Հա

Համայնք

23/11/2020 - 13:45

Հանդիսաւոր հոգեհանգստեան արարողութիւն զոհւած հայ նահատակների հոգիների խաղաղութեան համար

Ի հետեւութիւն երկու Վեհափառ Հայրապետների տնօրինումին, այսուհետ 22 նոյեմբերը հաստատւեց որպէս Արցախեան գոյամարտի նահատակների օր։ Այդ իսկ առիթով կիրակի, յետ ս. եւ անմահ պատարագի, Թեհրանի մեր բոլոր եկեղեցիներում տեղի ունեցաւ հանդիսաւոր հոգեհանգստեան արարողութիւն Արցախեան 44-օրեայ գոյապայքարի ընթացքին զոհւած հայ նահատակների հոգիների խաղաղութեան համար։

Ի հետեւութիւն երկու Վեհափառ Հայրապետների տնօրինումին, այսուհետ 22 նոյեմբերը հաստատւեց որպէս Արցախեան գոյամարտի նահատակների օր։ Այդ իսկ առիթով կիրակի, յետ ս. եւ անմահ պատարագի, Թեհրանի մեր բոլոր եկեղեցիներում տեղի ունեցաւ հանդիսաւոր հոգեհանգստեան արարողութիւն Արցախեան 44-օրեայ գոյապայքարի ընթացքին զոհւած հայ նահատակների հոգիների խաղաղութեան համար։

Ս. Սարգիս առաջնորդանիստ մայր եկեղեցում կրօնական արարողութեանց նախագահեց եւ այդ առիթով քարոզեց Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանը։ Պատարագիչն էր արժ. Տ. Սահակ քհնյ. Խոսրովեանը։ Արարողութեանը ներկայ էին Հայաստանի Հանրապետութեան արտակարգ եւ լիազօր դեսպան՝ Արտաշէս Թումանեանը, դեսպանատան դիւանգիտական անձնակազմը, Պատգամաւորական ժողովի ատենապետ՝ Վահիկ Աղաքեանը, Թեմական խորհրդի ատենապետ՝ Նորայր Արամեանը եւ խորհրդի նիւթականի պատասխանատու՝ Սոլէյման Քեշիշեանը։

Սրբազան Հայրը յընթացս քարոզի, ակնարկելով Պօղոս Առաքեալի Կորնթացիներին գրւած նամակի, աշխարհում տեղի ունեցող անկարգութիւնները հեղինակւած են, ինքն իրեն այս աշխարհի տէր կարծող սատանայի կողմից, որը ձգտում է իր ճիրանների մէջ պահել աշխարհը, բայց իւրաքանչիւր հաւատացեալ իր մէջ կրելով աստւածային շնորհների գանձը, կոչւած է դիմադրելու նրա զօրութեան։

Սրբազան Հայրը մէջբերելով առաքեալի խօսքերը բնութագրեց հաւատացեալի՝ ի մասնաւորի Հայ Քրիստոնեայի իրավիճակը։ Հայ ժողովուրդը պատմութեան ընթացքին յաճախ նեղութիւնների ենթարկւել բայց երբեք չի ընկճւել, տագնապի մատնւելով հանդերձ չի վհատւել, բազում հալածանքների է ենթարկւել, բայց երբեք իրեն լքւած չի զգացել, խոշտանգւել է, բայց չի խորտակւել, ու իր կեանքի մէջ խաչակից է եղել իր Տիրոջը, ու ամէն անգամ արժանացել է Նրա յարութեան փառքին։

Սրբազան Հայրը յաւելեց, դարերի խորքից եկող խօսքերը հաւատքի ու արդարութեան համար իւրաքանչիւր տառապեալի համար, եղել են յուսադրիչ եւ մխիթարիչ, ու նոր ուժ ու եռանդ են ներարկել մեր հայ ժողովրդի երակներում։

Առաջնորդ Սրբազան Հայրը հաւատքը կեանքի զրահահանդերձը որակելով անդրադարձաւ հաւատքի թերահաւատութեան արդիւնքներին, ապա շարունակելով իր խօսքը, ասաց, Քրիստոսի եկեղեցու եւ հաւատացեալի կեաքում տեղի ունեցող փորձութիւնների նպատակը նպաստում են ենթակայի ամրացման։

Սրբազան Հայրը յաւելեց, որ հայ ժողովուրդը, լինելով առաջին Քրիստոնեայ ազգը, իր կեանքը շաղաղելով երկնային արժէքներին ու Աստւածաշնչեան ուսուցումներին, անտանելի նեղութիւնների ենթարկւելով հանդերձ չի ընկճւել եւ Քրիստոսի չարչարանքները իր մարմնի մէջ կրելով, ունեցել է յարութեան տեսլականը։

