը նւիրական է, քանի որ նա աշխատում է՝ թէ՛ ներքին եւ թէ՛ արտաքին իմաստով երկու ճակատներում։ Ներքին ճակատում պատգամաւորի պարտականութիւնը կենտրոնացած է, որպէս մէկ ամբողջութիւն իրանահայ գաղութի բոլոր խաւերի եւ երեւոյթների վրայ եւ արտաքին երեսը՝ ոչ անպայմանօրէն պետական նաեւ համազգային իմաստով, քանի որ ուր որ երթայ ներկայանում է որպէս իրանահայ պատգամաւոր, ով պարտականութիւն ունի լաւագոյն կերպով ներկայացնել մեր համայնքը, ընդհանրապէս դրական երեւոյթներով»։

Սրբազան Հայրը յայտնեց, որ երկու ճակատների վրայ տարածւած գործը առաւել ծանր պարտականութիւն է, որը դոկտ. Կարէն Խանլարեանը լաւագոյն կերպով իրագործեց եւ վստահ է, որ նորընտիր պատգամաւոր՝ Արա Շահվերդեանը նաեւ նոյն ոգիով եւ նախանձախնդրութեամբ շարունակելու է իրեն վստահւած աշխատանքը։

Սրբազան Հայրը բարի երթ եւ նորանոր ձեռքբերումներ եւ յաջողութիւններ մաղթեց դոկտ. Կարէն Խանլարեանին։

Հանդիպման աւարտին Թեմական խորհուրդը Սրբազան Հօր ձեռամբ յուշանւէր յանձնեց դոկտ. Կարէն Խանլարեանին։

 

Թ.Հ.Թ. Թեմական խորհուրդ

3 յունիս 2020

Յարակից լուրեր

  • Ազգային առաջնորդարանի պատւիրարկութեան այցը՝ Քաղխորհրդի կենտրոն
    Ազգային առաջնորդարանի պատւիրարկութեան այցը՝ Քաղխորհրդի կենտրոն

    Երեքշաբթի, 19 յունւարի 2021 թ.-ին Թեհրանի Իսլ. քաղխորհրդի հրաւէրով կենտրոնի ժողովասրահում գումարւեց խորհրդակցական հանդիպում, Դուլաբի գերեզմանատնում քաղաքապետարանի կողմից գործադրւած աշխատանքներից զեկոյց ներկայացնելու նպատակով:

  • Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում
    Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում

    Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

  • Մեռելոցի պատարագ Նոր Բուրաստանի Ս. Ստեփանոս մատուռում
    Մեռելոցի պատարագ Նոր Բուրաստանի Ս. Ստեփանոս մատուռում

    Հինգշաբթի, 7 յունւարի 2021 թ.-ի առաւօտեան, ըստ եկեղեցու աւանդութեան Թեհրանի Նոր Բուրաստանի գերեզմանատան Ս. Ստեփանոս մատուռում մատուցւեց մեռելոցի սուրբ եւ անմահ պատարագ ձեռամբ արժ. Տ. Սարգիս քհնյ. Խոսրովեանի։ Արարողութեանը ներկայ էին կրօնական խորհրդի եւ քահանայից դասի ներկայացուցիչներ եւ քիչ թւով հաւատացեալներ։ 

  • Աստւած մարդացաւ մարդը աստւածացնելու համար
    Աստւած մարդացաւ մարդը աստւածացնելու համար

    Աշխարհի յարափոփոխ, անորոշ ու տագնապահար ներկայ այս վիճակը ողջ մարդկութիւնը դէմ-յանդիման է դրել բազմաթիւ ու անմեկնելի մարտահրաւէրների առաջ։ Անցեալ ամբողջ տարին մարդկութիւնը ապրեց ու դեռ շարունակում է ապրել տագնապներով ու անորոշութեան շղարշով քօղարկւած կեանք։ Մի համաճարակ չնւաճւած մի այլ համաճարակ գլուխը արդէն բարձրացրել եւ վտանգ է սպառնում աշխարհին։

  • Աղօթք վասն սիրոյ եւ խաղաղութեան
    Աղօթք վասն սիրոյ եւ խաղաղութեան

    Սիրելի եւ թանկագին հաւատակից քոյրեր եւ եղբայրներ,

    2021 Նոր տարւայ այս առաջին պահերին, քրիստոնէական ջերմ սիրով ու անկեղծագոյն բարեմաղթութիւններով ողջունում եմ ձեզ սիրելի հաւատակից քոյրեր եւ եղբայրներ, որտեղ որ կաք ցանկանալով միաժամանակ բոլորիդ աստւածային օրհնութիւններով ու բարիքներով լի տարի։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։