Հա

Համայնք

29/11/2020 - 10:20

Ասիայի Եկեղեցիների խորհրդի Գործադիր վարչութեան առցանց ժողովը

27-28 նոյեմբեր 2020-ին կայացաւ Ասիայի Եկեղեցիների խորհրդի Գործադիր վարչութեան առցանց ժողովը, որին ի պաշտօնէ մասնակցեց թեմիս առաջնորդ գերշ. Տ. Սեպուհ Ս. արք. Սարգսեանը ժողովին բերելով իր գործօն մասնակցութիւնը։

27-28 նոյեմբեր 2020-ին կայացաւ Ասիայի Եկեղեցիների խորհրդի Գործադիր վարչութեան առցանց ժողովը, որին ի պաշտօնէ մասնակցեց թեմիս առաջնորդ գերշ. Տ. Սեպուհ Ս. արք. Սարգսեանը ժողովին բերելով իր գործօն մասնակցութիւնը։

Երկու օրերի վրայ տարածւած ժողովը իր յաջորդական նիստերի ընթացքին լսեց ու քննարկումների առարկայ դարձրեց ընդհանուր քարտուղար դկտ. Մաթիոս-ի բովանդակալից զեկոյցը, 2019 յուլիսից մինչեւ 2020 սեպտեմբեր, կատարւած աշխատանքների, կազմակերպւած համագումարների մասին։ Այնուհետեւ գանձապահը իր կարգին հանգամնալից զեկոյց ներկայացուց Խորհրդի նիւթական գործառնութեան եւ Խորհրդի տնտեսական կացութեան մասին։

Գործադիր վարչութեան վերջին նիստին ժողովականները լսեցին ընդհանուր քարտուղարի զեկոյցը Ասիայի Եկեղեցիների խորհրդի յառաջիկայ 15-րդ Ընդհանուր համաժողովի գումարման հետ կապւած հարցերին։ Ժողովականները լսելուց յետոյ ընդհանուր քարտուղարի զեկոյցն ու առաջարկները այդ ուղղութեամբ Ընդհանուր Համաժողովի թւականը յետաձգեց մինչեւ 2022 մայիս-յունիս ամիսներին, իսկ վայրը առայժմ նկատի առնւեց Ինդոնեզիա։

Ժողովականները մեծապէս գնահատեցին ընդհանուր քարտուղարի ճիգերը Խորհրդի եւ անոր միաւորների գործունէութեան հետ կապւած առ ցանց կազմակերպւած ժողովներին, ուսուցողական դասընթացներին։ Յայտնենք որ անցեալ տարեշրջանին այդ ժողովական աշխատանքներին Իրանից մասնակցեցան օր. Արինէ Մինասեանը Նոր Ջուղայից եւ բարշ. Անի Քրիսթի սարկաւագուհի Մանւէլեանը, որոնք իրենց գործօն մասնակցութիւնը բերին ժողովական աշխատանքներին։

Ժողովը իր աշխատանքները աւարտեց, փառաբանական աղօթքով, շաբաթ 28 նոյեմբերի կէսօրին։ Յայտնենք, որ ժողովը իր աշխատանքները սկսած էր աղօթքով եւ Աստւածաշնչի մի հատւածի ընթերցումով ու մեկնաբանութեամբ։

 

ԹՂԹԱԿԻՑ 

28 նոյեմբեր 2020

Թեհրան

Յարակից լուրեր

  • Ողջոյն մայր իմ քաղցր ու անուշ
    Ողջոյն մայր իմ քաղցր ու անուշ

    Ամէն անգամ, երբ գրիչը ձեռքս առած ուզում եմ մօր մասին ինչ որ բան գրել, դժւարանում եմ մի բան գրել, ոչ թէ որովհետեւ գրելիք չկայ կամ չեմ կարող գրել, այլ պարզապէս նրա համար, որ այնքան բան կայ գրելիք մօր, մօր տիպարի եւ մայրութեան նւիրական գաղափարի մասին, որ չգիտես որտեղից սկսել եւ որտեղ վերջակէտ դնես։ Այո՛, մայրութեան խորհուրդը անսահման է եւ անհուն եւ մենք հունաւոր էակներս դժւարանում ենք բառերով, թանձրացեալ ձեւով այն արտայայտել։

  • Ճրագալոյցի եւ Զատկական տօնները Թեհրանի հայոց թեմում
    Ճրագալոյցի եւ Զատկական տօնները Թեհրանի հայոց թեմում

    Շաբաթ, 3 ապրիլին մեր Տիրոջ Յիսուս Քրիստոսի Հրաշափառ Յարութեան տօնի առիթով, Թեհրանի բոլոր եկեղեցիներում տեղի ունեցաւ ճրագալոյցի արարողութիւն եւ սուրբ եւ անմահ պատարագ։

  • Աւագ հինգշաբթիի արարողութիւնները՝ Թեհրանի բոլոր եկեղեցիններում
    Աւագ հինգշաբթիի արարողութիւնները՝ Թեհրանի բոլոր եկեղեցիններում

    Հայոց Առաքելական Եկեղեցին այս տարի Յիսուս Քրիստոսի երկրային կեանքի վերջին շաբաթը, Աւագ շաբաթը եզրափակող արարողութիւններից Սուրբ Հաղորդութեան խորհուրդի հաստատման, Ոտնալւայի ու Խաւարման կարգը վերապրեց Ապրիլի 1-ին։

  • Տասը կուսանաց յիշատակումը Թեհրանի եկեղեցիններում
    Տասը կուսանաց յիշատակումը Թեհրանի եկեղեցիններում

    Երեքշաբթի թւականիս մարտի 30-ին Թեհրանի բոլոր եկեղեցիներում երեկոյեան ժամերգութեան պահին կատարւեց Տասը կուսանաց յիշատակը։

  • Ծաղկազարդը Թեհրանի եկեղեցիներում
    Ծաղկազարդը Թեհրանի եկեղեցիներում

    Այս տարի կիրակի, մարտի 28-ին Հայ Առաքելական Եկեղեցին տօնեց Ծաղկազարդը։ Թեհրանի բոլոր եկողեցիներում եւս հաւատացեալների յատկապէս մանուկների մասնակցութեամբ տեղի ունեցաւ Քրիստոսի յաղթական մուտքը Երուսաղէմ խորհրդանշող թափօրի արարողութիւն, սուրբ եւ անմահ պատարագ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։