Ապա Սրբազան Հայրը յիշելով 44-օրեայ Արցախեան գոյամարտի իրադարձութիւնները, ակնարկեց որ հայ ժողովուրդը հայրենի հողի վրայ, եւ թէ սփիւռքում հալածւեց ու յուսահատութեան ու լքւածութեան պահեր ապրեց, սակայն այդ բոլորը կրեց Աստծու հանդէպ ունեցած հաւատքով եւ յոյսով։ Սրբազան Հայրը յաւելեց հայ ազգը ամբողջական հայրենիքի տեսլականը ունենալով յաղթահարել է իր դէմ ծառացած դժւարութիւններին ու իր կեանքից հեռու է վանել յուսահատութեան մրուրը եւ հետամուտ է եղել կեանքին Աստւածային նախախնամութեամբ։ Վերջում Սրբազան Հայրը ակնարկելով այն իրողութեան, որ հայը մնայուն ու յաւիտենական արժէքների համար պայքարող ժողովուրդ է պիտի լինի առ յաւէտ։ Ապա Սրբազան Հայրը կոչ արեց աղօթել նահատակների հոգւոյ հանգստեան, որդեկորոյս ծնողների մխիթարութեան, վիրաւորների շուտափոյթ ապաքինման ու ժողովրդի առաւել իմաստնացման համար, որպէսզի միասնականութեամբ դիմագրաւի իր դէմ ելած փորձութիւնները եւ վերականգնի այն ինչ կորցրեց այս պատերազմի ընթացքին։

Սուրբ եւ անմահ պատարագից յետոյ տեղի ունեցաւ հոգեհանգստեան արարողութիւն։

 

Ազգային առաջնորդարանի Հանրային կապ

Յարակից լուրեր

  • Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում
    Ճրագալոյցի եւ Ս. Ծննդեան արարողութիւններ Թեհրանի բոլոր եկեղեցիներում

    Թեհրանի բոլոր եկեղեցիներում կատարւեց Ճրագալոյցի եւ Ս. Ծննդեան եւ Աստւածայայտնութեան արարողութիւնները:

  • Մեռելոցի պատարագ Նոր Բուրաստանի Ս. Ստեփանոս մատուռում
    Մեռելոցի պատարագ Նոր Բուրաստանի Ս. Ստեփանոս մատուռում

    Հինգշաբթի, 7 յունւարի 2021 թ.-ի առաւօտեան, ըստ եկեղեցու աւանդութեան Թեհրանի Նոր Բուրաստանի գերեզմանատան Ս. Ստեփանոս մատուռում մատուցւեց մեռելոցի սուրբ եւ անմահ պատարագ ձեռամբ արժ. Տ. Սարգիս քհնյ. Խոսրովեանի։ Արարողութեանը ներկայ էին կրօնական խորհրդի եւ քահանայից դասի ներկայացուցիչներ եւ քիչ թւով հաւատացեալներ։ 

  • Աստւած մարդացաւ մարդը աստւածացնելու համար
    Աստւած մարդացաւ մարդը աստւածացնելու համար

    Աշխարհի յարափոփոխ, անորոշ ու տագնապահար ներկայ այս վիճակը ողջ մարդկութիւնը դէմ-յանդիման է դրել բազմաթիւ ու անմեկնելի մարտահրաւէրների առաջ։ Անցեալ ամբողջ տարին մարդկութիւնը ապրեց ու դեռ շարունակում է ապրել տագնապներով ու անորոշութեան շղարշով քօղարկւած կեանք։ Մի համաճարակ չնւաճւած մի այլ համաճարակ գլուխը արդէն բարձրացրել եւ վտանգ է սպառնում աշխարհին։

  • Աղօթք վասն սիրոյ եւ խաղաղութեան
    Աղօթք վասն սիրոյ եւ խաղաղութեան

    Սիրելի եւ թանկագին հաւատակից քոյրեր եւ եղբայրներ,

    2021 Նոր տարւայ այս առաջին պահերին, քրիստոնէական ջերմ սիրով ու անկեղծագոյն բարեմաղթութիւններով ողջունում եմ ձեզ սիրելի հաւատակից քոյրեր եւ եղբայրներ, որտեղ որ կաք ցանկանալով միաժամանակ բոլորիդ աստւածային օրհնութիւններով ու բարիքներով լի տարի։

  • Ամանորեայ դիմաւորում Թեհրանի հայոց եկեղեցիներում
    Ամանորեայ դիմաւորում Թեհրանի հայոց եկեղեցիներում

    Ուրբաթ առաւօտեան՝ յունւարի 1-ին 2021 թ.-ին, Թեհրանի բոլոր եկեղեցիներում մատուցւեց Ամանորեան ս. եւ անմահ պատարագ, որպէսզի հաւատացեալ ժողովուրդը հաղորդւելով նորոգւի եւ շնորհազարդւի աստւածային պարգեւներով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։