Հա

Համայնք

10/09/2020 - 15:00

Իսլ. խորհրդարանում Թեհրանի եւ հիւսիսային իրանահայութեան պատգամաւորի հանդիպումը ռադիօ-հեռուստատեսութեան կազմակերպութեան փոխտնօրէնի հետ եւ այցը հայերէն ռադիոժամ

Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը երէկ այցելել է Իրանի Իսլ. Հանրապետութեան ռադիօ-հեռուստատեսութեան արտասահմանեան թողարկումների հայերէն ռադիոժամ, մօտիկից ծանօթանալով աշխատանքներին եւ խնդիրներին, որոնցից հիմնականն է՝ FM ալիքով հաղորդումը դադարեցնելու եւ այն կիբեր տարածքով հեռարձակելու համար ընդունւած որոշումը:

«ԱԼԻՔ», Կ. Դ. - Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը երէկ այցելել է Իրանի Իսլ. Հանրապետութեան ռադիօ-հեռուստատեսութեան արտասահմանեան թողարկումների հայերէն ռադիոժամ, մօտիկից ծանօթանալով աշխատանքներին եւ խնդիրներին, որոնցից հիմնականն է՝ FM ալիքով հաղորդումը դադարեցնելու եւ այն կիբեր տարածքով հեռարձակելու համար ընդունւած որոշումը:

Հայերէն ռադիոժամի գրասենեակում կազմակերպւած հանդիպման ընթացքում, որին ներկայ էին արտասահմանեան թողարկումների Կենտրոնական Ասիայի եւ Կովկասի հարցերով գլխաւոր տնօրէն Բորհան Հեշմաթին, հայերէն ռադիոժամի տնօրէն Ալիռեզա Հասանեանը, եւ ռադիոժամի աշխատակիցները, պատգամաւոր Արա Շահվերդեանը նշեց. «Որպէս հայերէն ռադիօժամի ունկնդիր, պիտի ընդգծել, որ այս ռադիոժամը բազմաթիւ ծառայութիւններ է մատուցել հայկական մշակոյթը տարածելու գործում»:

Նա ընդգծեց, որ «Իրանում կրօնական փոքրամասնութիւնների իրաւունքների, յատկապէս մարդու իրաւունքների եւ քաղաքացիական ազատութիւնների հարցով հայերէն ռադիոժամի գոյութիւնը եւ տեղեկատւութեան տրամադրումը շատ կարեւոր է»:

Նա դժգոհանք յայտնելով հայերէն ռադիոհաղորդումները FM ալիքից հեռացնելու որոշման կապակցութեամբ, յոյս յայտնեց, որ ռադիօ-հեռուստատեսութեան կազմակերպութեան պատասխանատու տնօրինութեան, յատկապէս ռադիօ-հեռուստատեսութեան արտասահմանեան թողարկումների հարցով ռադիօ-հեռուստատեսութեան կազմակերպութեան փոխտնօրէն դոկտ. Փէյման Ջեբլիի հետ հանդիպման ժամանակ, պէտք է բարձրացնի վերոնշեալ խնդիրները եւ միջոցներ ձեռնարկի հարցի կարգաւորման ուղղութեամբ:

Նշենք, որ հանդիպմանը ռադիոյի տնօրէն Հասանեանը անդրադարձաւ բազմամեայ հայերէն ռադիոժամի աշխատանքներին եւ հայալեզու այս լրատւամիջոցի ազդեցութեանն ու աշխատանքներին եւ պատգամաւորին ծանօթացրեց ռադիոժամի աշխատակիցներին, որոնք նաեւ իրենց մտահոգութիւնը յայտնեցին ռադիոյի FM ալիքից հաղորդումները չհեռարձակւելու որոշման կապակցութեամբ:

Վերջում պատգամաւորը ուղեկցութեամբ հայերէն ռադիոժամի տնօրէնի եւ Կենտրոնական Ասիայի եւ Կովկասի հարցերով գլխաւոր տնօրէնի, հանդիպում ունեցաւ կազմակերպութեան փոխտնօրէնի հետ, քննարկելով առկայ խնդիրը եւ մի շարք հարցեր:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։