Նախապէս պայմանաւորւածութեան համաձայն՝ Թեհրանի եւ հիւսիսային իրանահայութեան պատգամաւոր Արա Շահվերդեանը, Սպահանի եւ հարաւային իրանահայութեան պատգամաւոր Ռոբերտ Բեգլարեանը, յուլիսի 6-ին հանդիպել են «Յակոբեան» ընկերութեան տնօրէն Սմբատ Յակոբեանի հետ:
Նախապէս պայմանաւորւածութեան համաձայն՝ Թեհրանի եւ հիւսիսային իրանահայութեան պատգամաւոր Արա Շահվերդեանը, Սպահանի եւ հարաւային իրանահայութեան պատգամաւոր Ռոբերտ Բեգլարեանը, յուլիսի 6-ին հանդիպել են «Յակոբեան» ընկերութեան տնօրէն Սմբատ Յակոբեանի հետ: Այս մասին տեղեկացնում է պատգամաւորի գրասենեակը:
Օգտւելով ընձեռւած առիթից պրն. Յակոբեանը շնորհաւորել է պատգամաւորներին ընտրութեան առիթով, ապա մտերմիկ երկկողմանի զրոյցի ընթացքում անդրադարձ է եղել երկրի տնտեսական ստեղծւած իրավիճակին, պայմաններին եւ ընդհանուր առմամբ առգոյ խնդիրներին:
Պատգամաւորները իրենց հերթին բարձր են գնահատել Սմբատ Յակոբեանի եւ «Յակոբեան» ընկերութեան գործունէութիւնը, ի մասնաւորի նրանց բարեգործական աշխատանքները, որոնք իրականացւում են թէ՛ համայնքում եւ ուղղւում մարզա-մշակութային ոլորտներին, եւ թէ՛ իրանական շրջանակներում, որի ցայտուն օրինակին վերջերս ականատես եղանք:
Յիշեցնենք, որ «Յակոբեան» ընկերութիւնը կորոնավիրուսի պայմաններում աշխատելու համար բժշկական յատուկ հագուստներ արտադրեց եւ նւիրեց հիւանդանոցներին:
